اللوجان طلعت على الرصيف

[me_dooo]

السلام عليكم
صديق ليا عمل حادثة امبارح واحد زنق عليه فدخل في رصيف عالي شوية والحمد لله اصابات طفيفه للي راكب معاه
وداها ورشة بره الرفرف اترد والباب اتظبط والراجل قاله عاوزة فانوس امامي يمين ومقص يمين وحاجه اول مرة اسمع عنها اسمها (شمعدان) وزجاج امامي يمين
ياترى الحاجات دي اسعارها ايه في التوكيل ولو بره عند مين
للعلم هو من جنوب سيناء وميعرفش اي حاجه في القاهرة وهل الحاجت دي تتعمل بره التوكيل ولا في التوكيل افضل
شكرا جزيلا

[pharmacology]

هو طبعا التوكيل افضل بس المشكله ان اسعاره نار في المصنعيات .. والتوكيل مش هيديك اي تكلفة غير لما تاخدله العربية توديهاله هناك وهو يعمل مقايسه ويقولك تتكلف اد ايه ... لو عايز تمسك العصاية من النص وتعرف عفشجي نضيف ممكن تجيب قطع الغيار من التوكيل وتركبها بره .. الفانوس الاصلي بحوالي 570 ج في التوكيل وبره التوكيل التركي اعتقد في حدود 350 ج والمقص اعتقد في حدود 1300 ج ( ده انصحك تجيب الاصلي هو اه غالي بس بلاش تسترخص في العفشه ) وبصراحه مش عارف ايه هي الشمعدان برده اكيد ليه مصطلح تاني او اسم تاني احنا نعرفه .. ربنا معاك ويعوض عليه وان شاء الله الامور تتيسر وقدر الله وماشاء فعل

[gebreel]

هو قدامه كذا حل

اول حل انو يسمكر برة و يعمل شغل العفشة في التوكيل

ثاني حل انو يعمل كلو برة بس يجيب حاجة العفشة من التوكيل و يركب برة

ثالث حل هو انو يعمل كلو في التوكيل

و انا افضل الحل الثاني لأنو هيبقى اقل التكلفة و اضمن من ناحية قطع الغيار

[me_dooo]

هو كلمني وقال ان اخوع في المنصورة جاب له المقص والشمعدان والفانوس ب 1000 من محل بره التوكيل وهيركبهم بره
شكرا ليكم جميعا وربنا يكفينا شر الطريق