إعـــــــلان

Collapse

.

,
See more
See less

مشكلة بدراع النور و الإشارات في اللوجان

Collapse
X
 
  • Filter
  • الوقت
  • Show
Clear All
new posts

  • مشكلة بدراع النور و الإشارات في اللوجان

    السلام عليكم و رحمة الله و بركاته


    عندي مشكلة في دراع النور ، للأسف النور العالي و الرعاش مبيشتغلوش دلوقتي

    فجأة و انا ماشي بالعربية بالليل و عمال اقلب بين النور الواطي و العالي لقيت الدراع بيعلق و لمبة النور العالي بالتابلوه ( اللمبة الزرقا في لوحة العدادات) منوره و النور العالي شغال و الدراع مش عايز يرجع مكانه و في نفس الوقت شميت ريحة شياط و كأنه سلك بيتحرق
    المهم بعد محاولات مش كتير و بحرص الدراع رجع لمكانه و النور فصل بس الدراع مبقاش بيشغل النور العالي ت
    و لا الرعاش و حاليا بمشي بالنور الواطي

    طبعا واضح ان المشكلة في الدراع نفسه ( مشكلة ميكانيكية ) و بصراحة انا حاسس بيها من زمان و للأسف العربية برا الضمان حاليا

    سألت علي الدراع في التوكيل لقيته ب ١٢٠٠ جنيه تقريبا

    هل في امكانية لتصليح الدراع ؟؟

    و هل ممكن ألاقي الدراع بتاع اللوجان برا التوكيل و بسعر كويس ؟؟

    يا ريت اللي عنده معلومة او نصيحة يتكرم عليا بيها

    جزاكم الله خيرا
    [CENTER][SIZE=2]ياااااااااااااا رب [/SIZE][/CENTER]

  • #2
    انا بصراحه ماعرفش التفاصيل بالظبط بس اللي اعرفه ان الكهربائيه دلوقتي بيفكو الدراع ده عادي وبيصلحوه لان ليا واحد زميلي صلح الكلاكس قبل كدا بره التوكيل عند كهربائي
    ان شاء الله تكون حاجه بسيطه وتتحل بسهوله
    :2003126104835_wrc:
    [all1=#ff0000]AhmeD MahraaN[/all1]

    Comment


    • #3
      هوا غالبا كده هتلاقي الزرار بتاع العالي نفسه هوا اللي شاط عشان كده مابقاش بينور و غالبا هتلاقي الدراع دلوقتي معلق و مش بيطلع لفوق ولو حركته هيبقي بالعافيه ممكن تروح لكهربائي يفكلك الدراع و يشوفه عادي ان شاء الله ولو قالك تغير الدراع هتلاقيه بره ان شاء اله دا قطعة غيار

      Comment


      • #4
        مش مستحيل نلاقي حد يصلحة بس حتى لو منفعش، أنا متأكد إنك هتلاقي الدراع بره التوكيل عند بتوع قطع غيار رينو (شفته عند الوشاحى) بس للأسف مسألتش على سعره وكده كده أنا من إسكندرية. غير كده ممكن تلاقي عند بتوع الإستيراد لو تعرف واحد أو حد يقدر يدلك على واحد.

        إن شاء الله ليها حل، بس للأسف أنا معنديش معلومات كافية عن الموضوع ده.

        بس الأهم من ده كله، هو ليه حصل كده؟! حضرتك ركبت أي كماليات أو حد لعب في كهربة التابلوه أو العربية عامة؟

        Comment


        • #5
          الدراع بيتصلح عادي جدا بس عاوز كهربائي شاطر و بيفهم
          يجب تعديل حجم الصورة

          Comment


          • #6
            الدراع جديد فى صقر قريش ب 350 جنيه
            [gdwl][glow=#3f38a1][CENTER][LEFT]عاشت مصر حره مستقله[/LEFT][/CENTER][/glow][/gdwl]

