عن الفساد في توكيل رينو

[mastermind]

بسم الله الرحمن الرحيم

الاخوة والاخوات الكرام

سلام الله عليكم ورحمته وبركاته

طبعا الموضوع يخض

فساد ايه ؟
طبعا لما تبقى السيارة متوفرة دائما وأبدا عن معارض (حتى مش الموزعين المعتمدين بتوع رينو)
وبزيادة عن سعر السيارة الرسمي وصلت لـ 5000 في حالة المانيوال (يعني 8% من تمن العربية)
(أيوة وصلت لـ5000 جنيه وبعد ما قفلت التليفون بقيت متدايق من نفسي اني مشتمتش الاخ ده قبل ما اقفل)

ولكن لما تسأل في التوكيل او الموزعين المعتمدين (السبع - محمد زكي - الشركة المصرية)
يقولك بعد أربع شهور

ده يبقى فساد ولا مش فساد ؟؟؟؟؟

السؤال اللي عايزين استشارة قانونية فيه

التعامل مع النوعية دي من الفساد تكون ازاي

جهاز حماية المستهلك ؟
ولا جهاز حماية المنافسة ومنع الممارسات الإحتكارية ؟
ولا الغرفة التجارية ولا وزارة التجارة ولا مين بالظبط ؟
ولا شركة رينو نفسها

عايزين نجمع اكبر عدد من التوقيعات

في انتظار آرائكم

[mastermind]

قانون حماية المنافسة

http://www.eca.org.eg/ECA/Upload/StaticContent/......../CompetitionLaw_190_2008_A.pdf

ركزوا على مادة (8) بند هـ

[mastermind]

قانون حماية المنافسة

[amr.elsayed]

بصراحة انامش فاهم توكيل رينوعلاقته ايه .. طالما بيبيع بالسعر الرسمى للعميل
......
طيب انا لو تاجر وروحت توكيل رينو حجزت 3 عربيات لوجان حستلمهم بعد 3 شهور ... حد عايز منى حاجة ؟؟؟
بعد ما استلمتهم فتحت محل ورميت فيهم ال 3 عربيات و زودت سعرهم 5000 جنيه واستلام فورى ... حد عايز منى حاجة ؟؟
ايه علاقة رينو بقى ؟؟ لوغلطان حد يصححلى .....لازم يكون فيه ثقافة للمستهلك المصرى والراجل الحرامى بلاش اشترى منه
ولعلم حضرتك انا لما جيت اشترى لوجان فى سنة 2009 كانت اوفر برايس 3000 جنيه ومع ذلك حجزت فى التوكيل
علشان رفضت السرقة وقولت الفلوس دى انا اولى بيها ... لكن اللى بيحصل دلوقتى التاجرلقى نفسه لما بيزود سعر العربية بتتباع بردو
والزبون بيشترى يبقى لا تلوم غير المستهلك اللى قابل الجشع وقابل انه يتسرق

[mastermind]

أقول لحضرتك توكيل رينو غلطان في ايه
العربيات اللي بتتباع بأوفر برايس مش بتكون قديمة وبقالها 3 4 شهور دي بتكون من نفس الدفعة اللي جاية جديد
يعني دفعة جديدة بتوصل اللي حاجز من اربع شهور بيشتري والمعرض الجشع اللي دافع بيستلم في ساعتها ويبيعها بأوفر برايس

وأشهر مثال على اللي قلته العربيات اللي بكاسيت يو اس بي اول ما نزلت كان التوكيل بيسلها للي دمه نشف في الحجز وناس زي سمير ريان والطارق بيبيعوها فورا بأوفر برايس - ده غير تاريخ وصول العربيات اللي بيكون مثبت في الورق

وعشان تتأكد أكتر من الكلام - وحضرتك بترخص عربيتك المفروض بيكون معاك كل المبايعات اللي تمت للعربية من يوم ما نزلت من المركب
يعني لو فيه فرد اشتراها وباعها للمعرض بعد كده كل ده بيظهر (وان كانت الحالة دي محصلتش كلها مبايعات من التوكيل للموزعين وبين الموزعين وبعضهم)

[hossam_elwani]

حتى نيسان بتعمل كده ..........

