ايه ارائكم في لوجان ٢٠١٠

[Ahmedouf]

السلام عليكم و رحمة الله و بركاته، كيف احوال الاعضاء المحترمين يا رب بخير دايما

انا انشاء الله ناوي اشتري لوجان ٢٠١٠ من واحد معرفه و كنت عايز اعرف من اصحاب الخبره النصايح و الاراء بتعتهم عن العربيه ديه و اخبار قطع الغيار ايه؟ و هل هناك عيوب صناعه او مشاكل في الكهرباء؟
دو شكراا مقدما

[mahraan]

اتوكل علي الله وهاتها ومش هتندم ابدا بس اهم حاجه حاله العربيه وافحصها كويس جدا جدا

قطع غيارها بقت متوفره عن الاول بكتير الحمد لله والعربيه بدون مشاكل مسجله وليس بها عيوب الا بوابه الانجكشن لما بتوصل 60 الف كيلو وده مش ف كل العربيات .. والف مبروك مقدما

[mohamed1979]

العربيه معايا من اكتر من 3 سنوات و عامل بيها 75000 الف و الحمد لله مفيش مشكله فى العربيه
بالنسبه للبوابه غيرتها فى الضمان و بعد الضمان ما خلص باظت تانى و حليت المشكله بأنى غيرت الحساس فقط ب 200 جنيه و شغال معايا زى الفل
فى سخونه بتيجى من عند دواسه البنزين و دى حلها بأضافه عازل فى المنطقه دى

غير كده العربيه اداءو ثبات و استهلاك بنزين محترمه اوى و حتنبسط من العربيه ان شاء الله

[Ahmedouf]

١٠٠٠٠ شكر ل استاذ محمد و استاذ مهران على المشاركه الجميله دي بس انا نفسي اعرف اكشف على العربيه المستعمله ازاي لاني سمعت من واحد ان الجهاز البيتوصل بالكنترولر بتاع العربيه اي كلام و مش بيطلع اي خطاء و انا ماليش في العربيات اوي و شكرا مرة ثانيه :)

[mahraan]

١٠٠٠٠ شكر ل استاذ محمد و استاذ مهران على المشاركه الجميله دي بس انا نفسي اعرف اكشف على العربيه المستعمله ازاي لاني سمعت من واحد ان الجهاز البيتوصل بالكنترولر بتاع العربيه اي كلام و مش بيطلع اي خطاء و انا ماليش في العربيات اوي و شكرا مرة ثانيه :)

لا شكر علي واجب اول حاجه لازم تحطها ف بالك ان اي عربيه ف الدنيا طالما مستعمله لازم يكون فيها عيب وحاجه يا اما بايظه يا اما علي وش بوظان فيه حاجات بسيطه وتتغاضي عنها بس تنزل من تمن العربيه بسببها زي فرده كاوتش ممسوحه او قزاز باب عايز يتغير او بطاريه بايظه او كوبلن او مساعد الحاجات البسيطه دي ساهله وتتصلح بكل سهوله لكن العيوب الكبيره زي مشكله ف شاسيه العربيه او خبطه ف الحوض او الشنطه او القوايم دي تبعد عنها نهائي وتشيل العربيه من دماغك

فيه طريقتين للكشف علي العربيه وياريت تعملهم هما الاتنين . اول طريقه هيا التقليديه بان واحد بيفهم كويس ف العربيات ويكون ثقه يفرزهالك حته حته ويقولك علي عيوبها ولازم ترفعها ف بنزينه علشان تشوفها من تحت كويسه ولا فيها حاجه وتاني طريقه بالجهاز .. وف كل الاحوال خد وقتك ف التفكير ومتستعجلش وربنا يوفقك ف عربيه تكون خير عليك ويكفيك شرها يا رب

[mahraan]

العربيه معايا من اكتر من 3 سنوات و عامل بيها 75000 الف و الحمد لله مفيش مشكله فى العربيه
بالنسبه للبوابه غيرتها فى الضمان و بعد الضمان ما خلص باظت تانى و حليت المشكله بأنى غيرت الحساس فقط ب 200 جنيه و شغال معايا زى الفل
فى سخونه بتيجى من عند دواسه البنزين و دى حلها بأضافه عازل فى المنطقه دى

غير كده العربيه اداءو ثبات و استهلاك بنزين محترمه اوى و حتنبسط من العربيه ان شاء الله

