وقت الاستلام إيه الإجراءات؟

[Khaled Online]

وقت الاستلام أبقى محضر إيه معايا؟
وأشيك على إيه في العربية قبل ما أمضي إني خدتها؟
وأفصلها أو أشتريلها غطا ووتر بروف من دلوقتي أحسن ومنين؟
أسئلتي قليلة أنا عارف :))

[nouranwar]

تستلم علي خير ان شاء الله
و مبروك مقدما
عامة انا لما جيت استلم اتأكدت من الاستبن و الطاسات و الكوريك و القاطرة اللي في الشنطة برضه و جربت الزجاج الكهرباء و لمبة التابلوه و مضيت و انطلقت علي الترخيص
متقلقش انا كنت واثق في المعرض اللي اشتريت منه بصراحة (الطارق)

[Khaled Online]

تستلم علي خير ان شاء الله
و مبروك مقدما
عامة انا لما جيت استلم اتأكدت من الاستبن و الطاسات و الكوريك و القاطرة اللي في الشنطة برضه و جربت الزجاج الكهرباء و لمبة التابلوه و مضيت و انطلقت علي الترخيص
متقلقش انا كنت واثق في المعرض اللي اشتريت منه بصراحة (الطارق)

آمين وألف شكر :) أنا في الغالب هقولو يسيبني بالعربية وأعمل كل ده + المساحات والتكييف! يعني إيه أتأكد من الطاسات؟

وقت الاستلام أبقى محضر إيه معايا؟
وأشيك على إيه في العربية قبل ما أمضي إني خدتها؟
وأفصلها أو أشتريلها غطا ووتر بروف من دلوقتي أحسن ومنين؟
أسئلتي قليلة أنا عارف :))

أفيدوني يا رجالة أفادكم الله

[علاء سليمان]

بعد الإستلام إن شاء الرحمن:

١- فول بنزين ٩٢ من أقرب بنزية نظيفة على طول، العربية بيبقى فيها بنزين يادوب.

٢ - ظبط ضغط الإطارات (العربية مكتوب عليها ٢٩ أمامي و ٣٢ خلفي والتوكيل بيقول العكس أفضل لأجواء وطرق مصر وأنا عامل الأربعة ٣٠، إختار إللي يريحك). ويفضل تملاهم نيتروجين عند بريدجيستون.

٢- جيب طقم دواسات للأرضية، حسب ذوقك ومزانيتك، بس يفضل النوعية مرتفعة الحواف قليلا (بيسموها حوض) بس متكنش عالية قوي ودي من أول ٥٠ جنيه للطقم لحد ١٥٠.

٣- لو هتركن في الشارع، هات غطاء قماش أو ووتر بروف براحتك، بس لو سرقة الغطاء وارده في المكان إللي بتركن فيه متجيبش حاجة أغلى من ٧٠ أو ٨٠ جنيه بالكتير.

٤- حاول تجيب إيريال بدل الأصلي، وفك الأصلي وركب التاني مكانه عشان الأصلي ميتسرقش وكمان طويل قوييييي. بيتباع عند بتوع الكماليات بحوال ١٥ جنيه وبيأدي نفس الغرض.

٥- لوحابب ممكن تجيب شماسة فضي إللي بتتطبق للزجاج الأمامي مفيده جدا لما تكون راكن في شمس، أنا ساعات بحطها حتى وأنا مغطي العربية، وممكن تجيب ستاير كبس للزجاج الخلفي والأبواب الخلفية، بس الستاير الكبس دي حسب رغبتك وخلي بالك وإنت بتركب بتاعت الزجاج الخلفي عشان متبوظش أماكن توصيل الحراري بتاع الزجاج.

٦- لو حابب هات إفزان للطاسات عشان متوقعش أو تقلل فرصة السرقة، أنا عن نفسي مبحبهاش بس يمكن أحطها عشان بقيت أركن في الشارع.

٧- هات معطر حسب ذوقك. فيه جليد الجيل الملون المربع (حوالي ١٥ جنيه، الأزرق جميل) وفيه فواحة أريون (حوالي ٢٥ جنيه، بس بتقعد مده يمكن سنه ولا أكتر).

٨- فصل فرش للكراسي أو إشتري حاجة جاهزة حسب ميزانيتك، الخامة حسب ذوقك (عن نفسي فصلت فرش جلد إتكلف ٧٥٠ شامل فرشة جلد للشنطة).

٩- فيه أدوات مفيده بس دي طبعا مش ضروري تجيبها أو ممكن تجيبها واحده واحده، زي كشاف صغير يشتغل على ولاعة العربية، مكنسة كهرباء للعربية ... إلخ

ده إللي أنا فاكره دلوقت، طبعا مش لازم تجيب كل ده مره واحده وممكن تلغي أي حاجة إنت شايفها مش مهمه (مثلا في ناس مبتحبش كل شوية تحط الغطاء وتشيل الغطاء) بس أنا مرتبلك الأهم فالمهم، يعني ممكن مثلا تأجل الفرش شوية وتسيب أكياس الفبريكة شوية، بس لازم تجيب الدواسات من أول يوم وإلا الموكيت هيتبهدل. وطبعا فيه حاجات إنت هتكتشف إحتياجك ليها مع الوقت. ،مبروك مقدما.