            Comment


            • #7
              المشاركة الأصلية كتبت بواسطة mahraan مشاهدة المشاركة
              انا بصراحه ماعرفش التفاصيل بالظبط بس اللي اعرفه ان الكهربائيه دلوقتي بيفكو الدراع ده عادي وبيصلحوه لان ليا واحد زميلي صلح الكلاكس قبل كدا بره التوكيل عند كهربائي
              ان شاء الله تكون حاجه بسيطه وتتحل بسهوله
              شكرا لرد حضرتك
              للاسف انا رحت للكهربائي و شاف الدراع و زي ما توقعت المشكلة في المفتاح نفسه والصنايعي فضل انه ما يلعبش فيه احسن يقف خالص و بدل ما هو شغال اشارات يمين و شمال و نور صغير و نور واطي يطلمسها خالص و معرفش امشي بالعربية
              المشاركة الأصلية كتبت بواسطة spider_007 مشاهدة المشاركة
              هوا غالبا كده هتلاقي الزرار بتاع العالي نفسه هوا اللي شاط عشان كده مابقاش بينور و غالبا هتلاقي الدراع دلوقتي معلق و مش بيطلع لفوق ولو حركته هيبقي بالعافيه ممكن تروح لكهربائي يفكلك الدراع و يشوفه عادي ان شاء الله ولو قالك تغير الدراع هتلاقيه بره ان شاء اله دا قطعة غيار
              شكرا لرد حضرتك

              فعلا كلامك صح و الدراع نفسه معلق و مش بيتحرك لورا عشان يشغل النور العالي بس كل الحركات التانية شغاله
              الكهربائي قال انه افضل تغيير الدراع لانه سايح من جوا و لو اتفك ممكن يتفتفت مننا و يقف بالكامل وزي ما بنقول بالبلدي الطشاش و لا العمي
              انا هدور عليه برا التوكيل

              المشاركة الأصلية كتبت بواسطة ahmed_m_ashraf مشاهدة المشاركة
              مش مستحيل نلاقي حد يصلحة بس حتى لو منفعش، أنا متأكد إنك هتلاقي الدراع بره التوكيل عند بتوع قطع غيار رينو (شفته عند الوشاحى) بس للأسف مسألتش على سعره وكده كده أنا من إسكندرية. غير كده ممكن تلاقي عند بتوع الإستيراد لو تعرف واحد أو حد يقدر يدلك على واحد.

              إن شاء الله ليها حل، بس للأسف أنا معنديش معلومات كافية عن الموضوع ده.

              بس الأهم من ده كله، هو ليه حصل كده؟! حضرتك ركبت أي كماليات أو حد لعب في كهربة التابلوه أو العربية عامة؟
              شكرا لرد حضرتك و فعلا انا هدور برا في محلات قطع الغيار عليه و ربنا يكرم
              لا مفيش حد لعب في الكهربا و لا حاجة و انا مركبتش اي حاجة زيادة في العربية من يوم ما اشتريتها غير الانذار و اظن دا مالوش دخل نهائيا بدراع النور
              بس انا من بدري ملاحظ ان الدراع مش مظبوط في حركته ميكانيكيا و كان باقل لمسة يشغل العالي "الرعاش" يعني لو انا بعمل اشارة يمين او شمال و انا برفع او بنزل المفتاح يروح العالي شغال و يفصل
              كمان لاحظت الفترة الأخيرة ان لما اشغل و افصل النور العالي و انا ماشي بالليل لمبة الشبورة الخلفية في التابلوه تنور و بتطفي من كل تكة دراع النور بتاعة العالي زي ما يكون فيه تلامس يسن ريش المفتاح من جوا

              المشاركة الأصلية كتبت بواسطة gebreel مشاهدة المشاركة
              الدراع بيتصلح عادي جدا بس عاوز كهربائي شاطر و بيفهم
              المشاركة الأصلية كتبت بواسطة mohamed1979 مشاهدة المشاركة
              الدراع جديد فى صقر قريش ب 350 جنيه
              شكرا لحضرتك فعلا انا اعرف ان الدراع ممكن بيتصلح بس اما تكون المشكلة في ريشة داخل المفتاح ممكن الكهربائي يفك المفتاح و يشوف الريشة و ممكن يصلحها و يشتغل المفتاح من تاني

