مشكله في الدبرياج

[abo_pasem]

السلام عليكم ورحمة الله وبركاته
من يومين كده نزلت اركب العربيه وخير اللهم اجعله خير الفتيس مش راضي يعشق لا علي الأول ولا علي المارشدير مع إني فعصت الدبرياج علي الآخر ومفيش فايده خالص
رحت مبطل الموتور وعشقت ورجعت دورت تاني راحت العربيه طالعه مره واحده
بطلت العربيه وقعدت -اكارك- علي الدبرياج شويه ودورت وجيت أعشق لقيت الموضوع زي الفل
بس المشكله كل مره بأه علي وجع القلب ده

كده دي مشكله ماستر ولا مشكله دبرياج واطي وعايز يعلا؟
أفيدوني أفادكم الله

[gebreel]

هو احيانا بتعلق معايا وانا بجيب مرشدير ساعتها بسيب دبرياج و احط ثاني بتجيب معايا

[mahraan]

لو الدبرياج عايز يعلي كانت التروس عملت صوت عالي وانت بتدي الغيارات سواء وانت واقف او وانت ماشي بالعربيه ... كدا شكلها فيه مشكله ف الماستر حاول تكشف عليها علشان المشكله متكبرش

[the lawyer]

انا عندي مشكلة لمأ برجع من الثاني للأول بحس ان الغيار فيه حاجة غريبة زي عضة بس جامدة أوي رغم اني بدوس دبرياج للأخر

[abo_pasem]

مفاجئه النهارده في الدبرياج
كنت ف مشوار وسبت العربيه ولما رجعتلها وجاي أدوس عليه لقيته نزل مره واحده ومفيش كبس خالص
إتصلت بالميكانيكي حمدي بيرو -مدينه الحرفيين- قاللي تعالي واحده واحده كده وأبصلك عليها
بيقوللي كده وأنا المسافه بيني وبينه بعيده جدا
المهم عشقت الفتيس ع التاني ودورت ومشيت لحاااااد أما لقيت ميكانيكي
جه بص ع العربيه وقاللي دي كاوتشه ماستر بس معنديش دلوقت منها
وعامتن هاشغللك الدبرياج لغايه ماتوصل التوكيل

المشكله هنا إن القفيز إللي ماسك خرطوم الزيت إتكسر والزيت بيقع علي الارض مع كل دوسه لغايه ماخلص وأخد هوا عشان كده مبقاش بيكبس خالص
عطلتك انا معلش المهم قعد ياخد الهوا لغايه ما كبس معاه وإشتغل الدبرياج

والحمد لله علي كل حال

[gebreel]

بس الي اعرفه ان دبرياج اللوجان على واير مش على زيت الباكم ولا انا غلطان؟

[abo_pasem]

آسف جدا بس حضرتك غلطان لاني متأكد إنه زيت مش واير

[gebreel]

آسف جدا بس حضرتك غلطان لاني متأكد إنه زيت مش واير

خلاص يا سيدي الفاضل ايه المشكلة اني ابقى غلطان =)

شكرا للمعلومة يا فندم

[halem0000]

انتم متأكدين يا رجاله ان دبرياج اللوجان على زيت

[gebreel]

انتم متأكدين يا رجاله ان دبرياج اللوجان على زيت

انا اللي اعرفه انو على واير و ده موقع بيبيع الواير بتاع اللوجان

Dacia Logan, Sandero gasoline Clutch Cable 6001546867 - Daciashop.eu

[ahmedeg1]

زيت ايه اللى الدبرياج عليه امال سلك الدبرياج اللى بيتنضف من التراب فى التوكيل كل شويه
دبرياج اللوجان سلك مش زيت بس اكيد العضو يقصد زيت الفتيس

[ahmed_m_ashraf]

مش ممكن يكون اللوجان ال mcv نظام دبرياجها مختلف؟؟؟!!! ولا أكيد كله واحد؟

[abo_pasem]

مش ممكن يكون اللوجان ال mcv نظام دبرياجها مختلف؟؟؟!!! ولا أكيد كله واحد؟

الدبرياج علي زيت أنا متأكد من كده

[Ahmed A Rahman]

دبرياج اللوجان المغربي السيدان على واير وتقدر تشوف السلك بنفسك في موتور العربية خلف الردياتير

دا غير اني بنفسي بزيت السلك عن طريق بخ شحم سايل او wd40 داخل واير الدبرياج !!

[ahmed_m_ashraf]

لأ إحنا نروح القسم بقى .. آآآ قصدي نروح الإتحادية