ساعدونى برأيكم قبل ما اتجنن

[m_medo]

السلام عليكم
انا حاجز لوجان اوتو من شهرين و فاضل شهر على الاستلام... انا اخترت اللوجان بعد ما شفت الساجا والفيرنا والافيو واللانوس وبصراحة لقيت ان اللوجان احسنهم... بس النهاردة نزلت شفت الامجراند بتاعت غبور واتوهمت بصراحة... جنوط وفرامل اى بى اس و صالون جلد وعربية فخمة وسنسور بارك وحاجات كتير تانية.... عند سمير ريان بعد الاوفو برايس عاملة 79000 ... انا دماغى هتفرقع اعمل ايه؟ انا لو كنت استلمت مكنتش فكرت ولا ندمت.. لكن بما انى ماستلمتش فدماغى صدعت من التفكير... هتقولولى اللوجان اوتو و دى مانيوال هقولكوا مانا خايف قوى من اعطال الاوتو ومرعوب... انا هدفع كل اللى معايا كله ولو حصل حاجة مش هسامح نفسى... ارجو المشاركة بدون التحيز للسيارة اللوجان وارجو الحيادية كما تعودتها منكم

[Khaled Online]

باشا اللوجان متجربة بقالها فوق الثلاث سنين دلوقتي وكفاءة
الام جراند دورت أونلاين ولقيت اللي بيتكلم عنها بإعجاب وإنها العربية الصيني الوحيدة اللي واخدة تقييم 4 نجوم من معايير السلامة والجودة الأوروبية وفي نفس الصفحة تلاقي اللي بيشتم فيها ويقول طلعت ولا نزلت دي توكيلها الكل بيشتكي منه
ورأيي الشخصي ده كله كلام لأن هي لسة مانزلتشي أصلا ومحدش جربها
لو هتلغى حجز اللوجان وتحجز الإمجراند يبقى كأنك بتشتري سمك في مياه. الله أعلم هيبقى كويس ولا لأ

[wsamir]

اللوجان الاتو بقالها معايا 6 شهور بدون اى شكوى و الحمد لله

[m_medo]

اللوجان الاتو بقالها معايا 6 شهور بدون اى شكوى و الحمد لله

ربنا يباركلك فيها

[islamaaa]

زي ما الاخوه قالوللك اللوجان موجوده من 2009 ومتجربه ف الاوتو ف العربيات الmcv وتوكيلها محترم بالنسبه لباقي التوكيلات و انا عن نفسي اشتريت 2010مانيوال وقعدت معابا سنتين ونص والحمد لله كانت زي الفل وبعتها وجبت الاوتو من 3 اشهر والحمد لله برضه زي الفل لغايه دلوقت
الايميجراند شكلها اشيك وكماليتها اعلي شويه وضمانها 5 سنين مش 3 زي اللوجان بس المشكله انك ها تبقي بتغامر لان محدش جربها ده غير ان الناس بتشتم ف توكيلها وحاجه كمان سعر اعاده البيع هايكون ضايع عشان العربيه لسه جديده
انا رأيي خليلك ف اللوجان الاوتو انت بتقول انك هاتدفع كل اللي معاك العربيه ف اكيد مش محتاج انك تغامر مع الايميجراند وغبور
واخيرا ربنا يوفقك ويكرمك بالخير سواء كانت دي او دي ان شاء الله

[m_medo]

زي ما الاخوه قالوللك اللوجان موجوده من 2009 ومتجربه ف الاوتو ف العربيات الmcv وتوكيلها محترم بالنسبه لباقي التوكيلات و انا عن نفسي اشتريت 2010مانيوال وقعدت معابا سنتين ونص والحمد لله كانت زي الفل وبعتها وجبت الاوتو من 3 اشهر والحمد لله برضه زي الفل لغايه دلوقت
الايميجراند شكلها اشيك وكماليتها اعلي شويه وضمانها 5 سنين مش 3 زي اللوجان بس المشكله انك ها تبقي بتغامر لان محدش جربها ده غير ان الناس بتشتم ف توكيلها وحاجه كمان سعر اعاده البيع هايكون ضايع عشان العربيه لسه جديده
انا رأيي خليلك ف اللوجان الاوتو انت بتقول انك هاتدفع كل اللي معاك العربيه ف اكيد مش محتاج انك تغامر مع الايميجراند وغبور
واخيرا ربنا يوفقك ويكرمك بالخير سواء كانت دي او دي ان شاء الله

اشكرك على الاهتمام

[gebreel]

الوحوش قالو كل اللي كنت ناوي اقوله

[m_medo]

الوحوش قالو كل اللي كنت ناوي اقوله

يا عم جبريل والله ده رأيي انا كمان
بس انت عارف يا باشا... طول مانا حاجز ولسة ماستلمتش بابقى عامل زى الشاب اللى خاطب بيقعد يقارن خطيبته بالبنات التانية لكن أول ما يتزوج بيقعد يدافع عن زوجته حتى لو هي ضايعة...
جوزونى وحاسبونى لو بصيت لواحدة تانية يا جماعة

[gebreel]

يا عم جبريل والله ده رأيي انا كمان
بس انت عارف يا باشا... طول مانا حاجز ولسة ماستلمتش بابقى عامل زى الشاب اللى خاطب بيقعد يقارن خطيبته بالبنات التانية لكن أول ما يتزوج بيقعد يدافع عن زوجته حتى لو هي ضايعة...
جوزونى وحاسبونى لو بصيت لواحدة تانية يا جماعة

