كام سؤال كده قيل ما اروح التوكيل

[maeeaeg]

بداية كل عام و انت بخير بمناسبة العيد
انا الحمد لله اشتريت لوجان و بقالها معايا تقريبا شهر و فاضلي كام كيلو و هكمل الالف و اروح علي التوكيل طبعا عشان يشيكوا علي العربية بس كان عندي كام سؤال

- اما بسيب العربية علي النيوترال و الكلاتش متعشق بسمع صوت من الجير بوكس..لك لك لك لك لك و في حالة اما دوس علي الكلاتش بيختفي الصوت
هل ده طبيعي؟؟؟...انا كنت قريت هنا في احد المشاركات ان ده عادي و ممكن يكون بسبب ان زيت الجير بوكس لسه مسخنش و هكذا بس الصراحة انا مش مقتنع بالكلام ده خصوصا ان في واحد صاحبي معاه لوجان برضه و مسمعتش الصوت ده

- دواسة البنزين عندي مدلدلة في الارض جامد وانا دايس عليها بتبقي رجلي تقريبا في مستوي تحت الفرامل و اللي اعرفه ان المفروض الدواسات تبقي علي مستوي واحد فعايز اعرف هو كده ده الطبيعي بتاع اللوجان و لا هي ممكن تترفع شوية عشان هي مضيقاني جدا

- صوت الموتور: انا عارف انه عالي بس السؤال هو صوته طبيعي زي بقيت مواتير البنزين و لا هي اللوجان كده لان انا بحس ان انا راكب عربية بموتور سولار

وشكرا مقدما

[wsamir]

انا دواست البنزين بردة اوطى من الفرامل مش عارف ده طبيعى ولا ايه

[pharmacology]

بالنسبة لصوت اللوجان هو عالي شويه لو قارناها بعربيات تانية بس مع الوقت بتتعود عليه وبصراحه ميوصلش لدرجة انه يبقي مزعج .. بالنسبة لباقي المشاكل معنديش خلفية ومعلش مش هقدر افيدك :)

[amr.elsayed]

اه طبعا العربية بيبقى صوتها عالى جدا فى اول عمرها لاسباب كتير ومع الوقت مش بتسمعه الا لو بتستخدم القيادة الرياضية
على فكرة اول صيانة عندك هى 5000 كيلو مش ال 1000
ممكن تحجز زيارة صغيرة كدة يظبطولك دواسة الفرامل لو فيها اى شيى.. و كله بيتظبط لا تقلق