رينو لوجان !!!!!! حلوة مش كده ؟؟؟

[miguel]

انا معايا اللوجان وتعباني بصراحة للاسباب التالية وليك الاختيار :
1 الكوتش اردء نوع كوتش فيها Barum وفي التوكيل يقولك الكوتش خارج الضمان
2 عزل ردئ للموتور تسمع صوته عالي
3 الدهان سيئ للغاية اقل خدش بيبان قوي فيها
4 البدلات من البلاستيك وده اللي مستغربلة يقولاك ده متين ومش عارف اية في النهاية انه بلاستيك مهما كان مش زي الحديد
5 لا يوجد فلتر هواء تكييف تيجي تشغل هواء التكيف يطلع تراب طبعا مفهوش فلتر
6 لا يوجد فلتر بنزين علشان تنقية البنزين وتيجي تسأل يقولك عربيات فيها وعربيات مفيهاش
7 وده الاهم مقياس الزيت من فبر تخيل انت بلاستيك في الموتور في قلب السخونة نشف مني واتكسر روحت جبت واحد من التوكيل ب 264 جنية ( فبر ) مش هقول بلاستيك خليه فبر
8 صوت تكة بعد ماتطفي العربية دي من الصاجة بتاعت الموتور مش فاهم ازاي
9 اهم حاجة بقي انها مفيهاش عمود اتزان كان في موضوع اثاره بعض الزملاء هنا وقال انها مفيهاش عمود اتزان قالك في العربية الروماني فيها والمغربي مفيهاش
10 التوكيل بقي هيشتغلك اشتغالة فلة
دي بقي ياسيدي العربية اللوجان اللي طايرين بيها واسأل واستفسر كويس
انا قولتلك بكل امانة ميزتها انها فعلا عالية وواسعة وشنطيها حلوة بس كده مش اكتر

وشكرا

[wassim_nasser]

بص يا باشا انا اسف ب انت اللي غلطان لأنك من الاول استرخصت وجبت عربية رخيصة .. دلوقتي قدامك حل من 2 : يا إما تصر علي امتلاك عربية بنفس السعر و قدامك فيرنا و لانوس و اسبرانزا و بكده هاتلاقي نفس العيوب اللي فاتت بالإضافة لقلة الثبات ( يازين ماخترت)

يا اما تحط فوق تمن اللوجان 100 الف جنيه وتجيب سكودا فانتازيا او فولكس جولف وترتاح من المشاكل نهائي بس برضه هاتواجه قصة اسعار قطع الغيار

امشى ف الاتجاهين و احكيلنا تجربتك عشان نستفاد منها

[miguel]

شكرا استاذ وسيم !!!!!!!!

[wassim_nasser]

والله يا باشا شكلك زعلت مع انى ماقصدش خالص انى ازعلك .. بس تعالى نفكر سوا بصوت عالى .. انا منتسب للمنتدى من سنتين و نص و عرفت هنا ناس محترمة جدا افادتنى عشان كده باحاول افيد اي حد علي قد ماقدر وصدقنى انا قعدت متردد قبل ماشتري اللوجان 8 شهور درست فيهم كل الخيارات المتاحة .. اللوجان بمميزاتها وعيوبها وكل منافساتها ف نفس الفئة السعرية او اعلي منها بحاجة بسيطة .. الفيرنا .. اللانوس .. الاسبرانزا إم 11 و تيجو .. ولقيت ان اكثرهم قبولا واعتمادية هى اللوجان .. ليه؟

اولا العربية واسعة عالية عن الارض ثابته و اوبشناتها كويسة جدا بالنسبه لسعرها ده غير انها واخده 3 نجوم ف اختبار الامان الاوروبى .. ع الجانب الاخر هاتلاقي عندك الكوري ان كانت فيرنا او لانوس واطية ضيقة غير ثابته بالمرة بعد 120 و قطعا فيها عيوب تقفيل (ادخل قسم هيونداي و شيفروليه واتفرج ع المهازل) .. انا مش بادافع عن اللوجان او باقنعك بيها .. انا بانقل لحضرتك اسباب اقتناعي بيها .. حط ف دماغك ان اي عربية ف بلدنا فيها مشاكل بما فيها الالمانى زي السكودا والفولكس و اكيد عربيتنا فيها مشاكل برضه بس طريقة تقبلنا وتعاملنا مع المشكلة يفرق .. السخونية وصوت الموتور علاجهم العزل .. البوابه تتغير .. الفرامل تتظبط .. تكة بعد التبطيل (دي مش مشكلة اصلا) والباقي هاتلاقيه عيوب فردية زي مقياس الزيت (بجد اول عضو يتكسر منه مقياس الزيت ) .. لكن تعالي هاتلي حل لمشكلة ثبات الفيرنا او ضيق اللانوس مش هاتقدر .. المشكلة الحقيقية جواك انت لأنك اتقفلت من العربية عشان كده اصغر مشكله بتدايقك .. الخلاصة انظر لنصف الكوب المليان هاتلاقي المشاكل بتختفى