ههههههههههههههههههههههههه معلش يا باشا هي بتدلع عليك علشان تشوف غلاوتها عندك

[m_medo]

باشا اللوجان متجربة بقالها فوق الثلاث سنين دلوقتي وكفاءة
الام جراند دورت أونلاين ولقيت اللي بيتكلم عنها بإعجاب وإنها العربية الصيني الوحيدة اللي واخدة تقييم 4 نجوم من معايير السلامة والجودة الأوروبية وفي نفس الصفحة تلاقي اللي بيشتم فيها ويقول طلعت ولا نزلت دي توكيلها الكل بيشتكي منه
ورأيي الشخصي ده كله كلام لأن هي لسة مانزلتشي أصلا ومحدش جربها
لو هتلغى حجز اللوجان وتحجز الإمجراند يبقى كأنك بتشتري سمك في مياه. الله أعلم هيبقى كويس ولا لأ

هاهاها
انا اسف والله يا باشا والله على عدم الرد عليك.... بس كلامك مقنع و مكنش عندى استفسار بشأنه ... اسف اسف اسف

[Khaled Online]

هاهاها
انا اسف والله يا باشا والله على عدم الرد عليك.... بس كلامك مقنع و مكنش عندى استفسار بشأنه ... اسف اسف اسف

عارف أنا سامع إيه في الخلفية؟ سينا رجعت كاملة لينا ومصر اليوم في عييييييييييد ههههههه
إن شاء الله تستلم على خير وربنا يفرحك بيها :)

[m_medo]

عارف أنا سامع إيه في الخلفية؟ سينا رجعت كاملة لينا ومصر اليوم في عييييييييييد ههههههه
إن شاء الله تستلم على خير وربنا يفرحك بيها :)

اللهم امين

[adel_edrees]

بس ياباشا أنا عندى لوجان مانيوال فول أوبشن 2012 و لسه واحد صاحبى جايب امجراند و لسه شايفها النهارده بصراحة ربنا ما عجبتنيش برده صينى فيعربها حاجة صينى فى التقفيل من جوه الامجراند بتتصنع فى العراق و كان في شكاوى من أنها بتسخن أوى لم التكييف بيشتغل فلما غيروا المراوح راحت المشكلة نسبيا و علشان كده لما العربية دى جت مصر وروحت شفتها فى صالة العرض اللى فى أحمد عرابى و تقريبا الموتور من تحت كان مفتوح من غير أى حاجة مغطية الموتور من تخت و ده اللى شككنى أكتر أن مشكلة السخونة لسه قائمة العربية من جوه العدادات مش زى اللوجان اللوجان أفخم بكتير التابلوهمش ظريف السيارة وزنها 1280 كيلو عربية تقيلة الموتور موتور الياريس ال 1500 كاوتش عريض جدا 205 /15/60 أو 65 مش فاكر بالظبط مشكلة الصينى تظل واحدة أن خط الأنتاج مش بيطلع كله زى بعضه بمعنى أخر مش معايير أنتاج واحدة لكل الأنتاج مرة تلاقى عربية فيها مشاكل ومرة عربية ما فيهاش مشاكل زى ما حصل فى الأسبيرانزا بتاعة أبو الفتوح
ملحوظة العربية byd f3 من أحسن العربيات الصينى اللى نزلت مصر و العربية دى ظلموها لما نزلت تاكسى و أنا أسف على الأطالة

[m_medo]

بس ياباشا أنا عندى لوجان مانيوال فول أوبشن 2012 و لسه واحد صاحبى جايب امجراند و لسه شايفها النهارده بصراحة ربنا ما عجبتنيش برده صينى فيعربها حاجة صينى فى التقفيل من جوه الامجراند بتتصنع فى العراق و كان في شكاوى من أنها بتسخن أوى لم التكييف بيشتغل فلما غيروا المراوح راحت المشكلة نسبيا و علشان كده لما العربية دى جت مصر وروحت شفتها فى صالة العرض اللى فى أحمد عرابى و تقريبا الموتور من تحت كان مفتوح من غير أى حاجة مغطية الموتور من تخت و ده اللى شككنى أكتر أن مشكلة السخونة لسه قائمة العربية من جوه العدادات مش زى اللوجان اللوجان أفخم بكتير التابلوهمش ظريف السيارة وزنها 1280 كيلو عربية تقيلة الموتور موتور الياريس ال 1500 كاوتش عريض جدا 205 /15/60 أو 65 مش فاكر بالظبط مشكلة الصينى تظل واحدة أن خط الأنتاج مش بيطلع كله زى بعضه بمعنى أخر مش معايير أنتاج واحدة لكل الأنتاج مرة تلاقى عربية فيها مشاكل ومرة عربية ما فيهاش مشاكل زى ما حصل فى الأسبيرانزا بتاعة أبو الفتوح
ملحوظة العربية byd f3 من أحسن العربيات الصينى اللى نزلت مصر و العربية دى ظلموها لما نزلت تاكسى و أنا أسف على الأطالة

اشكرك يا باشا....... انا فعلا شلت الموضوع من دماغى ومستنى لوجى بقة

[A_Abdelbary]

ادخل علي يوتيوب وشوف فيديوهات عدم ثبات ايمجراند في الملفات عشان تشوف بعينك