العربية بتزحف مع الفرامل

[jericho]

سؤال لوحوش اللوجان انا العربيه عندي عاملة 18000 كيلو وبتزحف مع الفرامل وبتفرك وهيا طالعة عمال علي بطال اعتقد ان الكاوتش مش بيمسك في الارض كويس هو نوعه بروم وهو الي جاي مع العربيه وهيا موديل 2011 ارجو الافادة يا وحوش وشكرا

[dr_mustafa_ali]

ده مشكلة في كوتش البروم غيره لو عاوز هتظبط معاك

[wassim_nasser]

انا عندي مشكلة الفرك دي و صوت الكاوتش عالي ف الارض المتربه عشان الكاوتش اصلا وحش وإن شاء الله هاغيره ف بريدجستون

[ahmed_m_ashraf]

الوحوش جابولك من الآخر، نفسي أغيره أنا كمان مع إني ماشي ٣٣٠٠ كم بس!!
الموضوع عايز من ٢٠٠٠ إلي ٢٥٠٠ جنيه!

[miguel]

الكاوتش يامان واكشف علي التيل مهم جدا ممكن يكون عاوز سنفره !!!!

[dr_mustafa_ali]

انا عامل 21000 وخايف اعمل حادثة بسبب الكاوتش قبل ما عمره الافتراضي يعدي

كبيره معايا هغيره على التلاتين

[jericho]

الف شكر يا وحوش وربنا يسهل واغيره

[mohamed hamdy]

فى حاجه غلط فى اللوجان.......... انا العربيه قلبت مني بعد ما اتخبطت من ورا و حاولت اوقفها ما استجابتش
وواحد صاحبي برضه دخل فى نقل من ورا لان العربيه زحفت منه بعد ما فرمل........... و ربنا يسترها على الجميع

[Sabr]

انا معي 2011 وعندي نفس المشكله

[El.Hossieny]

انا معايا لوجان 2010 ... و برضو مش عجباني الفرامل خالص و أدائها سئ جدا جدا جدا ... يا تري محدش يعرف حل للموضوع ده

[korkor]

انا الموضوع ده زاد قوى عندى اليومين موديل 2010 وشاكك فى الكاوتش وبافكر جديا اغيره وامرى لله

[ahmed_m_ashraf]

فى حاجه غلط فى اللوجان.......... انا العربيه قلبت مني بعد ما اتخبطت من ورا و حاولت اوقفها ما استجابتش
وواحد صاحبي برضه دخل فى نقل من ورا لان العربيه زحفت منه بعد ما فرمل........... و ربنا يسترها على الجميع

بالنسبة لموضوع الزحف - لو العربية بتزحف في خط مستقيم، مبتخمسش يعني)، فالمشكلة في الكاوتش مش الفرامل نفسها، وحتى لو المشكلة في الكاوتش مش شرط يكون نوعة سئ، ممكن يكون مستهلك وسعاتها هيديك نفس النتيجة "الزحف". بالنسبة للي كاوتشهم باروم فالكل أجمع إن النوع ده مش قد كده لكن الموديلات الأقم كانت بتنزل و ميشلان أضن.

ضيف على ده كله إن ممكن يكون نوع الكاوتش ممتاز ومش مستهلك والعربية تزحف برضة، مثال لو الأرض أسفلت عليها رمل أو تراب أو زيت!

كاوتش باروم في اللوجان الجديد مش قد كده ومأثر بنسبة على أداء الفرامل بس مش كارثي قوي لهذه الدرجة، الكارثة الأكبر هي - للأسف - طريقة سواتقنا!

[spider_007]

بالنسبة لموضوع الزحف - لو العربية بتزحف في خط مستقيم، مبتخمسش يعني)، فالمشكلة في الكاوتش مش الفرامل نفسها، وحتى لو المشكلة في الكاوتش مش شرط يكون نوعة سئ، ممكن يكون مستهلك وسعاتها هيديك نفس النتيجة "الزحف". بالنسبة للي كاوتشهم باروم فالكل أجمع إن النوع ده مش قد كده لكن الموديلات الأقم كانت بتنزل و ميشلان أضن.

ضيف على ده كله إن ممكن يكون نوع الكاوتش ممتاز ومش مستهلك والعربية تزحف برضة، مثال لو الأرض أسفلت عليها رمل أو تراب أو زيت!

كاوتش باروم في اللوجان الجديد مش قد كده ومأثر بنسبة على أداء الفرامل بس مش كارثي قوي لهذه الدرجة، الكارثة الأكبر هي - للأسف - طريقة سواتقنا!

ضيف علي كده انك لو كنت بتجري علي سرعه و فرملت مرة واحده لو مركب بريدجستون و الفرامل ميه ميه لازم العربيه غصب عنك هاتزحف لأنك فرملت بسرعه كده انتا بتجبر العربيه علي انها تقف في جزء من الثانيه و دا مستحيل يحصل فا بدل ما هتقف العجل مش هيلف بس هتكمل معاك زحف لأني قريت بوست من احد الاعضاء بيقول فراملها وحشه بعد 120 ماهو طبيعي مش ممكن تكون بتجري علي 120 و عاوز اما تدوس فرامل العربيه تقف مكانها
ضيف علي كده ضغط هوا العجل علي كام و انتا بتفرمل كل ما بيزيد كل ما تبقي مساحة المداس قليله و بالتالي الاحتكاك اللي بين العجل و الارض يكون قليل فا اما تكبس فرامل هتزحف ع نقطة الاتصال بين العجل و الارض

[ahmed_m_ashraf]

ضيف علي كده انك لو كنت بتجري علي سرعه و فرملت مرة واحده لو مركب بريدجستون و الفرامل ميه ميه لازم العربيه غصب عنك هاتزحف لأنك فرملت بسرعه كده انتا بتجبر العربيه علي انها تقف في جزء من الثانيه و دا مستحيل يحصل فا بدل ما هتقف العجل مش هيلف بس هتكمل معاك زحف لأني قريت بوست من احد الاعضاء بيقول فراملها وحشه بعد 120 ماهو طبيعي مش ممكن تكون بتجري علي 120 و عاوز اما تدوس فرامل العربيه تقف مكانها
ضيف علي كده ضغط هوا العجل علي كام و انتا بتفرمل كل ما بيزيد كل ما تبقي مساحة المداس قليله و بالتالي الاحتكاك اللي بين العجل و الارض يكون قليل فا اما تكبس فرامل هتزحف ع نقطة الاتصال بين العجل و الارض

طبعا كلامك مضبوط بس لما بيكون نوع الكاوتش نضيف معالج بحث يكون فعال عند الوقوف، تكون مسافة الزحف أقل.

الحاجة الوحيدة إلي تخلي العربية متزحفش هي الفرامل ال abs, والله أعلم.

[bishoy02010]

كل الكلام ده بسبب الكاوتش ومالوش علاقة بالعربية ... غيروا وهاتوا يا بريدج ستون سوبر سيلنت حى ار 90 او ميلشيلان وهتلاقوها بقت عربية تانية :-)