اين توجد مروحة التكييف للوجان ؟؟؟

[pharmacology]

السلام عليكم

انا كنت من فترةة تعرضت لحادث .. الحادث كان عبارة عن ان مقطورة كانت ماشية جمبي ومحملة خشب وجزء من الخشب وقع علي سقف العربية بالقوايم الامامية بالازاز وطبعا فيه جزء لما الازاز الامامي اتكسر وقع علي التابلوه .. الحمد لله انا سمكرت العربية ودهنتها بره التوكيل لكن الوقتي لما باجي اشغل مروحة التكييف بسمع صوت خبط جامد وكل لما اعلي سرعة المروحة صوت الخبط بيزيد ... اللي قدرت اوصله ان الصوت جاي من جوه التابلوه في المنطقة اللي تحت المساحات .. طبعا انا عندي ماتور رشاشات الميه بتاعت الازاز والمساحات متشالة فبقدر اني ابص جوه التابلوه لما افتح الكبوت لان العربية في الدهان الوقتي ولسه مقفلتهاش .. انا لاحظت فعلا ان فيه مروحه صغيرة بتشتغل لما افتح مروحة التكييف وقدرت اوصل لمصدر التخبيط ده ... انا متوقع ان يكون الخشب لما نزل علي التابلوه فيه جزء اتني جمب المروحه وبقت المروحة لما تدور بتخبط فيه ...

سؤالي : هل هي دي مروحة التكييف ؟ لاني اول مرة اعرف ان فيه مروحة جوه تالبوه اي عربية ؟!
والسؤال التاني ممكن يكون حل المشكله دي ايه ؟؟ ياريت اللي عندي اجابة يساعدني ولكم الشكر مقدما

[ahmedeg1]

دى مروحة بلاور التكييف اللى بتطلعلك الهوا من التابلوه دور و شوف حواليها هي بتخبط فى ايه

[Ahmed_Ramadan]

غالبا هتلاقيها مربوطة بمسمارين ورا درج التابلوه ...هتحتاج تنزل فى الأرضية و ضهرك للدواسة أو ممكن تمشى إيدك لحد اما تحس بيهم و نزل المروحة و جربها و إن شاء الله خير

[pharmacology]

النهارده واحد بتاع تكييف شافها .. وطلع عندي مشكلتين :

1- فيه حاجة زي بوابه كده مسئوله عن ان الهوا ييجي من بره لجوه العربية او ان الهوا اللي جوه العربية يلف ويتبرد .. البوابه دي للاسف شكلها مكسور او متحركة من مكانها وبتخبط في مروحه التكييف وده مصدر الصوت

2- فيه مؤشر في لوحه تحكم التكييف مسئول عن توزيع الهوا جوه العربية ممكن يجيبه من عند الرجلين او من التابلوه من فوق او من الوش .. للاسف المؤشر ده مبتحركش وثابت عند انه يجيب اتجاه الهوا من الوش ..

المهم بتاع التكييف قالي الحاجات دي كلها فيبر وحاجات ورق وشكل الخبطه اللي علي التابلوه هي اللي عملت كده .. ودي حلها ان انت تجيب وحده التكييف " بلاور " جديدة من التوكيل او تدور عليها استيراد لان الحاجات دي لو اكسرت وحتي اتلزقت واتصلحت بترجع تبوظ تاني ...

اشيروا عليا يا اعضاء المنتدي الكرام اعمل ايه واتصرف ازاي ؟؟

[Egyzizo]

صلحها والزقها وشوف ..

[pharmacology]

يعني هي كده مكانها يعتبر جوه كويل التكييف ولا بره الكويل ؟ انا كنت فاكك الكويل ده ومع كده مخدتش بالي منها .. ياريت اللي يقدر يساعدني لاني بفكر اشتري كويل استيراد واركبه فهل لو اشتريت كويل هيكون معاه المروحه ولا لا ؟؟

[pharmacology]

انا وديت العربية التوكيل وبيقولي ان فيه المروحة سليمة بس فيه جزء من البوابات مكسر وعشان كده المروحة بتخبط فيه .. قالي لو هتتصلح هتحتاج تغير " الهالفنج " .. حد يعرف يعني ايه " هالفنج " ؟؟؟