              لكن الوضع عندي يختلف ان المشكلة في دراع النور نفسه تقريبا حصل انصهار لجزء بلاستيك داخل المفتاح و المفتاح مبيتحركش لورا خالص و بالتالي مش هينور العالي
              كان ممكن نفك و نشوف بس قررنا اننا نسيبه زي ما هو مسلك بالوضع دا و اهو مشغل الاشارات يمين و شمال و دي اهم حاجة عندي و النور الصغير بتاه التابلوه و النور الواطي ممكن امشي بيه بالليل بس في طرق داخلية مش سفر علي طرق صحراوي و ربنا يفرجها من عنده

              للاسف احنا في الصعيد صعب نلاقي محلا قطع غيار للرينو برا التوكيل و بنضطر نبعت عليها من القاهرة و تتشحن بالبريد او بشركات شحن محلية و بنودع الفلوس في حساب التاجر بالبريد

              انا فعلا اتصلت بواحد اسمة جمال تقريبا شغال في شركة اسمها المهندس بتاعة قطع غيار رينو و قاللي ان الدراع دا كان موجود و خلص و هييجي بعد شهر و تمنه كان في حدود 250 جنيه اصلي !!!! سألته ايه مركته و لا بلد المنشأ قاللي اصلي يا بيه !!

              حد عنده فكره عن الانواع اللي في السوق روماني و لا تركي و لا تايواني و لا صيني و لا ايه ايه افضل حاجة فيهم و من فين و يا ريت لو تليفون للمكان بس يكون ثقة و متجرب


              شكرا جزيلا لكل من رد
              [CENTER][SIZE=2]ياااااااااااااا رب [/SIZE][/CENTER]

              Comment


              • #8
                الف سلامة على العربية و فداك.....

                أنا بس ليا رأي.........انك تحاول مع التوكيل لأن دراع سايح دي مش حاجة من سوء إستخدام.

                حاول أنهم يغيروه على حسابهم او على الأقل تدفع نص و هما نص......هما عندهم حاجة أسمها سمعة حسنة لو العربية برة الضمان و حاجة مش أستهلاكية و مش المفترض أنها تبوظ ممكن يغيروها و خصوصاً لو أنت صياناتك مع التوكيل أو مركز خدمة معتمد.

                و طبعاً متجبش سيرة أنك فكيته بره..........و الأفضل أنك تبعت أيميل لفرنسا من قبل ما تروح علشان تخلى الدنيا أسهل شوية.

                حاول لو هتعمل كده توضح كويس فى الأيميل أن الدراع مش شغال و سليم مش مكسور و أنها مش سوء إستخدام.

                بالتوفيق إن شاء الله.
                [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                [/CENTER]

                Comment


                • #9
                  المشكلة ان العربية برا الضمان من شعر 6/2012
                  ما اظنش ان التوكيل هيغير المفتاح دلوقتي
                  و بصراحة مركز الخدمة المعتمد عندنا انا بطلت اروح له من فيترة بسبب سوء مستوي الخدمة فيه و مشاكل كتير بلاش اتكلم فيها و المفروض رينو مصر تعيد النظر في اختيار مراكزها المعتمدة برا القاهرة و تراقب ادائها كويس و خصوصا قطع الغيار و حط تحت قطع الغيار مليون خط

                  انا هشتريه من برا و ايح دماغي من صداع انا متوقعه

                  متشكر جدا لنصيحتك

                  تحياتي
                  [CENTER][SIZE=2]ياااااااااااااا رب [/SIZE][/CENTER]

                  Comment


                  • #10
                    المشاركة الأصلية كتبت بواسطة mohamed1979 مشاهدة المشاركة
                    الدراع جديد فى صقر قريش ب 350 جنيه
                    فين عنوان الي أقدر ألاقي عنده حاجة زي كده في صفر قريش

                    Location On WikiMapia
                    [LEFT][B][COLOR=#0000ff]Sh.. Shady<[/COLOR][/B][/LEFT]

                    Comment

                    Working...
                    X