سير و طنبورة الدينمو

[soli86]

كنت في التوكيل امبارح غيرت تيل الفرامل و قالولي ان العربية محتاجة تغير طنبورة الدينامو و السير بس القطعة مش موجوده و لما تيجي هيكلموني أروح أغيرها في الضمان !! السؤال بقى حد حصل معاه الموضوع ده و ايه حكاية طنبورة الدينامو دي ؟

[samehbakr]

انت اشتكيت من انك مثلا بتيجي تدور العربية مابدرش؟؟؟؟

[emadm]

متابع

[Egyzizo]

عيب قوى تبقى العربية منتشرة انتشار كبير زى اللوجان وفيه قطع غيار حيوية تكون مش موجودة فى التوكيل وتتسبب فى ان عربيات ممكن تقف مستنية الفرج.

[soli86]

معنديش اي شكوى و لا مشاكل العربية دخلت صيانة ال25 ألف و غيرت تيل امامي و كتبولي أنها محتاجة تغير سير و طنبورة دينامو في الضمان و لما سالتهم قالولي هي هتتغير و مش موجوده دلوقت و لما تيجي هتتغير في الضمان و أخدت العربية و مشيت !!

[mido_9234]

انا قالولي نفس الموضوع في التوكيل بعد الصيانه بس انا سألت قالولي ان اللي في العربيه بلاستيك والجديده ميتال علشان كده هتتغير في الضمان برضه لان عمرها هيكون اطول

[tamer61]

أنا غيرت طمبورة الدينامو وده إجراء وقائي لأن علي حسب كلامهم الخامه إللي مصنوعه منها الطمبوره مش كويسه وممكن تؤدي لظهور صوت مرتفع وعلشان كده بيغيروها في الضمان وللعلم إللي موجوده مش حتعمل مشكله وأنا شخصيا ما حستش بأي فرق لما غيروها وده كان في صيانة ال 35000 وأنا دلوقتي داخل علي ال 65000 كم

[abo_pasem]

أنا غيرتهم الاتنين في ال 50 الف
بحوالي 1000 جندي

[Egyzizo]

كنت في التوكيل امبارح غيرت تيل الفرامل و قالولي ان العربية محتاجة تغير طنبورة الدينامو و السير بس القطعة مش موجوده و لما تيجي هيكلموني أروح أغيرها في الضمان !! السؤال بقى حد حصل معاه الموضوع ده و ايه حكاية طنبورة الدينامو دي ؟

أنا بقى كنت فى التوكيل النهارده باغير البوابة وماحدش قال لى على حاجة.
بس أنا اللى قلت، وخليته يكتب فى الأوردر (فحص طنبورة الدينامو)
وعند استلام العربية ، قال لى تشرفنا الأسبوع الجاى علشان نغير الطنبورة.

شكراً ليك ولموضوعك اللى فكرنى بحكاية الطنبورة خصوصاً أن ضمانى فاضل له أسبوعين ويخلص.

اللى بيزعل بس ان طول الصيانات اللى فاتت ماحدش جاب سيرتها ، ولما قلت لهم افحصوها ، قالوا نغيرها.