سؤال عن إمكانية تغيير الكاسيت في التوكيل بالusb والbluetooth

[TheGhostFish]

السلام عليكم

أنا حاستلم لوجان مانيوال 2013 فول أوبشن يوم الإثنين القادم بإذن الله من الطارق في اسكندرية
لكن مندوب المبيعات هناك بيقولي مش حاينزل فيها usb و bluetooth في الكاسيت
ودول مهمين أوي بالنسبالي علشان ماضطرش اشتري kit وحوسة
وبيقول انه الدفعة اللي حاتنزل أول سنة 2013 حايغيروا فيها شكل العربية وحاتبقى أغلى والله أعلم

المهم سؤالي هل ينفع أبدل الكاسيت بالكاسيت الجديد في التكويل وأدفع فرق ؟
وكام الفرق ده ؟

كمان هل ال4 سماعات بتوع الفول أوبشن البيز فيهم كويس ولا حاضطر أعمل تعديلات .. لو كده إيه اللي ممكن أعمله بحيث ماتخرجش الضفيرة من الضمان ؟ مثلا أغير سماعات في التوكيل وبكام ؟

آسف على الإطالة وشكرا

[TheGhostFish]

إجابة لله يا ولاد الحلال

[amr.elsayed]

المشكلة ان الكاسيت الجديد مش نازل فى قطع الغيار يعنى مش موجود اصلا الا لو حصل عند حد عيب يتغير
فى الضمان وساعتها حيطلبوه من الشركة الام
.............................
فى راى تانى انك تشترى كاسيت تانى انضف منه على حسابك بدون مشكلة
.............................
بالنسبة للسماعات عندى فى موديل 2010 راضى عنها تماما وصوتها حلو جدا
لكن مش عارف هل السماعات زى ما هم فى الموديلات الاحدث ولا لأ ...

[Mansour_Wael]

الكاسيت الجديد بيتغير فى التوكيل وتمنه 3500 جنيه ده كان ردا على سؤال على الصفحة الرسمية لرينو مصر
بس طبعا فكك منهم واشترى كاستانضف منه ب 1500 جنيه بالكتير

[ahmed_m_ashraf]

الأربع سماعات ١٠٠ ١٠٠ بس أضبط الإوالايزر بتاع الكاسيت، بالنسبة للكاسيت لو مصر يبقى حتة بايونيير أو سوني بال يو إس بي والبلوتوث مش هتزيد عن ١٣٠٠ بس للأسف هتخسر التحكم إللى ورا الطاره بتاع الكاسيت شوف أنهي أهم عندك وخد القرار.

[gebreel]

بس كان في رد من على الصفحة بردو انو مش متاح علشان الضفيرة بتاعته مختلفة + ان اللي شاف لعربية اللي بالكاسيت الجديد لقيوا المايك متثبت في السقف مش في الكاسيت نفسو + ان المالتي فانكشن هيتغير

[pharmacology]

بس كان في رد من على الصفحة بردو انو مش متاح علشان الضفيرة بتاعته مختلفة + ان اللي شاف لعربية اللي بالكاسيت الجديد لقيوا المايك متثبت في السقف مش في الكاسيت نفسو + ان المالتي فانكشن هيتغير

يعني ايه المالتي فانكشن هيتيغير ؟ ياريت توضيح للجزئية دي يا استاذ جبريل لو تكرمت .. انا عندي برده نفس المسكله لان الكاسيت عندي 2012 اتسرق ومش عارف هعرف اجيب زيه بالظبط ازاي لان المشكله عندي ان اي كاسيت مش هيشغل المالتي فانكشن ..

[gebreel]

يعني ايه المالتي فانكشن هيتيغير ؟ ياريت توضيح للجزئية دي يا استاذ جبريل لو تكرمت .. انا عندي برده نفس المسكله لان الكاسيت عندي 2012 اتسرق ومش عارف هعرف اجيب زيه بالظبط ازاي لان المشكله عندي ان اي كاسيت مش هيشغل المالتي فانكشن ..

المالتي فانكشن في الكاسيت الجديد زايد فيه زرارين واحد للرد و الثاني للقفل بتاع المكالمات

اما بالنسبة للموضوع بتاعك فانت قدامك حل من 2

اما انك تشتريه من التوكيل و امرك الى الله (غالي جدا انا عارف ... بس لو مأمن الدنيا هتبقى كويسة ان شاء الله)

او ممكن تنزل تلف لفة في شارع دمشق مثلا او عند بتوع الكاسيت الكبار زي مثلا ادريات او تروح توكيل بايونير ولا حاجة و تتكلم معاهم ممكن يبقى عندهم حل

[TheGhostFish]

شكرا إخواني الأعزاء على الإفادة ،، ربنا يسهل لما نشوف السماعات في 2013 مقبولة ولا لأ.

[pharmacology]

المالتي فانكشن في الكاسيت الجديد زايد فيه زرارين واحد للرد و الثاني للقفل بتاع المكالمات

اما بالنسبة للموضوع بتاعك فانت قدامك حل من 2

اما انك تشتريه من التوكيل و امرك الى الله (غالي جدا انا عارف ... بس لو مأمن الدنيا هتبقى كويسة ان شاء الله)

او ممكن تنزل تلف لفة في شارع دمشق مثلا او عند بتوع الكاسيت الكبار زي مثلا ادريات او تروح توكيل بايونير ولا حاجة و تتكلم معاهم ممكن يبقى عندهم حل

طيب بالنسبة للحل الاولاني يا استاذ جبريل ازاي في التوكيل هيظبطوا موضوع الزرارين الجداد عندي ؟؟ ولا هما هيركبولي واحد زي بتاعها بالظبط من غير الزرارين الجداد ؟؟

وبالنسبة للحل التاني استأذنك حضرتك عنوان محل ادريات ده فين ؟ وعنوان توةكيل بايونير او اي رقم تليفون ليهم ؟؟

[gebreel]

طيب بالنسبة للحل الاولاني يا استاذ جبريل ازاي في التوكيل هيظبطوا موضوع الزرارين الجداد عندي ؟؟ ولا هما هيركبولي واحد زي بتاعها بالظبط من غير الزرارين الجداد ؟؟

وبالنسبة للحل التاني استأذنك حضرتك عنوان محل ادريات ده فين ؟ وعنوان توةكيل بايونير او اي رقم تليفون ليهم ؟؟

انا بخمن مش اكيد لكن في اعتقادي انهم هيغيروا المالتي فانكشن كمان علشان يبقى معاه الزرارين بتوع البلوتوث

اما ادريان النمرة اللي معايا كانت بتاعة واحد شغال هناك و كنت لسة مكلموا من حوالي شهر و طلع ساب المكان

ادريان اللي في مدينة نصر موجودة قدام شركة النصر الل عند سيتي سنتر بس على الرصيف الثاني و ليه فروع ثانية كثير

[McLaren2012]

فعلا كلام أ.جبريل مظبوط بخصوص رد رينو عالكاسيت الجديد هم فعلا قالوا مش متاح التغيير ﻷن المايك اللى محطوط ورا مراية الصالون هيخليهم يفكوا بطانة سقف العربية و ده كان ردهم على صفحة رينو فعلا باﻹضافة ﻷنهم قالوا أن الضفيرة مختلفة للكاسيت الجديد...وهيضطروا يغيروا دراع المالتى فنكشن كمان و هم مش عايزين يتعبوا نفسهم