تغيير سير الكاتينة والدينامو

[Amrmagdy87]

معايا لوجان 2008 لسه شاريها ماشية 64000 كم واللي اشتريتها منها ماهملتش صيانة ال 60000 كم غيرت بس الزيت وفلتر الهوا. عاوز اغير سير الكاتينة والدينامو اغيرهم في التوكيل ولا ممكن اغيرهم برا؟ وياريت لو حد يعرف مكان برا التوكيل في الإسكندرية يقولي عليه؟
ولو هغيرهم في التوكيل هل اشتري السيور الأصلية من برا واغيرهم في التوكيل؟ أنا لقيت عند الوشاحي سير الكاتينة تمنه 150 جنيه وسير الدينامو 100 جنيه والبوجيهات تمنها 75 أو 100 أو 150 حسب صناعتها.

[ayman_kamal]

المركز الاوروبى لصيانه جميع سيارات رينو
ميامى ش بن النقيب متفرع من ش 45

[Amrmagdy87]

المركز الاوروبى لصيانه جميع سيارات رينو
ميامى ش بن النقيب متفرع من ش 45

حضرتك جربته شخصيا؟؟؟

[gebreel]

دي اهم صيانة في العربية بتاعة السيور دي ال60 و مضاعفاتها يفضل طبع تتعمل في التوكيل بس هتبقى غالية

الحل الثاني انك تجيب قطع الغيار من التوكيل و تغيرهم عند ميكانيكي انت واثق فيه و في صنعته علشان تغير سير الكاتينة لو متعملش صح يالعربية هتتبرجل يا لا در الله لو راكب غلط هتحتاج نص عمرة

[pharmacology]

انا برده بفضل انها تتعمل في التوكيل لان دي اهم صيانة هي بتكون في حدود 2000 ج وزي ما قالك الاستاذ جبريل لو ناوي تعملها بره التوكيل اشتري السيور كلها من التوكيل وركبها بره لكن منصحكش ابدا تجيب سيور من بره التوكيل حاجة المكنة دي بالزات بلاش تسترخص فيها .. فيه ميكانيكي في سيدي بشر كان شغال اصلا في التوكيل قبل كده وفتح ورشة اسمها الايمان .. انا شايفه حاطط الكارت بتاعه علي جروب اسمه renault logan egypt علي الفيس بوك ..

[lord777]

????????????????????????????????????????????

[gebreel]

انا برده بفضل انها تتعمل في التوكيل لان دي اهم صيانة هي بتكون في حدود 2000 ج وزي ما قالك الاستاذ جبريل لو ناوي تعملها بره التوكيل اشتري السيور كلها من التوكيل وركبها بره لكن منصحكش ابدا تجيب سيور من بره التوكيل حاجة المكنة دي بالزات بلاش تسترخص فيها .. فيه ميكانيكي في سيدي بشر كان شغال اصلا في التوكيل قبل كده وفتح ورشة اسمها الايمان .. انا شايفه حاطط الكارت بتاعه علي جروب اسمه renault logan egypt علي الفيس بوك ..

أأكد على كلامك في موقف حصل في العربية اللادا بتاعة والدي و هي اننا جبنا سير كاتينة من برة التوكيل و اتركب صح بس للاسف اتقطع وانا ماشي على الدائري على الشمال بعد 500 كيلو

[ayman_kamal]

حضرتك جربته شخصيا؟؟؟

انا شخصيا لا لأن عربيتي لسه في الضمان بس انا اعرف كذا واحد اتعامل معاه و بيشكروا فيه بس هو غالي صحيح مش زي التوكيل بس غالي بس ده بالنسبة للميجان ممكن اللوجان تكون المصنعية ارخص ... و لان انا ساكن في المنطقة فا تقريبا كل كام يون بعدي على ورشته كلها ميجان و كليو .. هو غالبية الناس تعرف ان اسمه ورشة الهواري ممكن تسأل عليه