[dr_msr_saudi]

صح يا أستاذ وسيم ....كلامك عقلانى جدا..... وأزود عليك
احنا اشترينا عربيه 1600 سى سى واوروبى وتقفيل مش مصرى ....والسعر بين ال 68000 ج و ال 80000 ج
ايه رأيكم؟؟؟؟تكسب برضه مع عيوبها اللى معظمها ليها حل

[crayvor]

انا معايا اللوجان وتعباني بصراحة للاسباب التالية وليك الاختيار :
1 الكوتش اردء نوع كوتش فيها barum وفي التوكيل يقولك الكوتش خارج الضمان
2 عزل ردئ للموتور تسمع صوته عالي
3 الدهان سيئ للغاية اقل خدش بيبان قوي فيها
4 البدلات من البلاستيك وده اللي مستغربلة يقولاك ده متين ومش عارف اية في النهاية انه بلاستيك مهما كان مش زي الحديد
5 لا يوجد فلتر هواء تكييف تيجي تشغل هواء التكيف يطلع تراب طبعا مفهوش فلتر
6 لا يوجد فلتر بنزين علشان تنقية البنزين وتيجي تسأل يقولك عربيات فيها وعربيات مفيهاش
7 وده الاهم مقياس الزيت من فبر تخيل انت بلاستيك في الموتور في قلب السخونة نشف مني واتكسر روحت جبت واحد من التوكيل ب 264 جنية ( فبر ) مش هقول بلاستيك خليه فبر
8 صوت تكة بعد ماتطفي العربية دي من الصاجة بتاعت الموتور مش فاهم ازاي
9 اهم حاجة بقي انها مفيهاش عمود اتزان كان في موضوع اثاره بعض الزملاء هنا وقال انها مفيهاش عمود اتزان قالك في العربية الروماني فيها والمغربي مفيهاش
10 التوكيل بقي هيشتغلك اشتغالة فلة
دي بقي ياسيدي العربية اللوجان اللي طايرين بيها واسأل واستفسر كويس
انا قولتلك بكل امانة ميزتها انها فعلا عالية وواسعة وشنطيها حلوة بس كده مش اكتر

وشكرا

يا قتاح يا عليم يا رزاق يا كريم... ابتدينا تاني
أولا بص حضرتك . قلنا قبل كدة ف المنتدي ان مش كل واحد داخل يغيظ الناس اللي اشترت العربية جديد ويقولهم يااه دانتو جيبتو حتة صفيحة في حين ان حانقول 95% مش 100% من اللي اشتروها بيشكرو فيها..
ثانيا طريقة عرضك مش حاقول مجرد مش منطقية لكن استفزازية.. يعني مثلا 1و2و3 كل الناس عارفاها ماقلتش جديد. 4 يعني ايه بس بالبلاستيك ومش البلاستيك؟ هل عندك أي أساس علمي بنيت عليه انها كأداء أو أمان أقل من الحديد؟ ولا هو زيادة نقط وخلاص؟ 5 ممكن يكون عندك حق فيها أما 6 يعني ايه عربيات فيها وعربيات مافيهاش؟ لو عربية حضرتك مافيهاش اطلع علي جهاز حماية المستهلك!! 7 شكوي فردية أول مرة أسمعها 8 مش شكوي أساسا 9 عمري ما شفت حد بيشتكي من اتزان اللوجان عشان تحتاج عامود اتزان 10 كلام مرسل.

من كلامك كله ممكن نقطتين بس اللي نبني عليهم حاجة ومش مرفق معاهم صور أو شرح مجرد كلام مرسل واديله ادي..

ثالثا ودي المهمة اللوجان عربية معمولة عشان تكون موفرة مش عشان الرفاهية المطلقة.. حضرتك ممكن تبيع العربية طالما شايفها ماتسواش كيلو بصل وتشتري كورولا أو سكودا فانتازيا زي ما العضو مشكورا ما قال وحتلاقي كل اللي انت عاوزه ان شاء الله.