[amr.elsayed]

الكلام دة ما يتقلش كدة .. لان بيكون فيه عقود وحصص للناس دى وبيكون فيه اتفاقيات ما بينهم توكيل رينو ما يقدرش بين يوم وليلة يمنع العربيات عن الموزعين
توكيل رينو دة مكان هادف للربح مش جمعية استهلاكية يا باشا ... جالوا تاجر قاله حشترى منك 10 عربيات كل شهر
حيقوله لأ ... اكيد حيقوله تعالى يا حبيب قلبى ... التاجر بقى حرامى دى قصة تانية المفروض يكون فى هيئة رقابية تحمى المستهلك من الغلاء والاستغلال
.. وفى سوقنا بين البايع والشارى يفتح الله .. طيب الشارى موافق انه يتسرق يبقى اللوم مش على توكيل ... اللوم على التاجر والمستهلك المغيب
اصل لما الاقى السانديرو الاوتو بقت 87 الف والناس تشترى دة اسمه ايه ؟؟؟؟
......
ومش مبرر انك تقولى اصل حتاخر فى التوكيل ؟؟؟ ..... العربية دى مش اكل وشرب ... ومش مبرر انك تقولى اصلها عربية حلوة ؟؟
عربية حلوة اه .. لكن تدفع فيها 87 الف .. يبقى كدة المستهلك مغيب فعلا لان فى 30 طريقة تخليك تجيب عربية افضل منها 20 مرة
..................
تعالى بقى لو فيه ثقافة للمستهلك المصرى انه لا يشترى شيئ غير بسعره حيضغط على التجار دول والمستغل فيهم
حيعمل اوفر برايس معقول 500 جنيه مثلا علشان الاستلام الفورى

[amr.elsayed]

حتى نيسان بتعمل كده ..........

نفس الوضع يا استاذ حسام .. والناس بتشترى بالغالى !!!!! انا حتجنن خلاص

[mastermind]

الكلام دة ما يتقلش كدة .. لان بيكون فيه عقود وحصص للناس دى وبيكون فيه اتفاقيات ما بينهم توكيل رينو ما يقدرش بين يوم وليلة يمنع العربيات عن الموزعين
توكيل رينو دة مكان هادف للربح مش جمعية استهلاكية يا باشا ... جالوا تاجر قاله حشترى منك 10 عربيات كل شهر
حيقوله لأ ... اكيد حيقوله تعالى يا حبيب قلبى ... التاجر بقى حرامى دى قصة تانية المفروض يكون فى هيئة رقابية تحمى المستهلك من الغلاء والاستغلال
.. وفى سوقنا بين البايع والشارى يفتح الله .. طيب الشارى موافق انه يتسرق يبقى اللوم مش على توكيل ... اللوم على التاجر والمستهلك المغيب
اصل لما الاقى السانديرو الاوتو بقت 87 الف والناس تشترى دة اسمه ايه ؟؟؟؟
......
ومش مبرر انك تقولى اصل حتاخر فى التوكيل ؟؟؟ ..... العربية دى مش اكل وشرب ... ومش مبرر انك تقولى اصلها عربية حلوة ؟؟
عربية حلوة اه .. لكن تدفع فيها 87 الف .. يبقى كدة المستهلك مغيب فعلا لان فى 30 طريقة تخليك تجيب عربية افضل منها 20 مرة
..................
تعالى بقى لو فيه ثقافة للمستهلك المصرى انه لا يشترى شيئ غير بسعره حيضغط على التجار دول والمستغل فيهم
حيعمل اوفر برايس معقول 500 جنيه مثلا علشان الاستلام الفورى

بالظبط

[mrking8]

اياكم والطارق خصوصا لو تقسيط
ده مضانى على وصل امانه بتمن العربيه لحد ما اجيبله صوره الرخصه بتاعت العربيه رغن انى كنت دافع اكتر من 70% من تمنها وسلمهالى فى 6 ساعات رغم انى كنت حاجز قبلها من اسبوعين وعشان ما ردتيش امن معاهم باسعارهم العاليه طلعوا عينى

[gebreel]

اققلك اللي بيحصل بين التوكيل و الموزعين

اولا كلمة بسمعها دايما ان الوكيل بيحمي الموزع و بيديله اولوية مش عارف ليه

ثاني و ده من مصدر موثوق منه ان اللي بيحصل في كل دفعة ان مثلا محمد زكي او الطارق او السبع يروح لرينو يقلهم انا عاوز 20 عربية مثلا من الدفعة اللي جاية دي
رينو يقلو امين ادفع 50% من ثمن العربيات و ال50% الباقية لما العربيات توصل الميناء
محمد زكي يدفع و السبع يدفع و الطارق يدفع و محمدين يدفع الخ...
التوكيل يقوم لامم الفلوس دي كلها و فاتح بيها اعتماد لرينو علشان الطلبية و يطلب العربيات دي من رينو + كام عربية ليه من الناس اللي حاجزين

لو افترضنا ان كل مودع من ال3 دوول عاوز 20 عربية يبقى الموزعين عاوزين 60 عربية و المركب مثلا شايلة 80 عربية يتبقى للتوكيل 20 عربية

تيجي الدفعة توصل الميناء التوكيل يلم باقي الفلوس اللي ناقصاله من الموزعين و يمشي في اجرائات الجمارك و الاستلام
في نفس الوقت الموزعين يبدأو يعلنوا عن ان العربية هتوصل خلال يوم او يومين و الكمية محدودة و هكذا و في نفس الوقت المعارض الصغيرة بتبقى متفقة مع الموزعين انهم عاوزين عربية ولا 2 يسترزقوا منها فالموزع يحجزهالهم اكنو زبون عادي

