تركيب وحدات رفع

[georgedada82]

انا كنت عاوز اركب في اللوجان وحدات رفع ... انا بدور علي حاجة تشتغل مع ريموت العربية بدون تركيب انذار يعني وحدات رفع بس تشتغل علي ريموت المفتاح الحالي اتمني المساعدة في
1 - هل في نوع معين واجيبه منين في اسكندرية
2 - كهربائي محترم لاني مش عاوز ابهدل كهربة العربية واحد محترم جدا يعني ويكون مجرب في الاسكندرية
واكون شاكر جدا للجميع

[ahmedeg1]

بلاش منها استنى لما العربيه تخرج من الضمان

[Egyzizo]

معظم ملاك 2010 زى حالاتنا خلاص بيشطبوا بالنسبة لموضوع الضمان.
وده وقتها بقى ، هى فعلاً حاجة مهمة

[أبو آسر]

أنا ركبتها بالفعل وشغالة مع السنتر عادي سواء الريموت أو السنتر اللي جوة العربية بس الكهربائي اللي بتعامل معاه للأسف في القاهرة (شارع الأربعين جسر السويس) بس بصراحة راجل عشرة على عشرة
والوحدة بصراحة مهمة أوي ريحتني من كل شوية أقفل الإزاز من الأربع زراير اللي كل واحد منهم في حتة شكل ! بس هي عيبها إنك لو ركبت العربية ودورت وفتحت الإزاز وحبيت تقفل السنتر عشان لو معاك أطفال ولا حاجة الإزاز هيرفع لوحده وهتضطر تنزله تاني بس دي سهلة حلها إنك أول ما تركب العربية وتدور تقفل السنتر الأول وبعدين تنزل الإزاز وتتعود على كده

[georgedada82]

بلاش منها استنى لما العربيه تخرج من الضمان

لا ما هي خلاص طلعت من الضمان في شهر 9 عشان كده اخدت القرار ده

[georgedada82]

أنا ركبتها بالفعل وشغالة مع السنتر عادي سواء الريموت أو السنتر اللي جوة العربية بس الكهربائي اللي بتعامل معاه للأسف في القاهرة (شارع الأربعين جسر السويس) بس بصراحة راجل عشرة على عشرة
والوحدة بصراحة مهمة أوي ريحتني من كل شوية أقفل الإزاز من الأربع زراير اللي كل واحد منهم في حتة شكل ! بس هي عيبها إنك لو ركبت العربية ودورت وفتحت الإزاز وحبيت تقفل السنتر عشان لو معاك أطفال ولا حاجة الإزاز هيرفع لوحده وهتضطر تنزله تاني بس دي سهلة حلها إنك أول ما تركب العربية وتدور تقفل السنتر الأول وبعدين تنزل الإزاز وتتعود على كده

هل في نوع معين حضرتك جبته ولو في طريقة معينة في تركيبها بالنسبة للكهربائي بحيث ما يهينش الضفيرة وسعرها كام وتركيبها كام ... وشكرا جزيلا

[walid auto]

[quote=أبو بودي وعمر;3874614217]أنا ركبتها بالفعل وشغالة مع السنتر عادي سواء الريموت أو السنتر اللي جوة العربية بس الكهربائي اللي بتعامل معاه للأسف في القاهرة (شارع الأربعين جسر السويس)
انت من منطقتي انا (الخمسين جسر السويس)
وانا حاجز داستر يعني ريناوي زيك

[بوب ميجو]

أنا ركبتها بالفعل وشغالة مع السنتر عادي سواء الريموت أو السنتر اللي جوة العربية بس الكهربائي اللي بتعامل معاه للأسف في القاهرة (شارع الأربعين جسر السويس) بس بصراحة راجل عشرة على عشرة
والوحدة بصراحة مهمة أوي ريحتني من كل شوية أقفل الإزاز من الأربع زراير اللي كل واحد منهم في حتة شكل ! بس هي عيبها إنك لو ركبت العربية ودورت وفتحت الإزاز وحبيت تقفل السنتر عشان لو معاك أطفال ولا حاجة الإزاز هيرفع لوحده وهتضطر تنزله تاني بس دي سهلة حلها إنك أول ما تركب العربية وتدور تقفل السنتر الأول وبعدين تنزل الإزاز وتتعود على كده

ده فى شارع الاربعين نفسه واسمه ايه ياباشا

[muslim_nsb]

انا ركبت 2 وحدة رفع في العربيه للابواب الاماميه والخلفيه وشغاله مع ريموت العربيه عادي
بس اسأل عن نوع يقفل لما تضغط 3 ثواني على ريموت العربيه يعني مش اول ما تضغط قفل السنتر يرفع الزجاج لان ده في خطر على الأطفال وانا مركب النوع الخطر وبفكر اغيره بنوع احسن زي ما قلتلك

[أبو آسر]

هل في نوع معين حضرتك جبته ولو في طريقة معينة في تركيبها بالنسبة للكهربائي بحيث ما يهينش الضفيرة وسعرها كام وتركيبها كام ... وشكرا جزيلا