لو جت علي الحساس ب 200 جنيه تبقي ساهله انا وصلت ال 40000 كيلو ومقلق من قصه البوابه دي لانها غاليه جدا وربنا يستر

[Ahmedouf]

ربنا يخليك يا استاذ مهران و انشاء الله ربنا يتمم البيعه على خير انشاء الله

[Dr.Karim Emam]

احسن و اضمن مكان تكشف فيه علي العربيه هو التوكيل
هو طبعا اغلي بس هيطلع كل صغيره و كبيره في العربيه

و مبروك مقدما

[Ahmedouf]

الف شكر د.كريم و الله يبارك فيك، حضرتك تقدر تقلي اقرب توكيل اكشف فيه في مدينة نصر فين؟

[Dr.Karim Emam]

الف شكر د.كريم و الله يبارك فيك، حضرتك تقدر تقلي اقرب توكيل اكشف فيه في مدينة نصر فين؟

دي اماكن الفروع و مراكز الصيانه المعتمده





و فيه فرع فتح جديد في القطامية

[Ahmedouf]

الف شكر د.كريم, الحمد لله شوفت العربيه النهارده و انشاء الله نخلص البيعه على الحد او الاثنين
بس كنت عايز اعرف التسجيل هيكلف كام؟ لو حد يعرف يساعدني في الموضوع ده

[mahraan]

الف شكر د.كريم, الحمد لله شوفت العربيه النهارده و إن شاء الله نخلص البيعه على الحد او الاثنين
بس كنت عايز اعرف التسجيل هيكلف كام؟ لو حد يعرف يساعدني في الموضوع ده

انا لسه مسجل يوم الاتنين اللي فات ب 1550 جنيه

[Ahmedouf]

الف مبروك يا استاذ مهران و ربنا يرزقك خيرها و يحفظك من شرها ..... بس كتيير اوي المبلغ ده :(
طيب ممكن لو مفهاش رخامه تقلي ايه الاجرائات بالضبط من البايع و ايه المطلوب من حضرتك ؟؟ و شكرا مقدما :)

[mohamed1979]

البائع بيجيب شهاده مخالفات جديده للعربيه و تروح الشهر العقارى تسجل العربيه و بعقد البيع المسجل و شهاده المخالفات تطلع على المرور التابع ليك و ترخصها بأسمك
اتأكد ان بيانات العربيه سليمه فى عقد البيع المسجل و طابقها برخصه العربيه

و الف مبروك على لوجى

[mahraan]

الف مبروك يا استاذ مهران و ربنا يرزقك خيرها و يحفظك من شرها ..... بس كتيير اوي المبلغ ده :(
طيب ممكن لو مفهاش رخامه تقلي ايه الاجرائات بالضبط من البايع و ايه المطلوب من حضرتك ؟؟ و شكرا مقدما :)

الله يبارك ف حضرتك وعقبالك يا رب يتمملك البيعه علي خير ويكفيك شرها .. فعلا المبلغ كتير جدا وبجد انا كنت باتقطع وانا بادفعه لان مافيش منه اي استفاده غير ضمان الحق لكن القوانين كدا منهم لله
لما تروح الشهر العقاري انت والبايع بتعملو عقد بيع منه ليك وفيه كل بيانات العربيه وكل بيانات التوكيلات لو هوا معاه توكيل وبتورد تمن التوثيق اللي هوا 1550 وبتختم عقد البيع المسجل وبتمضي وخلاص كدا ده ف الشهر العقاري

بعد كدا بتاخد من البايع شهاده مخالفات حديثه مايزيدش تاريخ صدورها عن اسبوع من تاريخ ما هتروح المرور وبتاخد العربيه وعقد التسجيل ورخصه العربيه وتعمل مطابقه بصمه ف المرور وبعد كدا هياخدو منك اللوحات القديمه ويدولك لوحات جديده ورخصه جديده باسمك ونقولك الف مليون مبروك العربيه .

اهم حاجه يا استاذ احمد تقرا بيانات العربيه اللي ف الرخصه واللي علي لوحه العربيه واللي ف عقد البيع وشهاده المخالفات وتطابقها ببعض كويس جدا وخد وقتك علي الاخر اتاكد من اسم الرخصه والبايع والتوكيلات لو فيه واتاكد من ان ارقام الشاسيه والموتور مكتوبه صح ف كل الورق واللي محفور علي العربيه بالتوفيق ان شاء الله