الفرق بين حضرتك وبين أي واحد تاني بيتكلم ع العربية انك عاوز عربية مرسيدس ب 500 جنيه.. أما باقي الأعضاء فاهمين ان عربية بالسعر ده لازم يبقي فيها تضحيات في الكماليات أو بعضها عشان الأساسات كلها تبقي سليمة. ولو حضرتك شايف ان طريقتي في الكلام وحشة شوف طريقة عرضك للموضوع لو قراها واحد لسة جايب العربية المفروض انه يفرح؟

يا ريت مايبقاش كل واحد بقي يخش يقول كلمة وخلاص.. اللي عنده أساس للي بيقوله أهلا وسهلا اللي داخل يسأل أهلا وسهلا اللي داخل يضرب بوقين وخلاص.. أكمل الجملة.

[Egyzizo]

يا أخ miquel أنا صدقنى حاسس بيك ..

بس أنا لو مكانك مش هاقعد أهرى وانكت فى نفسى وأندب حظى
ببساطة بيع طالما انت مش قابل العربية ..
وربنا يوفقك فى حاجة تناسبك وتقتنع بيها ..

بس خلينى أهمس فى ودنك ، ان الناس أنواع فى مدى تقبلهم للأمور ، يعنى حضرتك كاره العربية علشان مقاس الزيت باظ عندك ، ودى حاجة لا بتقدم ولا بتأخر فى آداء العربية وممكن تغيرها بكره أو حتى الشهر الجاى ، ومع ذلك كرهت العربية.

لكن أنا لما البوابة بتاعة الانجكشن عندى باظت وكمان ماكنتش لاقيها بالفلوس لمدة أسبوعين ، ولأن المشى بالعربية مع بوابة عطلانة مأساة ومخاطرة ، اضطريت اركنها أسبوعين لغاية ما ربنا سهل والتوكيل جاب بوابات جديدة.

وبالرغم من الموقف ده أنا ماكرهتش العربية خالص مع انى كنت متضايق للموقف نفسه، بالعكس أنا مبسوط بيها ولو رجع بيا الزمن هاجيبها تانى.

فهو اختلاف بين البشر فى الـ tolerance مش أكتر.

وربنا يوفقك لما فيه الخير.

[mohamed1979]

مقاس الزيت نفسى اعرف ايه الى كسره لايمكن يكون نشف جوه الموتور المقاس ده اتكسر من شخص اتعافا عليه بطرئقه خاطئه و بعدين مقاس الزيت شفته بخمسين جنيه عن عطيه الأسكندرانى فى شارع دمشق


بالنسبه لموضوع التراب انا عربيتى مفاش الفلتر و مع ذالك مفيش تراب بيدخل و لا حاجه لأن الطبيعى بكون قافل دائره الهواء الداخلى للمكييف فمفيش تراب بيدخل

و على فكره ممكن تركب الفلتر فى العربيه بكل سهوله بس أأكداك ان كفائه التكيف بدون الفلتر احسن

كان عندى مشكله البوابه و غيرتها قبل ما العربيه تخرج من الضمان و بعد شهرين من انتهاء الضمان باظيت حليت المشكله بأنى جبت الحساس استيراد من اسكندريه و العربيه داخله على اربع شهور و ماشيه زى الفل الحساس ده كلفنى 200 جنيه
كبر دماغك انت مش راكب اوكتافيا بس راكب عربيه ثمنها فيها

و شكراا

[mohamed1979]

يا أخ miquel أنا صدقنى حاسس بيك ..

بس أنا لو مكانك مش هاقعد أهرى وانكت فى نفسى وأندب حظى
ببساطة بيع طالما انت مش قابل العربية ..
وربنا يوفقك فى حاجة تناسبك وتقتنع بيها ..

بس خلينى أهمس فى ودنك ، ان الناس أنواع فى مدى تقبلهم للأمور ، يعنى حضرتك كاره العربية علشان مقاس الزيت باظ عندك ، ودى حاجة لا بتقدم ولا بتأخر فى آداء العربية وممكن تغيرها بكره أو حتى الشهر الجاى ، ومع ذلك كرهت العربية.

لكن أنا لما البوابة بتاعة الانجكشن عندى باظت وكمان ماكنتش لاقيها بالفلوس لمدة أسبوعين ، ولأن المشى بالعربية مع بوابة عطلانة مأساة ومخاطرة ، اضطريت اركنها أسبوعين لغاية ما ربنا سهل والتوكيل جاب بوابات جديدة.

