إعـــــــلان

Collapse

.

,
See more
See less

تقريري الاسبوعي عن لوجي 2013 بعد 210 كيلو..

Collapse
X
 
  • Filter
  • الوقت
  • Show
Clear All
new posts

  • تقريري الاسبوعي عن لوجي 2013 بعد 210 كيلو..

    السلام عليكم يا لوجاناويه يارب تكونوا بخير يارب

    نبدأ بسم الله


    النهارده يعتبر اول يوم في تاني اسبوع من استلامي ل "لوجي" 2013

    ولغاية امبارح انا عامل 210 كيلو تقريبا

    انا عارف ان الفتره دي متكفيش اني احكم عالعربيه

    بس انا قصدت التقرير يبقي علي فترات متقاربه عشان كل واحد خايف من العربيه او بيفكر يقتنيها يشوف التقرير ده اكنه هو اللي راكبها

    مبدايا انا مقابلتش مشاكل تذكر لغاية اللحظه اللي بكلمكوا فيها دي
    غير بس ان مواسير التكييف متعزلتش جوه المقصوره والصوت عالي نسبيا لو وصل الار بي ام لاكتر من 4

    الحلو في الموضوع ان استهلاك البنزين بيقل بطريقه ملحوظه

    لدرجة اني قلقت اول مستلمتها كانت عامله حوالي 57 كيلو

    وكان استهلاك البنزين وصل ل 18 لتر لكل 100 كيلو

    اخر قرايه كانت وانا بركن امبارح وصل الاستهلاك ل 8.8 لتر لكل 100 كيلو ودي حاجه مفرحاني الحمد لله وكمان الموضوع بيقل

    نسبة الاستهلاك من ساعة متحركت اول مره ركبتها عامله 10 لتر وحبه تقريبا في 140 كيلو وكنت مفول اول مستلمتها 92 ودلوقتي في شرطتين بس ناقصين الحمد لله

    لغاية دلوقتي معدتش 3000 ار بي ام الا مره او اتنين ووصلت لسرعة 120 مرضتش ازود عشان مش عايز اعدي الار بي ام ده دلوقتي

    وعلي فكره صوت الموتور لغاية 3000 ار بي ام ولغاية السرعه دي يكاد يكون معدوم داخل المقصوره بجد لكن لو زودت الصوت يبدا يظهر ويعلي

    وبالنسبه للثبات انا شايف انه مرضي جدا لحد دلوقتي امبارح جربت 4 او 5 غرز علي الكورنيش ومش زي مبيتقال عليها خالص مرجيحه ومشثابته والكلام ده كلو عالاقل لغاية دلوقتي

    عفشه مرنه جدا مع المطبات ومرضيه جداا

    وعلوها عن المطبات في راحة بال جدا من انك ممكن تخبط في مطب او لا انت اصلاا من علوها مبتفكرش في الموضوع

    بالنسبه للوسع رهييب في الكنبه اللي ورا رعم اني مرجع الكرسي ورا ومع ذلك مش مضايق حد ورا

    غير الوسع المبالغ فيه في الشنطه :d ممكن 3 يناموا فيها مرتاحين لو حبيت تقلبها فندق :d

    تجميع السرعه عالغيارات القليله بطيئ نسبيا لكن عالغيارات العاليه بتجري لوحدها
    ال 120 دي جبتها وانا لسه مجبتش ربع الدواسه عالخامس

    التقرير المبدئي عنها مرضي ليا شخصيا وان شاء الله اكون افدتكوا وباذن الله حرفعلها صور قريب

    لسه مركبلها النمر امبارح اتكلفت حوالي 1350

    حاليا انا نازل عند سعيد نصار عشان حجزت فرش وارضيه وطقم ستاير كله علي بعض اتكلف بالتركيب 800 جنيه ونازل دلوقتي اركبهم ان شاء الله

    بالله عليكم كل اللي يشوف الموضوع يدعيلي بالبركه يارب
    وربنا يرق واحد كل اللي بيتمناه

  • #2
    مبروووك يا جميل وتتمتع بيها فى الخير ان شاء الله
    [RIGHT]سبحان الله وبحمده سبحان الله العظيم
    [/RIGHT]

    Comment


    • #3
      أولا ألف مبروك . ثانيا ربنا يعطيك خيرها ويكفيك شرها
      ثالثا : سعيد نصار ده فين ؟!
      رابعا : حافظ عليها وعلى نفسك .
      [SIZE=2][COLOR=Purple](وَفِرْعَوْنَ ذِي الْأَوْتَادِ {10}الَّذِينَ طَغَوْا فِي الْبِلَادِ {11} فَأَكْثَرُوا فِيهَا الْفَسَادَ {12} فَصَبَّ عَلَيْهِمْ رَبُّكَ سَوْطَ عَذَابٍ {13} إِنَّ رَبَّكَ لَبِلْمِرْصَادِ {14) سورة الفجر[/COLOR][/SIZE]

      Comment


      • #4
        ربنا يكفيك شرها والف مبروك

        Comment


        • #5
          الف مبروك وربنا يحفظها لك
          والتقرير ممتاز الصراحة وارجو انك توافينا بالتقارير الجامدة دى

          Comment


          • #6
            الف مبروووك وربنا يديك خيرها ويكفيك شرها ..

