الحمد لله استلمت لوجان 2013

[screamseko]

السلام عليكم

الحمد لله ربنا كرمني واستلمت لوجان 2013 بلاك لاين اللون ابيض
بس للاسف استلمت عدادها عالي شويه كان 57
بس حمدت ربنا وقولت كده احسن من انه يفصل الكابل ويبقي عامل عداد عالي وافرح انا بالرقم الصغير
نزلت اشتريتها من المصريه للسيارات جرين بلازا وسعرها بقي 74000 في المعرض
وبيقولي ان المعرض النهارده استلم الدفعه بالسعر الجديد 73250 وبيبيع ب74000

ومعاه غطاء هديه وميداليه وطقم دواسات

العربيه جميله الحمد لله ومبسوط بيها ومرتاحلها نفسيا جدااالحمد لله ربنا يديمها نعمه
في صوت شخلله كده بتبان مع الطريق الغير ممهداعتقد جوه الكابينه بس ححاول اوصله ان شاء الله
وعلي فكره الكاسيت للاسف مش يو اس بي وبلوتوث بس الحمد لله الخيره فيما اختاره الله
وانا بشتري السيلز قعد يقنعني بلاوس وفيرنا بس ممجوش معايا سكه لانهم ديقين جدا في كرسي السواقه
خصوصا ان طولي 185 ووزني مليان شويه
طبعا لمبة البنزين كانت منوره
طلعت عالبنزينه علي طول
فولت بنزين 92 عملت تقريبا 48 لتر اتكلفوا 87 جنيه
الحمد لله
كرم وفضل من ربنا
وربنا يدي كل واحد اللي بيتمناه ان شاء الله

[hossam_elwani]

الف مبروك عليك ...... اهتم بيها على قد ماتقدر

[McLaren2012]

1000 مبروك و ربنا يحافظ عليك و يحافظلك عليها

[wsamir]

الف مبروك ربنا يباركلك فيها و يكفيك شرها

[Gelgel2004]

ربنا يديك خيرها و يكفيك شرها ان شاء الله..

[alaaosmanakl]

مشاء الله لا قوة إلا بالله
هذا الدعاء يجب علينا جميعا أن نقوله إذا وجدنا في أخينا ما يعجبنا

ربنا يبارك ليك فيها وأسال الله لك خيرها وخير ما صنعت لها .

[wael30003]

ماشاء الله لا قوة الا بالله

سبحان مغير الاحوال لسه كنت بقول انا هاستلم عربيتى ال 2012
الكلام ده كان فى 30/10/2011 تاريخ استلام العربية
دلوقتى بقت عربية قديمة
سبحان من له الدوام
يغير ولا يتغير


العربية عشان ممتازة سعرها فى الزيادة

بنا يديك خيرها ويكفيك شرها

[alaaosmanakl]

سؤال لو سمحت
بتحس إن صوت الموتور عالي اوي علي الغيار الأول والثاني
عامل زي صوت عربيات النص نقل الدبابة مثلا ؟؟؟؟؟

[gebreel]

الف مبروك يا باشا =)

[screamseko]

ربنا يبارك فيكوا يا رجاله يارب ويرزق كل واحد باللي بيتمناه

سؤال لو سمحت
بتحس إن صوت الموتور عالي اوي علي الغيار الأول والثاني
عامل زي صوت عربيات النص نقل الدبابة مثلا ؟؟؟؟؟

هو اينعم الموتور عالي نسبيا بس مش للدرجه اللي انت بتتكلم فيها دي خالص

الموتور عالي بس صوته مش وحش ومش عالي اوي وحيقل بعد التليين ولو فكرت تركب فلتر اسبور حتسمع مزيكا كمان