العربيات تطلع من الميناء على التوكيل و كل موزع يبعت ياخد عربياتو و يتبقى ال20 عربية بتوع التوكيل اللي قلنا عليهم لكن التوكيل حاجز عندو 200 300 واحد و بيوصلو كل 15 يوم 20 عربية مثلا يبقى طبيعي ان اللي حاجز في التوكيل على ما يجي عليه الدور يكون مر ال4 شهور ان ماكنش اكثر

دلوقتي السوق عطشان العربية عليها طلب كثير و عدد العربيات الي الوكيل بيسلمهالك قليل و فترة انتظار طويلة فيقوم الزبون طالع على الموزعين يسأل على العربية
مسألة عرض و طلب طبيعية جدا عرض قليل و طلب كثير يبقى اللي مش هيشيل بالاوفر برايس في 1000 غيرو هيشيلو و يبقى يقابلني لو عرف يجيبها كمان 15 يوم حتى بدون اوفر (و هنا الغلط علينا)

يبقى التوكيل دخل عربيات لنفسو (ال20 عربية) بدون ما يحط جنيه واحد من راس مالو في فتح الاعتماد و الكلام ده و العربيات جاتلو و الدنيا زي الفل و في نفس الوقت وفى بعقده مع الموزعين

كون الموزع بيبيع باوفر دي مش بتاعتي انا بديهاله بقرش هو باعها ب10 قروش انا مليش دعوة

ملحوظة: الارقام اللي قلتها فوق دي كلها ارقام للتوضيح مش ارقام حقيقية

[alaaosmanakl]

معلوماتي إن توكيل رينو
بيكون مشترط علي الموزعين البيع بالسعر المحدد والمعلن عنه من التوكيل .
يعني محمد زكي مثلا
مش ممكن تشتري من عنده اللوجان أوفر بريس ويكتب ليك في الفاتورة السعر الحقيقي .
لازم يكتب السعر المحدد له من التوكيل او رينو بمعني اصح . وهو 97500 جم
حتي لو بايع ليك بـ 83000 جم .

لكن معارض زي الطارق وغيره . عادي لأنه اشتري من التوكيل أو رينو زيوه زيك مفيش فرق .
هو حجز من شهور زيك واستلم معاك . لكن طبعا هو استلم 5 عربيات تقريبا . وبيبع فيهم بالسعر اللي يحدده السوق بالنسبه ليه حسب اضغط الطلب علي العربية .

اعرف واحد اشتري الاتور من شهر تقريبا بـ 84000 الف . رغم أنه قبل كده كانت بتتابع 81500 جم

[gebreel]

معلوماتي إن توكيل رينو
بيكون مشترط علي الموزعين البيع بالسعر المحدد والمعلن عنه من التوكيل .
يعني محمد زكي مثلا
مش ممكن تشتري من عنده اللوجان أوفر بريس ويكتب ليك في الفاتورة السعر الحقيقي .
لازم يكتب السعر المحدد له من التوكيل او رينو بمعني اصح . وهو 97500 جم
حتي لو بايع ليك بـ 83000 جم .

لكن معارض زي الطارق وغيره . عادي لأنه اشتري من التوكيل أو رينو زيوه زيك مفيش فرق .
هو حجز من شهور زيك واستلم معاك . لكن طبعا هو استلم 5 عربيات تقريبا . وبيبع فيهم بالسعر اللي يحدده السوق بالنسبه ليه حسب اضغط الطلب علي العربية .

اعرف واحد اشتري الاتور من شهر تقريبا بـ 84000 الف . رغم أنه قبل كده كانت بتتابع 81500 جم

انا شاري من محمد زكي العربيتين و مفيش فاتورة بيع يا باشا هي ايصالات الدفع
ايصال الحجز و ايصال باقي المبلغ و شكرا على كدة

[mastermind]

والحل ؟

انا مش عايز احجز مع التوكيل لاني بسمع مآسي لناس بتقعد أربع شهور واكتر

اجيب المانيوال من غير اوفر برايس منين

[karemof]

السلام عليكم
نفس الحركة القذرة دي عملها معايا توكيل كيا قعدت 8 شهور ومستلمتش وحصلت الثوره وخدت فلوسي، وكيا ورينو نفس المالك، بس انا كنت فاهم أن أدارة رينو أحسن علشان كدة رحت مؤخرا حجزت فلوانس من أكتر من شهر وأديني مستني، وفعلا سألت الميكانكيون العرب كانوا بيبيعوا أوفر 5 و حيخلوها 7 كمان، ربنا يستر وأستلم في معادي أنشاء الله، الخوف انهم يمكن لما يلاقوا أنهم بدأوا يبيعوا كويس يروحوا يتملعنوا زي بتوع كيا ، ربنا يستر