هوا طبيعي إن الدروبوكس بيتهز؟؟؟؟

[abo_pasem]

السلام عليكم ورحمه الله وبركاته
نزلت الصبح ادور العربيه وسبتها تسخن شويه وكنت قاعد جوه حسيت إن العربيه بتترج جامد
إستغربت من الموضوع ده قلت أنزل فرامل اليد وبرضه نفس لمشكله

رحت رافع العربيه بالكوريك وقعدت أبص كده الرجرجه دي منيين!!!!
لاحظت إن الدروبوكس هوا إللي بيتهز لورا وقدام بحركه متقطعه
بطلت العربيه ولفيت العجل بإيدي لقيت الروبوكس برضه بيتهز مع العجله
ولقيت زيت خفيف عند بدايه الكوبلن
المهم عشان الصداع انا سايب العربيه وخايف أمشي بيها
والسؤال هنا هل ده شيئ طبيعي؟؟؟؟


أبو باسم هدانا الله

[ahmedeg1]

عروستى !!!!!

[gebreel]

انا مش قاهم حاجة

[abo_pasem]

صحيح
هوا أنا بسأل لييه ؟؟؟؟؟
أنا أنزل ع التوكيل وأريح دماغي

[gebreel]

باشا لو احنا فاهمين حضرتك بتتكلم على ايه هنساعدك بدون شك بس فعلا احنا مش عارفين حضرتك بتتكلم على ايه و لما قلنا كدة كنا مستنيين من حضرتك شرح اكثر للمشكلة

[ahmedeg1]

صحيح
هوا أنا بسأل لييه ؟؟؟؟؟
أنا أنزل ع التوكيل وأريح دماغي

ايه يا عم القفش ده
انتا مالك كده قفشت مره واحده كده احنا بنهزر معاك
و بعدين ماتشرحلنا اللى انتا بتقوله ده يمكن نستفاد
دانتا غريب أوى يا هانى

[yoko]

الدربوكس = الجيربوكس = الفتيس (في لغة الصنايعية)
وعلى حسب الهزة وهل القواعد بتاعت الفتيس سليمة ولا لأ
والزيت الي عن الكوبلن ده جي من الكوبلن ولا الكوبلن متقفل تمام وده من حته تانيه؟

[ahmedeg1]

الدربوكس = الجيربوكس = الفتيس (في لغة الصنايعية)
وعلى حسب الهزة وهل القواعد بتاعت الفتيس سليمة ولا لأ
والزيت الي عن الكوبلن ده جي من الكوبلن ولا الكوبلن متقفل تمام وده من حته تانيه؟

الفتيس اسمه دربوكس
او مره اعرف المصطلح ده

[Egyzizo]

السلام عليكم ورحمه الله وبركاته
نزلت الصبح ادور العربيه وسبتها تسخن شويه وكنت قاعد جوه حسيت إن العربيه بتترج جامد
إستغربت من الموضوع ده قلت أنزل فرامل اليد وبرضه نفس لمشكله

رحت رافع العربيه بالكوريك وقعدت أبص كده الرجرجه دي منيين!!!!
لاحظت إن الدروبوكس هوا إللي بيتهز لورا وقدام بحركه متقطعه
بطلت العربيه ولفيت العجل بإيدي لقيت الروبوكس برضه بيتهز مع العجله
ولقيت زيت خفيف عند بدايه الكوبلن
المهم عشان الصداع انا سايب العربيه وخايف أمشي بيها
والسؤال هنا هل ده شيئ طبيعي؟؟؟؟


أبو باسم هدانا الله

قبل أى حاجة ، بص على الـ rpm أثناء الرجرجة، لو اقل من 0.5 تبقى مشكلة بوابة.
لأن الـ rpm لما بيكون واطى أقل من المقرر بيخللى العربية تعمل كده.

[abo_pasem]

السلام عليكم

حلييت المشكله من جزورها

لقيت الشداد بتاع الموتور بايظ فغيرته
بعد كده بقا العربيه إتظبطت
الشداد عامل 580 جنيه

[abo_pasem]

ايه يا عم القفش ده
انتا مالك كده قفشت مره واحده كده احنا بنهزر معاك
و بعدين ماتشرحلنا اللى انتا بتقوله ده يمكن نستفاد
دانتا غريب أوى يا هانى

مفيش حاجه أصل لما أسال علي حاجه واحد يطلعلي ويقولي عروستي والتاني يقولي مش فاهم حاجه
أنا رحت التوكيل وهما فهموا كل حاجه وحلييت المشكله الحمد لله

ربنا يديم المحبه

أبو باسم هدانا الله

[ahmedeg1]

مفيش حاجه أصل لما أسال علي حاجه واحد يطلعلي ويقولي عروستي والتاني يقولي مش فاهم حاجه
أنا رحت التوكيل وهما فهموا كل حاجه وحلييت المشكله الحمد لله

ربنا يديم المحبه

أبو باسم هدانا الله

طيب انتا ليه تزعل اصلا انتا عارف ان احنا هنا اخوات و فعلا احنا مش فاهمين المصطلح ده
يبقى توضحهلنا علشان نعرف
و بلاش تقفش تانى لحسن أحبسك خليك كوووول يا أبو باسم
المهم ماتزعلش يا عم
ايه بقى المشكله و رحت التوكيل عملت اييه و ايه اللى صلحوه ؟؟
و بسرعة لو سمحت علشان معندناش وقت

[abo_pasem]

أبدا
لقيت شداد الموتور متآكل وكان هوا سبب الهزه دي
فغيرته بس كده
والسلام عليكم ورحمه الله وبركاته




ابو باسم هدانا الله

[amriar]

سؤال من مبتدئ .. هو ايه شداد الموتور دا ؟