ينفع أركب أوتوماتيك علي طول ؟؟

[midon1]

أنا خلاص هشتري لوجان 2013 ان شاء الله

بس محتار أجيبها مانيوال ولا أوتوماتيك
ناس تقولي لازم تركب مانيوال الأول ( عرف يعني )
وناس تقولي هات أوتوماتيك علي طول . حلوه في الزحمه وسهله وكده
بدل ما تجيب المانيوال وتيجي بعد كده تبدلها او تبعها علشان تجيب اوتوماتيك وتخسر فيها .

عاوز أعرف رأيكم . وياريت لو حد يقولي مين أكتر في استهلاك البنزين بما اننا داخلين علي الغاء دعم وأيام سوده

[eslamspirit]

اوتو علي طول و من غير تفكير

[midon1]

حتي لو كانت دي أول مره أسوق ؟؟

وايه رأيك ياباشا في موضوع البنزين ده ؟
سمعت ان استهلاك الأوتو أكتر من المانيوال

[ahmedeg1]

الاوتوماتيك استهلاكه ازيد من المانوال بس راحه و ماتور اقوى

[gebreel]

اوتوماتيك على طول و استهلاك البنزين معايا حاليا الحمد لله متاز و عربيتي عاملة 13500 كم و بالتفويلة اللي فاتت ماشي لحد دلوقتي 340 كيلو و ماخدتش غير 4 شرط و مستهلك فيهم 27 لتر و الكام تفويلة اللي فاتو اخر 5 مثلا كان اللتر بيعمل من 11 ل 12.5 كيلو

[elhalfawy_2010]

الاوتو اسهل في السواقة وبدال اول مره يبقى الا وتو هاتريحك كتير انا كنت زيك كده بس الحمد لله اشتريت الاتوماتيك ومرتاح فيها كتير وحسيت اني كنت هاندم كتير لو جيبت ماينول

[dr_msr_saudi]

انا رأييى المانيوال تتعلم عليها وتكتسب ثقة السواقه وطالما ركبت المانيوال فالاوتو اسهل طبعا.....وفى استهلاك البنزين المانيوال اقل طبعا

[midon1]

هي المانيوال أقل في البنزين من الأوتو بدرجه كبيره يعني ؟؟؟؟؟؟؟؟؟

يعني درجه تخلي الواحد يفكر يجيب مانيوال أوفر ؟؟

وأنا شايف ان الناس بتشكر في استهلاك البنزين بتاع الأوتو يعني وغير كده أصلا مش بنحكم علي الاستهلاك والعربيه بتلين

ولا الكلام ده ملوس أساس من الصحه ؟؟

[ali_333]

اوتوماتيكي طبعا
بالنسبة للبنزين معرفش الاستهلاك نشوف رأي الخبرا

[gebreel]

يا باشا استهلاك البنزين سواء في المانيوال او الاوتو بيتحسن و انت داخل على ال15000 بدررجة ملحوظة

انا لسة راجع من برة و عامل بالعربية 380 كيلو ب 31 لتر يعني اللتر بيعمل 12.2 كيلو

[abdo_2812]

أوتوماتيك طبعا ياباشا مادام السعر في المتناول :)
وماتسمعش أي كلام عن إنك لازم تسوق مانيوال الأول وحوارات من دي لأن الكلام ده مافيهوش أي نظرية ولا منطق وأهو الناس بتردده وتنصح بيه بعض وخلاص !
كل الموضوع لما تسوق انك هاتظل مش عارف تسوق عربية مانيوال لحد ما تتعلم الدبرياج وأظن ده مش سبب يخليك تبلي نفسك بعربية مانيوال في الزحمة والطرق الزفت بتاعتنا دي !!

وربنا يوفقك لكل خير

[تامر.محمد]

طالما تقدر تجيب عربية اوتو يبقى هات اوتو و اديها اوتو و ريح دماغك :)

[midon1]

ايه ريحتوا قلبي الله يريح قلبكم

ألف ألف شكر لكل اللي أبدي رأيه وفادني

أنا كنت ميال من الأول للأوتو بس كنت مقلق من صاحب التوكيل هنا في المنصوره لما قالي هات مانيوال الأول

عموما مادام الأمر كده يبقي أوتو , اديها أوتو

[TheGhostFish]

أنا من رأيي الموضوع مش موضوع استهلاك بنزين لأن فرق السعر مابين المانيوال والأوتو أكبر من زيادة استهلاك البنزين في الأوتو بكتير فمش حاتفرق معاك ..
عموما في العربيات الرخيصة أو تحت ال100 ألف مانصحش تجيب أوتو لأنه العربية مش بتكون بالثقة الكافية لا في الكهرباء ولا الفرامل.
مثال على كده البطارية عمرها خلص لازم تغيرها في مكانها ومش حاتعرف تتحرك بالعربية ولازم حد يقطرك.
نفس الكلام لو المارش حصل فيه حاجة .. إنما المانيوال حاترمي للعربية وحاتمشي معاك لحد ما تروح لكهربائي.
كمان الأوتو بتحرق تيل الفرامل بسرعة، ولو لاقدر الله حصل مشكلة في الفرامل وانت ماشي مش حاتعرف تتصرف .. أما المانيوال ممكن تسقط غيار وتخلي العربية تفرمل معاك بدون استخدام الفرامل .. والsteptronic بتاع اللوجان مش بنفس كفائة تسقيط الغيارات في المانيوال في حالة الفرامل باظت.
لكن طبعا لو عايز الراحة في الزحمة يبقى الأوتو لأن المانيوال مقرفة في الزحمة.

[تامر.محمد]

أنا كنت ميال من الأول للأوتو بس كنت مقلق من صاحب التوكيل هنا في المنصوره لما قالي هات مانيوال الأول

دي ثقافة عفا عليها الزمن :)

من ايام ما كانت العربيات الاتوماتيك تتعد على الصوابع :)