سؤال عن عفشة اللوجان

[McLaren2012]

صباح الخير أعضاء منتدانا الكريم أرجوا تكونوا بخير و على أحسن حال...
أنا الحمد لله إشتريت لوجان أوتو 2013 من حوالى أسبوعين و عامل دلوقتى حوالى 370 كم..و كان لى إستفسار بخصوص عفشة العربية لأن معظم الحاجات التانية كنت على علم مسبق بها من منتدانا الرائع ده...
أنا بأحس بمفصلات كوبرى أكتوبر بوضوح صحيح مش رزع يعنى بس لما بأعدى عليها مش ملبن :d
برضه باقى النقر البسيطة و أجارك الله من عيون القطط واضحة واضحة و مسمعة فى العربية...يا ترى ده الطبيعى بتاع اللوجان يعنى مأتوقعش أحسن من كدة و لا هى العفشة لسة ناشفة و هتتحسن مع الوقت..

ملحوظة :- لقد عملت بنصيحة المنتدى و أول مالعربية حطط عالأرض رحت لبريدجستون و عملت العجل كله نيتروجين 29 قدام و 32 ورا

[amrelzawawy]

مبروك اولا .....

مفصلات كوبرى 6 اكتوبر دى مطبات على صغير خصوصا الناحيه اللى متعدلتشى اللى جاى من الدقى اتجاه عبدالمنعم رياضى رهيبه فهى مش معيار .....

اما بالنسبه للخشونه لو انت مركب بريدجستون gr -90 مكنتشى هتظهر بقوه لانه 50 فى المائه سبب سماع الاصوات نوع نقشه الكاوتش وخشونته ....b250 سىء جدا .....my01 ناشفه شويه ....افضل الموجود وانعمهم هو gr90 ....وال ادرينالين ....عموما انت اشتريت خلاص الكاوتش :) ....

الحل الثانى انك تعمل ارضيه جلد وتزود معاها العزل بلباد تحتيها هتقلل الموضوع بنسبة 50 فى المائه وهتكون النتيجه مرضيه .....والف مبروك

[McLaren2012]

مبروك اولا .....

مفصلات كوبرى 6 اكتوبر دى مطبات على صغير خصوصا الناحيه اللى متعدلتشى اللى جاى من الدقى اتجاه عبدالمنعم رياضى رهيبه فهى مش معيار .....

اما بالنسبه للخشونه لو انت مركب بريدجستون gr -90 مكنتشى هتظهر بقوه لانه 50 فى المائه سبب سماع الاصوات نوع نقشه الكاوتش وخشونته ....b250 سىء جدا .....my01 ناشفه شويه ....افضل الموجود وانعمهم هو gr90 ....وال ادرينالين ....عموما انت اشتريت خلاص الكاوتش :) ....

الحل الثانى انك تعمل ارضيه جلد وتزود معاها العزل بلباد تحتيها هتقلل الموضوع بنسبة 50 فى المائه وهتكون النتيجه مرضيه .....والف مبروك

متشكر ليك جدا أ.عمرو لسرعة ردك و إهتمامك
الحقيقة أنا مغيرتش الكاوتش الباروم اﻷصلى بتاعها أنا عملته نيتروجين بس و ظبطت مقاس العجل...هل معنى كلام حضرتك أن ده عيب خامة الكاوتش و لا فيه مشكلة فى مساعدين العربية محتاجة التوكيل؟

[amrelzawawy]

لا كاوتش الباروم خشن لحد ما وبيزحف مع الفرامل وده اسؤ عيوبه بس ارحم من الكورموران ..... العفشه طالما مفيش تخبيط بتكون تمام واطلب مع الصيانه الكشف على المساعدين وهم كده كده بيبصوا عليهم

[pharmacology]

هي العفشة كده انا شايف انها طبيعية زي عندي .. انا بحس برده بعين القطط لكن عموما لو قارنت بين اللوجان في عفشتها وعربيات تانية كتير هتلاقي عفشتها ناعمة جدا ..

[gebreel]

خامت الكاوتش فعلا سيئة و مفصلات كوبري اكتوبر اسوأ كمان =)

العربية انا حاسس من وصفك انها طبيعية الحمد لله

[zenadanet]

هههههه انا سألت كل كبارى القاهرة واغلبها فى مصر غير صحيحة لسلامة السيارات .. يعنى بيعملوا الصيانه فيها بجودة سيئة وبالتالى حيكون فيها عيوب

انا بحس برده بعين القطط لكن عموما لو قارنت بين اللوجان في عفشتها وعربيات تانية كتير هتلاقي عفشتها ناعمة جدا ..

عاوز افهم ايه هو عيون القطط ؟
بالفعل العربية عفشتها كويسة جدا جدا وتجربتى من سفريات من اسوان الى الاسكندرية

[mido7337]

انا تقريبا عربيتى كده برده بس حاسس انها كانت افضل قبل كده

[DOCTOReng]

عاوز افهم ايه هو عيون القطط ؟

عيون القط هى قطع الحديد المربعة التى يغرسها المرور فى الأرض جنب بعضها بعرض الطريق بهدف اجبار السائقين على تهدئة السرعة بدلا من المطب الصناعى