نيو لوجان 2 معلومات وصور

[NaderNabil]

ربنا يخليكوا يا رجالة...:)

[amr.elsayed]

ده على كده اللوجانات بتاعتنا هتنضرب بالنار وهتعدم فى ميدان عام )::

لا يا منصور بيه احنا عايشين فى مصر بردو بلد الامن والامان يعنى امامك بتاع سنتين على الاقل معاك لوجان الجديدة
لا تقلق

ربنا يخليكوا يا رجالة...:)

بلاش تختفى كدة يا نادر انت عارف غلاوتك عندنا

[S O P H O S]

تسلم ايدك
جميلة ..

[gebreel]

100 100 يا عمرو

ايه الحلاوة دي ... بجد تسلم ايدك على الموضوع

نادر باشا واحشنا جدا و لو حد مزعلك عمرو هيقوم بالواجب و زيادة انت بس قول على اسمو =))

[Youssef.Awad]

الله ينور يا رجالة .. تقرير وصور واخبار حصرية وتحفة ..
هو ده مستوى رجالة نايل موتورز

[Elmokadim]

صور جديدة توضح تفاصيل اكثر

صور اللوجان 2


































-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

صور الساندريو 2
































وفي النهاية احب ان انوه ان في اخبار شبه مأكدة ان المغرب هتبدأ تصدير الشكل الجديد بداية من موديل 2014

تحياتي

[amr.elsayed]

صور جديدة توضح تفاصيل اكثر

صور اللوجان 2





وفي النهاية احب ان انوه ان في اخبار شبه مأكدة ان المغرب هتبدأ تصدير الشكل الجديد بداية من موديل 2014

تحياتي

بس بقى حرام عليك كنت نسيت .. فكرتنى تانى هههههه
ويسمع منك ربنا تنزل عندنا قريب ان شاء الله

[McLaren2012]

الحقيقة يا أخوانا الواحد دلوقتى إبتدى يسأل عالتريد إن بعد الصور الرائعة دى
بس يا ترى مسئولى التوكيل هنا فى مصر هيقدروا يتخلوا عن فكرهم التسويقى بأن العربية دى لازم تبقى تحت حاجز ال100ألف!!!!
لأنهم لو معملوش كدة هيطلبوا من المغرب تفضل تسوق الشكل القديم زى ميتسوبيشى مصر لما لقيت شكل اللانسر البومة عاجب الناس أكتر من الشارك طلبوا من الشركة الأم تفضل تصنع لنا الشكل القديم حتى موديلات 2012 و يا عالم يمكن إحنا الدولة الوحيدة اللى طلبت ده من ميتسوبيشى!!!!!
لوجان و سانديرو بالإمكانيات والكماليات دى لازم هتعدى ال100ألف
يا جماعة دول هنا فى مصر مستخسرين ينزلوا ABS ومش عايزين ينزلوا ستيب واى وداستر أوتوماتيك عشان سياساتهم التسويقية العقيمه بحسب ما ذكره الأدمن بتاعهم عالفيس بوك

[hossam_elwani]

شكلها حلو بس لو كانت مقابض الباب زى الاوبترا ....

[ahmedelaraby]

انا شايف العربية ديه على النت من حوالي شهر ونصف تقريبا وطبعا بعد مكنت بفكر ف اللوجان الحالية قررت استنا
بس فكرت شوية طب ديه ممكن تنزل امتى وخصوصا اني متأكد من حاجات كتيرة :

اولا : فكر الوكيل وخصوصا بتاع كيا ورينو ( مش هينزل الموديل الجديد الا لما كل القديم يخلص ) زي معملوا كدة في السيراتو اخويا اشترى السيراتو الشكل القديم وبعد اسبوعين شفنا الاعلانات بتاعت الجديدة والله يا عيني كانت هتجيلة نقطة وخصوصا اني كنت قايلوا على الموديل الجديد وكان كل مايسألهم يقولوا منعرفش حاجة عنه او لسة قدامه كتير او او او وطبعا شكرا للتحية

ثانيا : العربية دي لو نزلت بالامكانيات ديه هتعدي 100 الف بلبل ( يعني كنيه ) وبكده هيكون دخل ف منطقة مش بتاعته يعني الوكيل والعربيه هتفشل فشل زريع والناس اللي انتا هتخش عليهم منطقيتهم يا معلم مش هيسكوتوا هتاخد من الخيار منقي وكمان الشعب المصري مش هيدفع فرق كبير اوي فلو عربية نازلة ب 70000 والموديل الجديد نزل ب 100 الف مفيش مصري هيشتريها وبكدة الوكيل هيكون غبي اوي

ثالثا : هيعمل ايه عشان يحافظ على الفئة الغلبانة يعيني المطحونة اللي نفسها تركب حاجة زيرو بسعر قليل يا اما هيفضل ينزل في العربية الحالية هي هي يا اما هينزلها بعد مينفضها كويس قوي