وبالرغم من الموقف ده أنا ماكرهتش العربية خالص مع انى كنت متضايق للموقف نفسه، بالعكس أنا مبسوط بيها ولو رجع بيا الزمن هاجيبها تانى.

فهو اختلاف بين البشر فى الـ tolerance مش أكتر.

وربنا يوفقك لما فيه الخير.

نفس الموقف بالظبط حصل معايا و العربيه مش ندمان انى ركبتها ابدا

على فكره مشكله البوابه مش من البوابه نفسها المشكله بتكون فى حساس السلانسيه هو الى بيكون بايظ مع تغيره بتنتهى المشكله

[adel_edrees]

ألى الأخ ماجويل العربية مش وحشة أوى للدرجة دى أولا أنت بتفتح مقاس الزيت ليه عايز تعمل أيه مش هما في التوكيل بيغيرو الزيت خلاص يبقى أنت بتشيل مقاس الزيت ليه نشف و أتكسر يبقى من عندهم هما ملزمين يغيروه ثا نيا أنا كان عندى عربية شاهين و كانت البدالات من الحديد (البنزين ) و لما عملت حادثة و ش رجلي حصل فيه شرخ بلسبب دواسة البنزين الحديد اللى حضرتك ببتتكلم عنها و بعدين حضرتك دواسة الفرامل حديد دى لا يمكن تتعمل بلاستيك لأن الضغط عليها جامد جدا ثالثا أتفق معاك في بعض العيوب زى الدهان و مستوى العزل و أن التوكيل قطع الغيار فيها حاجات مستفزة أنا مثلا عندى مشكلة في الأتزان و لكن لازم تعرف ئأنت جبت عربية بكام و تقارن المميزات و العيوب و تقارن مع عربات نفس الفئة السعرية حتلاقيها معقولة جدا و شكرا لسعة صدرك

[Egyzizo]

نفس الموقف بالظبط حصل معايا و العربيه مش ندمان انى ركبتها ابدا

على فكره مشكله البوابه مش من البوابه نفسها المشكله بتكون فى حساس السلانسيه هو الى بيكون بايظ مع تغيره بتنتهى المشكله

اللى هو الـ idle control ، وارد ..
بس أظن التوكيل لما بيغير مش بيبيع الـ idle لوحده انما بيغير البوابة على بعضها بالـ idle.

يا ريت برضه حضرتك تقول لنا جبته منين فى اسكندرية علشان لو المشكلة حصلت تانى لأنه مش موجود بسهولة فى السوق.

[تامر.محمد]

انا معايا اللوجان وتعباني بصراحة للاسباب التالية وليك الاختيار :

1 الكوتش اردء نوع كوتش فيها barum وفي التوكيل يقولك الكوتش خارج الضمان --------- ده عيب فعلا

2 عزل ردئ للموتور تسمع صوته عالي --------- بص على الفيرنا :( , اللانوس ارحم شوية


5 لا يوجد فلتر هواء تكييف تيجي تشغل هواء التكيف يطلع تراب طبعا مفهوش فلتر ----- اللانوس كده

8 صوت تكة بعد ماتطفي العربية دي من الصاجة بتاعت الموتور مش فاهم ازاي ---- الصني كده

9 اهم حاجة بقي انها مفيهاش عمود اتزان كان في موضوع اثاره بعض الزملاء هنا وقال انها مفيهاش عمود اتزان قالك في العربية الروماني فيها والمغربي مفيهاش ----- نااااااادر لما بيبقى فيه عربية في الفئة دي فيها

دي بعض ملاحظات , هي طبعا عيوب , لكن في فئتها الوضع هو ده فعلا

[miguel]

صباح الفل عليكوا جميعا !!!! انا والله مش عارف اقولكم اية ؟؟ متشكر جدا لاهتمامكم الكبير قوي ده !!! والله المشاكل دي بتخلي الواحد تعبان نفسيا
متشكر قوي لاهتمامكم مرة تانية !!!

[Porsche911TT]

باختصار...برضو رأيي مش هيتغير فيها

[mohamed.fouad]

إستهدوا بالله ياجماعة

لولا إختلاف الأذواق لبارت السلع ...... بالراحة يا جماعة على الراجل ليه الهجوم والرد بعدوانية كدة الراجل قال حاجات مضايقاه فى العربية سواء إتفقنا او إختلفنا لازم نستخدم أداب الإختلاف ...... انا لسة شارى لوجان 2013 والكلام اكيد ضايقنى بس مفيش مبرر للهجوم الشرس والعدوانى على الراجل لمجرد انه عبر عن رأيه .