محتار جدا جدا جدا افيدوني ارجوكم

[ASCOM]

السلام عليكم دي اول مشاركه ليا معاكم في المنتدى وطبعا دا شرف كبير ليا اني اكون وسطكم
بصراحه ناوي اشتري عربيه وبعد فحص وبحث كتير في انواع السايرات اللي سعرها تقريبا 70000 ملقتيتش غير اللوجان دا من ناحيه الاوبشن اللي فيها غير ان الفيرنا واللانوس مش داخلين دماغي ومش عاجبيني وبصراحه نفسيا مستقر على اللوجان بس خايف من ناحيه خدمه ما بعد البيع وهيا الصيانه لاني من محافظة قنا وملهاش توكيل عندنا اما اللانوس ليها توكيل بس مش عجباني افيدوني
وبعدين انا تقريبا كدا حكون جاهز على شهر 3 -3013 هل بكدا اكون اتاخرت في حجز العربيه واستنى بقى لما ينزل الموديل الجديد ولا اتوكل على الله فيها وبعدين اعمل ايه في صيانتها طالما ملهاش توكيل في قنا

[m_medo]

السلام عليكم دي اول مشاركه ليا معاكم في المنتدى وطبعا دا شرف كبير ليا اني اكون وسطكم
بصراحه ناوي اشتري عربيه وبعد فحص وبحث كتير في انواع السايرات اللي سعرها تقريبا 70000 ملقتيتش غير اللوجان دا من ناحيه الاوبشن اللي فيها غير ان الفيرنا واللانوس مش داخلين دماغي ومش عاجبيني وبصراحه نفسيا مستقر على اللوجان بس خايف من ناحيه خدمه ما بعد البيع وهيا الصيانه لاني من محافظة قنا وملهاش توكيل عندنا اما اللانوس ليها توكيل بس مش عجباني افيدوني
وبعدين انا تقريبا كدا حكون جاهز على شهر 3 -3013 هل بكدا اكون اتاخرت في حجز العربيه واستنى بقى لما ينزل الموديل الجديد ولا اتوكل على الله فيها وبعدين اعمل ايه في صيانتها طالما ملهاش توكيل في قنا

المقارنة مع اللانوس ظالمة للفرق الكبير بين السيارتين لصالح اللوجان
الفيرنا خلاص توقف انتاجها
انا رأيي توكل على الله واعمل استخارة ولو رسيت عليها احجز من دلوقتى عشان على ما تجهز انت تكون العربية وصلت

[mastermind]

اعمل سيرش في المنتدى عن مقارنات بين اللوجان والفيرنا واللانوس
لكن الخلاصة اللوجان احسن منهم بمراحل من حيث صالونها وكمالياتها وشكلها ومش معمولة تاكسي
الفيرنا او اللانوس احسن في اعادة البيع وسعر قطع الغيار وهات دي او دي لو عايز عربية سنتين وتبيع

[ASCOM]

شكرا

انا اتصلت بمعرض الاحمدي موتورز وقالي يحجزهالي ب 1000 جنيه مقدم حجز وصورة البطاقه ايه رايكم في المعرض دا

[ASCOM]

وايه اعمل في الصيانه

طب اعمل ايه في الصيانه يا جماعه وانا معنديش توكيل في الصعيد ليها عند عنده اي معلومه عن الموضوع دا

[mastermind]

لو عايز لوجان سيبك من الاحمدي
انا جربتهم كذا مرة ياخد رقمي ويقول هكلمك كمان ساعة
الموضوع ده حصل اربع مرات في شهرين معاهم
ما بالك بقى انتا هتحجز وتسيب فلوس عندهم

لو عايز تجيب من الاخر شوف بالترتيب : محمد زكي - السبع - الطارق - سمير ريان
وافضلهم على الاطلاق محمد زكي والسبع

[احمد ناصر]

توكل على الله ومبروك مقدما العربية زي الفل

[ASCOM]

شكرا جزيلا على الاهتمام
انا كلمت ادمن الوكيل على الفيس بوك قالي مفيش حاليا المانيوال فول ابشن ممكن الاقيها فين موجوده ولا لازم برضو احجزها في اي معرض

[mahraan]

طب اعمل ايه في الصيانه يا جماعه وانا معنديش توكيل في الصعيد ليها عند عنده اي معلومه عن الموضوع دا

فيه مركز صيانه غير معتمد ف سوهاج بس ممتاذ وفيه مركز صيانه معتمد ف اسيوط

وعموما اللوجان حاليا اي ميكانيكي كويس بيشتغل فيها عادي

[mahraan]

شكرا جزيلا على الاهتمام
انا كلمت ادمن الوكيل على الفيس بوك قالي مفيش حاليا المانيوال فول ابشن ممكن الاقيها فين موجوده ولا لازم برضو احجزها في اي معرض

بص علشان متغلطتش غلطتي احجز دلوقتي ف التوكيل بتاع رينو واستناها لغايه شهر 4 طالما انت كدا كدا مش جاهز دلوقتي لان لو اشتريتها من بره التوكيل بتدفع اوفر برايس علشان التسليم الفوري وطالما انت كدا كدا هتستني يبقي انت اولي بفرق السعر

[Porsche911TT]

مفيش أوفر برايس عند محمد زكي وأنا مستلم فوري ، ببساطة لأنه موزع معتمد

[mahraan]

مفيش أوفر برايس عند محمد زكي وأنا مستلم فوري ، ببساطة لأنه موزع معتمد

انت استلمت امتي يا باشا ؟ علشان انا من بدايه اواخر نوفمبر وانا باتصل بكل الوكلاء بما فيهم محمد زكي وكان المانيوال ب 75500 والاتوماتيك ب 83000 والكلام ده لغايه يوم التلات اللي فات 11/12/2012

[ASCOM]

اتصلت بالتوكيل قالي مفيش حجز دلوقتي ورجعت كلمت محمد زكي قالي الشحنه نازله اخر شهر 12 بس مفهاش فول اوبشن فيها هاف اوبشن وقالي سعر الهاف نفس سعلا الفول ودا الغريب بس خلاص استقريت ححجزها بكرة عند السبع بعد مدفع 3000 جنيه حجز السيارة وسعرها 72500 كاااش هل المفروض السعر دا ينزل لو كاش وينزلهولي بكاام

[ASCOM]

معلش هو في اي مصاريف تانيه بدفعها في الصاله غير تمن العربيه الكااش ؟؟؟ وايه الورق اللي بيطلبوة واستلمها منهم ازاي

[nouranwar]

بالتوفيق ان شاء الله
فعلا احسنت الاختيار :)