الأبواب الخلفية تقفل بصعوبة

[alaaosmanakl]

حد لاحظ إن الأبواب الخلفية بتقفل بصعوبة جدا
بخلاف الابواب الامامية . ؟؟؟؟؟

يعني لازم تقفلها جامد .
ولو جيت تقفليها بنفس قوة الدفع اللي بتقفل بيها
الابواب الامامية
فلا يتم قفلها
بل بترد ولازم تفتحها تاني
وتقفل من أول وجديد
بقوة دفع كبيرة ؟؟؟

طبعا أنا بتكلم علي موديل 2013 يعني العربية لسة جديدة .

[Egyzizo]

كل العربيات كده من 2010 .. تعايش.
بس مش بصعوبة جداً يعنى ، هى محتاجة زقة شوية.

[alaaosmanakl]

كل العربيات كده من 2010 .. تعايش.
بس مش بصعوبة جداً يعنى ، هى محتاجة زقة شوية.

يعني يا باشا الباب الخلفي مش بيلين زي الموتور
ويتحسن بعد 1000 ك او حتي بعد 5000 ك
بجد هيفضل كده عالطول لازم زقة شوية يعني ؟؟؟

[screamseko]

اها ملاحظ بس عادي يعني

[amrelzawawy]

بتروح قسم السمكره مع الصيانه فى التوكيل وبيريحلك الباب وبتكون افضل نسبيا بكثير لكن مش هتكون بنعومة الباب الامامى...... ده من الاخر

[Karim_Monir]

لو مطبعش في خلال شهر السمكري يريحلك تلمفصلات

[alaaosmanakl]

لو مطبعش في خلال شهر السمكري يريحلك تلمفصلات

شكرا للجميع شكرا استاذ/ كريم

[ayman_kamal]

انا بافرد كاف ايدي على اكره الباب الوراني و بقفليها بنفس قوة الدفع اللي بأقفل بيها الابواب الامامية أي ريقة تانية لازم زقة شوية

[Magoda]

انا صحابى كده برضه بس عادى يعنى تعايش

[tondar90]

كده مش عادي اي سمكري يعمل حكايت الابواب دي

العربيات الجديدة تبقى كده و ده شيء عادي في عربيات كتير

[MohammedAladel]

تصميم الجلدة نفسه عامل مهم فى ارتداد الباب تانى

عامة الباب فيه اللسان اللى بيقفل غالبا بيبقى وضعين ورا بعض جرب بإيدك تقفله على الهوا يعنى تفتح الباب وتحرك اللسان بإيدك أول حركة وتانى حركة وتقارن مع الباب الأمامى وتشوف الفرق لو مفيش فرق

يبقى الجلدة بتخلى الباب يرتد لو مش الجلدة يبقى وزن الباب نفسه مع المفصلات بتخلى الباب مش بيروح بكل قوته فى الشنكل بتاعه والله أعلى و أعلم

[alaaosmanakl]

واضح إني لازم اكبس وأنا بقفل علشان متردش تاني لبره

[MohammedAladel]

ولو قافل الزجاج هيبقى أصعب فى القفل من وإنت فاتح طبعا