            Comment


            • #7
              ياريت صور الفرش والارضيه والستائر بعد ماتركبهم

              Comment


              • #8
                المشاركة الأصلية كتبت بواسطة screamseko مشاهدة المشاركة

                الحلو في الموضوع ان استهلاك البنزين بيقل بطريقه ملحوظه
                لدرجة اني قلقت اول مستلمتها كانت عامله حوالي 57 كيلو

                وكان استهلاك البنزين وصل ل 18 لتر لكل 100 كيلو

                اخر قرايه كانت وانا بركن امبارح وصل الاستهلاك ل 8.8 لتر لكل 100 كيلو ودي حاجه مفرحاني الحمد لله وكمان الموضوع بيقل

                الموضوع مش زى ما حضرتك فاهم ..
                حاول قراءة كتيب السيارة بخصوص طريقة عمل كمبيوتر الرحلات هتلاقى نظرتك تختلف للنقطة دى.
                [LEFT]The only alternative to coexistence is codestruction - [I]Nehru[/I]
                [/LEFT]
                [LEFT][COLOR=#000000][LEFT]

                [/LEFT]
                [/COLOR][/LEFT]

                Comment


                • #9
                  المشاركة الأصلية كتبت بواسطة amr.elsayed مشاهدة المشاركة
                  مبروووك يا جميل وتتمتع بيها فى الخير ان شاء الله
                  ربنا يباركلك ويحفظك يارب
                  المشاركة الأصلية كتبت بواسطة abo_mahmud مشاهدة المشاركة
                  أولا ألف مبروك . ثانيا ربنا يعطيك خيرها ويكفيك شرها
                  ثالثا : سعيد نصار ده فين ؟!
                  رابعا : حافظ عليها وعلى نفسك .
                  ربنا يبارك فيك يا رب
                  سعيد نصار ده في اسكندريه في عزبة سعد بعد متعدي نفق الابراهيميه علي طول

                  المشاركة الأصلية كتبت بواسطة medomadamody مشاهدة المشاركة
                  ربنا يكفيك شرها والف مبروك
                  ربنا يباركلك ويحفظك
                  المشاركة الأصلية كتبت بواسطة mohamed salem مشاهدة المشاركة
                  الف مبروك وربنا يحفظها لك
                  والتقرير ممتاز الصراحة وارجو انك توافينا بالتقارير الجامدة دى
                  ربنا يباركلك ويحفظك وان شاء الله تقارير متقاربه باستمرار عن حالة العربيه
                  المشاركة الأصلية كتبت بواسطة pharmacology مشاهدة المشاركة
                  الف مبروووك وربنا يديك خيرها ويكفيك شرها ..
                  ربنا يباركلك ويحفظك يارب
                  المشاركة الأصلية كتبت بواسطة shoma مشاهدة المشاركة
                  ياريت صور الفرش والارضيه والستائر بعد ماتركبهم
                  دي صور ساعة التركيب بس كانت شمس جامده والصور مش واضحه اوي وان شاء الله حصورهالك بعد مخلصت وابقي انزل الصور












                  المشاركة الأصلية كتبت بواسطة Egyzizo مشاهدة المشاركة
                  الموضوع مش زى ما حضرتك فاهم ..
                  حاول قراءة كتيب السيارة بخصوص طريقة عمل كمبيوتر الرحلات هتلاقى نظرتك تختلف للنقطة دى.
                  مفهمتش حضرتك ياريت تفهمني اكتر
                  اللي انا فاهمه انه بيحسب البنزين المستهلك وبيقسم عدد الليترات علي متوسط الاستهلك تقريبا

                  Comment


                  • #10
                    ألف مبروك و عقبال ال200 ألف كيلو...

                    Comment


                    • #11
                      مليون مبرووووووووووك وعقبال اما ستلم ان شاء الله ربنا يباركلك فيها ويكفيك شرها

                      Comment


                      • #12
                        ألف مبروك . ربنا يعطيك خيرها ويكفيك شرها
                        [sor2]http://www.nilemotors.net/Nile/members/114507-albums570-picture2525.jpg[/sor2]

                        Comment


                        • #13
                          الف بمروك و يا بخت العربية

                          Comment


                          • #14
                            انا اشتريت امبارح والعربية ماشاء الله كويسة
                            [CENTER][img2]http://www8.0zz0.com/2012/10/08/00/954560513.jpg[/img2][/CENTER]

                            Comment


                            • #15
                              ألف مبروك وربنا يحفظهالك :)
                              وياريت تكون حطيتلها طبقة شمع عشان تحافظ عليها بعد تطويقة محترمة ليها
                              لا إله إلا أنت. سبحانك. إني كنت من الظالمين

                              Comment

                              Working...
                              X