لوجان اسود ولا فضي أحسن ؟؟؟؟؟؟؟

[midon1]

انا هشتري لوجان ان شاء الله بس كنت محتار بين الاسود والفضي وكان نفسي اشوفهم عالطبيعه في التوكيل علشان اقارن بنفسي بس مكنش في عربيات موجوده

ياريت تشاركوني رأيكم
مين أشيك الأسود ولا الفضي ؟!!

[midon1]

كنت عاوز اسأل كمان
لو عاوز أركب باركينج سينسور أعمل ايه
أطلب من التوكيل يركبهولي هو؟؟
وهيبقي بكام ؟؟

ولو ركبته بره هيطلع العربيه من الضمان ؟؟

[midon1]

كنت عاوز أركب كمان باركينج سينسور

مش عارف بقي أطلبه من التوكيل يركبه ؟؟
وهيبقي بكام؟؟

ولا أركبه بره وهيطلع العربيه من التوكيل ولا لاء ؟؟

[DOCTOReng]

السيارات اللوجان تملأ الشوارع ويمكنك أن تشاهدها بنفسك لأن الألوان مسألة أذواق كما أننى رأيت فى التوكيل قطع بلاستيك صغيرة بالألوان المتاحة لكى تعرف درجات الألوان ، أما اذا كنت تريد معرفة رأى الأعضاء فيمكنك مراجعة هذا الرابط:

http://www.nilemotors.net/Nile/118509-a.html

[amr2008mero]

شوف عريتى كدة

[midon1]

جميله ياباشا بسم الله ماشاء الله
ربنا يباركلك فيها يارب

أنا غالبا استقريت علي اللون الأسود شفتها روووووووعه

وبما ان بقي ياباشا انت استلمت ال 2013
ياريت تقولي انطباعك عنها واخبارها ايه كده علشان انا هجيب اختها ان شاء الله

[ahmedeg1]

الاحمر تحفه

[mohamed.fouad]

بالنسبة للون هى فعلا مسألة أذواق انا معايا مانيوال 2013 فرانى ....... بصراحة لون حلو جداً وقريب اوى من الإسود خاصة باليل وفيه وقار وفخامة كدة وفى الأخر الموضوع يرجع لحضرتك ........ بالنسبة للعربية فوق الممتازة ما شاء الله لدرجة انى خايف احسد نفسى عليها .

[midon1]

الكاسيت بتاعها ام بي ثري ؟؟؟

صوته حلو ؟؟

[mohamed.fouad]

الكاسيت إم بى ثرى وصوته حلو بالنسبة ليا انا مش بحب الصوت العالى اوى وهو يفى بالغرض ....... يعنى هتلاقيه كويس لحد 45 بعد كدة نقاء الصوت بيقل واحدة واحدة

[midon1]

محدش علق علي موضوع الباركينج سينسور يعني ؟؟

[Mansour_Wael]

انا عربيتى حمرا وانا شايف ان الاحمر احلى لون طبعا دى ازواق
بس فى نفس الوقت شايف ان اللون الاسود فى مميزات مش موجودة غير فى الاسود والرصاصى الغامق
الا وهى لون المرأة الجانبية
اغلب اللى شفت مرايتهم مكسورة مش بيلاقوا مرايات فيها الكفر اللى بنفس لون السيارة وبتبقى كلها سوداء ففى حالة ان السيارة سوداء مش بتبان ان المرايا متغيرة
ربنا يحفظ مرايتك ومراياتنا علشان المرايات غالية اوى ب 800 جنيه تقريبا

[Mansour_Wael]

وبالنسبة للسينسور بارك ممكن تركبه فى التوكيل بس لازم تتحايل عليهم شويا علشان مش بيردوا يركبوه دلوقتى بس بيركب بعد الضغط وللاسف هما بياخدوا حوالى 300 او 350 جنيه مصنعية التركيب يعنى لو السينسور تمنه 350 هتدفع 700 بالتركيب ربنا يهديهم ويعدلوا اسعارهم