رابعا : المواتير اللي نازله بيها برة اكيد مش هتنزل بيها هنا ليه ؟؟؟؟ عشان السيارات الملاكي بالمواتير السولار بتنزل في مصر غالية كيك وغالبا مبتنجحش !!!!!!!!
وكمان المواتير التوربو عشان تخش مصر هيدفع عليها فلوس كتير ف الجمارك وطبعا احنا اللي بنلبس الفلوس ديه وكذلك الحال في الكمليات زي GPS فحتى لو نزلت العربية بالشكل الجديد هينزلها بالموتور القديم او الحالي يعني ؟؟؟؟؟ ( اهو غلاسة كدة وخلاص )


خامسا : الوكيل هيفضل ينزل العربية طول ما هي بتتباع ومش بعيدة انه يفتح خط انتاج او تقفيل مصري كمان شوية ليه؟؟؟؟ عشان عارف ان المصريين عشريين اوي وبيحبوا العربيات اللي بيركبوها مش عشان هي حلوة لا ده بس عشان العربية ديه بتاعته وبيدافع عنها بأستماتة ( زي اللي عندهم 128 وبيحسسك انها لامبورجيني مع اعتذاري لملاك 128 اللي انا كنت منهم في يوم من الايام وعلى فكرة كنت بعمل كده برضوا ههههههههههههههههه )


سادسا : العربية ديه عشان تنزل في مصر بالامكانيات ديه طبعا بالسعر الغالي ده الوكيل هيغير اسم العربية لاي اسم تاني ( وده من حقه علي فكرة ) زي كدة الاكسنت ال RP في العالم كله اسمها فرنا ؟؟؟!!!!!! والله فرنا بس تخيل بقى لو كانت نزلت اسمها فرنا وبتكلم فى 100 الف تفتكر ممكن تتباع

عشان كدة قررت اشتري مستعمل واريح نفسي هههههههههههههههههههه

[alaa awad]

بالظبط يا دكتور هو احنا مش بنشوف مثلا ؟؟؟ .... على فكرة اللوجان زمااااااان اول ما نزلت فى 2004 نزلت داتشيا بس
وبعد كدة رينو حطيت عليها العلامة وشوية تغيرات صغيرة جدا واديلو ادى اديلو ادى
.............
طيب انا عايز افهم حاجة هو احنا حنفضل نشترى لوجان نفس الشكل على طول مثلا
............
لا اله الا الله .. مش عارف ليه افتكرت اللانوس استرها معانا يا رب



هههه نادر انت بالذات تشترى الاوتو وبعد كدة تشترى التانية لما تنزل ... دة انت اللى دعكت الفانوس يا كنج

كلام الباشا amr.elsayed صح مية مية
لان كلام الناس بتوع التوكيل مش صح لان ناس دى بتخدم مصلحها وبس " كفاية أنهم بيكسبوا أرقام كبيرة جدا من العربية دى فى سنة واحد تذيد 4000 جنية لية " وخصوصا إن سعرها اقل من كدة بكتير سوق السيارات فى مصر المفروض يتظبط عن كدة شوية ويكون فى رقابة
- أما بانسبة للأخ الى مستاء من شكل اللوجان أن هوة ثابت دى ميزة مش عيب لان كل سنة الاسعار بتقل وهيوصل بيك الحال أن قطع الغيار هترخص زى الانوس و الفيرنا

[wael30003]

.......................
وبعدين سعر ايه بيتكلم فيه ما هم حينفضوا العربية الاول .. ولا جى بى اس ولا abs ولا زعبوط العفريت
وحتبقى كل القصة رفرفين واكصدامين و التابلوه عوجوه شوية وخلاص هم حيشتغلونا
.........................

ممكن تعرفنا اكتر بزعبوط العفريت ؟

[totyfox]

طب لو الواحد جابها من المغرب علطول من غير الوكيل!!!!!!!!!!!!!!!!!!!!!!!!!!

[amr.elsayed]

طب لو الواحد جابها من المغرب علطول من غير الوكيل!!!!!!!!!!!!!!!!!!!!!!!!!!

بلاش تصدق الكلام العجيب دة علشان دة ليس له اى اساس من الصحة ومافيش حاجة اسمها
اروح اجيبها من المغرب
و هى لسة فى رومانيا بس ولو اتصنعت فى المغرب كانت نزلت عندنا على طول زى اختها

ممكن تعرفنا اكتر بزعبوط العفريت ؟

مش عارف
بس عملت سيرش فى جوجل طلعلى دة
.
.
.

[Porsche911TT]

هي دي لو نزلت هاتنزل بإسم سيمبول بدل الداتشيا لوجان الجديدة واللوجان اللي عندنا هتفضل زي ماهي؟

New Renault Symbol: a status-enhancing yet affordable family saloon - YouTube