هو تقريبا النوع الشائع والمنتشر اللي هو تبع شركة "غريب" بس معرفش اسمه إيه أو تفاصيل عنه للأسف لكن هتلاقي مكتوب على العلبة كلمة "غريب" اللي هو المستورد تقريبا وممكن يكون ده اسم الوحدة برده مش عارف
والكهربائي اللي ركبهالي بصراحة راجل فاهم ومش بيهين الضفيرة خالص وشغله هادي وبطيء مش كروتة واستعجال بس طبعا معرفش الطريقة اللي بيركب بيها انت حضرتك ممكن تروحله وهو يركبهالك
وسعر الوحدتين للـ4 أبواب كانوا عاملين 180 جنيه تقريبا والتركيب مش متأكد كام بالضبط لأنه ركبلي كذا حاجة مع بعض وحاسبته على تركيبهم كلهم مرة واحدة بس مش كتير يعني ، ممكن 30 جنيه مش عارف

انت من منطقتي انا (الخمسين جسر السويس)
وانا حاجز داستر يعني ريناوي زيك

أهلا وسهلا بالحبايب
أنا برده كنت ساكن في الخمسين نفسه فوق مكتب الياسمين بعد المعهد بس عزلت بصراحة مقدرتش أستحمل أكتر من كده
نقلت العبور الحمد لله من كذا شهر بس بروح الخمسين علطول عشان شغلي مرتبط بالمنطقة هناك للأسف

ده فى شارع الاربعين نفسه واسمه ايه ياباشا

ايوة في آخر الأربعين قبل شارع البرج علطول أمام مسجد المهدي مباشرة وهو محل كماليات سيارات اسمه بكر والراجل الصنايعي اسمه عصام قوله بس من طرف الشيخ محمد بتاع اللوجان وهو هيعرف

[amr.elsayed]

أنا ركبتها بالفعل وشغالة مع السنتر عادي سواء الريموت أو السنتر اللي جوة العربية بس الكهربائي اللي بتعامل معاه للأسف في القاهرة (شارع الأربعين جسر السويس) بس بصراحة راجل عشرة على عشرة
والوحدة بصراحة مهمة أوي ريحتني من كل شوية أقفل الإزاز من الأربع زراير اللي كل واحد منهم في حتة شكل ! بس هي عيبها إنك لو ركبت العربية ودورت وفتحت الإزاز وحبيت تقفل السنتر عشان لو معاك أطفال ولا حاجة الإزاز هيرفع لوحده وهتضطر تنزله تاني بس دي سهلة حلها إنك أول ما تركب العربية وتدور تقفل السنتر الأول وبعدين تنزل الإزاز وتتعود على كده

جرب كدة يا ابو بودى لما تقفل السنتر والازاز يطلع اضغط ضغطة تانية على قفل السنتر
و ان شاء الله حيقف

انا كنت عاوز اركب في اللوجان وحدات رفع ... انا بدور علي حاجة تشتغل مع ريموت العربية بدون تركيب انذار يعني وحدات رفع بس تشتغل علي ريموت المفتاح الحالي اتمني المساعدة في
1 - هل في نوع معين واجيبه منين في اسكندرية

2 - كهربائي محترم لاني مش عاوز ابهدل كهربة العربية واحد محترم جدا يعني ويكون مجرب في الاسكندرية
واكون شاكر جدا للجميع

الحقيقة يا جورج انا لما نزلت سالت مافيش انواع لكن كان فيه بلد منشا وكان امامى صينى وتايوانى
عند سعيد نصار فى عزبة سعد ... وكان الوحدتين ب 90 جنيه وركبتهم ب 60 جنيه والتركيب غالى شوية
بس كان ساعتها الكهربائى كان اول مرة يشتغل فى اللوجان بس انا كنت بسمع عنهم سمع خير علشان كدة صبرت معاه
والكلام دة من سنة ونص والكهربائى ده وصفته وانت جاى من فيكتوريا من شارع ابو قير طبعا
بتدخل شارع الملك حفنى وتكمل وبتدخل شارع محمد نجيب علشان تدخل جمال عبد الناصر
اول ما تدخل جمال عبد الناصر اول شارع على يمينك دة من باب العلم اذا حبيت تجربه
..
فيه حاجة كمان اعملها علشان تقلل من عيوب وحدات الرفع خليه يركبلك كتاوت بحيث طول ما المفتاح فى العربية
او العربية تكون دايرة الوحدات مفصولة والسنتر مالوش دعوة بيها علشان ما تقفلش السنتر بعفوية
وحد يكون مطلع ايده من الشباك ويتفجع .. وكمان علشان ساعات وحدات الرفع بتتاثر بذبات الموبيل
فتكون قاطع كل الاحتمالات دى عنها بالكتاوت وعود نفسك المفتاح يكون معاك وهى العربية بيبانها مقفولة
لمجرد تامين مش اكتر لكن فى النهاية وحدات الرفع اوبشن فوق الرائع

[أبو آسر]

جرب كدة يا ابو بودى لما تقفل السنتر والازاز يطلع اضغط ضغطة تانية على قفل السنتر
و ان شاء الله حيقف

هجرب كده وابلغك يا عمرو باشا

[georgedada82]

متشكر جدا للرد علي استفساري ... واتمني لو حد ليه تجربة اخري ينقلها لنا بخصوص نفس الاستفسار

[أبو آسر]

جرب كدة يا ابو بودى لما تقفل السنتر والازاز يطلع اضغط ضغطة تانية على قفل السنتر
و ان شاء الله حيقف

للأسف يا عمرو باشا فشلت التجربة