[Khaled Online]

ألف شكر :) الترخيص للجديد بيخلص ازاي وإيه ورقه؟ فيه فروع بتطلع مندوب يخلص الورق ويديني الرخصة عالجاهز وفيه يخليني أخلصها بنفسي. أقوله عالأولانية إزاي وأنا هبقى أراضيه بشياكة بدون حرج؟

[Khaled Online]

ألف شكر :) الترخيص للجديد بيخلص ازاي وإيه ورقه؟ فيه فروع بتطلع مندوب يخلص الورق ويديني الرخصة عالجاهز وفيه يخليني أخلصها بنفسي. أقوله عالأولانية إزاي وأنا هبقى أراضيه بشياكة بدون حرج؟

سبحان الله! أسئلتي صعبة يا رجالة؟

[Khaled Online]

الله يبارك فيك وعقبالك انا اولا حاجز ف التوكيل فرع المقطم انا مندوب المبيعات كلمنى من اليوم الخميس وقالى تعالا على يوم الاحد او الاتينن بالكتير عشان العربيه سعرها هيغلى من اول يوم التلات اللى هوه 1-1-2013 فتوكلت على الله ورحت النهارده الحمد لله اول حاجه طبعا دفعت بقيه فلوس العربيه فى الخزينه وبعد كدا العربيه كانت جت من المخزن المندوب عملى بير للموبيل مع البلوتوث اللى ف الكاسيت وبعد كدا الفنى قعد معايا ورانى الكتالوجات والعربيه من جوه ومن بره ورقم الماتور والشاسيه والكبوت والشنطه الحاجات اللى فيها وبعد كدا اخدت ورقه المبايعه من الشركه ليا والافراج الجمركى وبعد كدا اخدت عريبتى وتوكلت على الله وربنا يباركلى فيها ويرزقنى فيها بكل خير ويبعد عنى شرها اللهم امين وكل سنه وانتم طيبين

رد لزميل على سؤالي بس في موضوع تاني فاقتبسته هنا للإفادة :)

[nouranwar]

اتأكدت ان الطاسات موجودة في الشنطة
و متقلقش حضرتك الموضوع بسييط و مش محتاج انت بتطمن علي حاجتك مش اكتر :)

[Khaled Online]

اتأكدت ان الطاسات موجودة في الشنطة
و متقلقش حضرتك الموضوع بسييط و مش محتاج انت بتطمن علي حاجتك مش اكتر :)

الله يكرمك :) هما الطاسات مبيبقوش مركبنها ليه؟ وبيبقوا 4 ولا 5 عشان الاستبن؟ أنا متفائل إن شاء الله

[Khaled Online]

...

[Dr.Karim Emam]

هناك بعض النقاط عند استلام السيارة يجب على كل مشترى جديد مراعاتها والتركيز عليها
وقد حرصنا على تجميعها وتقديمها اليكم للمساعدة فى استلام السيارة بدون اى مشاكل او عيوب ظاهرية او جوهرية

1- حاول تستلم العربية بالنهار افضل من الليل عشان تبص على صاج العربية وتطمن انه خالى من اى خرابيش او خبطات

2- انزع عند الاستلام الورق الملزوق على صاج السيارة سواء اللى على الكابوت او على السقف , وذلك للتاكد من بوية السيارة سليمة ولالا , لان الورق ده ممكن يكون مدارى تحت منه فرق لون لا قدر الله

3- شيك على الزجاج الكهرباء كله , وتاكد من فتحه وقفله , و تشوف هل فى صوت تزيق او اى مشكلة فى الزجاج لقدر الله

4- جرب الكاسيت وشوفه شغال ولالا , ومتنساش تسال هل بيجى معاه وصلة يو اس بى مثلا وليه ريموت ولالا بردوا , وياريت تكون واخد معاك اسطوانتين من نوعين مختلفين عشان تجرب الاتنين زي سوني وال جي مثلا, عشان محدش يتلكك ويقولك الاسطوانات نوعها وحش , وكمان خلى معاك فلاشة فيها قران مثلا اذا كان ينفع توصلها عليه

5- اسال على الضمان بتاع السيارة وضمان الكاسيت والكتالوج بتاع العربية

6- شيك على الروافع مثل : الولاعة بتاعت العربية وطفاية السجاير وعلى الاريال

7- شيك وبص على المياة بتاعت السيارة من ميه مساحات والقربة والردياتير والبطارية عشان بس لو فى حاجة نقصة مش تمشى على عماك وتزودها فى اقرب مكان

8- اتاكد من وجود الاستبن (الكاوتش الاحتياطى )

9- نبص على شنطة العدة

10- نقعد على الكراسى اللى قدام ونحرك فيها لقدام وكمان لورا عشان نشوف هل فيها اى مشكلة ولالا , وكمان احزمة الامان

11- تشغيل الانوار كلها ونجربها سواء الانوار الداخلية جوة السيارة من نور الصالون والطابلوه ومن بره الفوجات والكشافات الامامية ولمبة الاستوب والفوانيس الخلفية

12- تتاكد من عمل المساحة وتشغل المياه بتاعت المساحة كمان

13- تفتح الابواب الاربعة والكابوت والشنطة وتشوفهم بيفتحوا ويقفلوا بسهولة ومفيش مشكلة فيهم ولالا

14- نتاكد من ان السنتر شغال ونتاكد من الريموت شغال ولالا

15- ركز فى استلام المفاتيح , فى عدد المفاتيح والريموت اللى بيجوا مع السيارة

16- نبص على عداد الكيلومتر واهم حاجة انه لايزيد عن 70 كيلو وكدا كتير كمان

17- التاكد من ان التكيف شغال ,لانك حتشغله بعد 500 كيلو فتكون مطمن ان مفيش مشكلة .. كفائته مش حتكون قوية لان العربية لسه جديدة ومش حيبان تبريده فى اللحظة دى لانك حتشغله لمدة دقيقة او اتنين بالكتير عقبال ما ترغى مع البائع ,المهم عشان بس تكون مطمن ان كل حاجة تمام .. وتاخد بالك هل فى اى قلق وهى واقفة ولالا مع تشغيل التكيف

18- اتاكد من ان الماتور صوته ناعم وهادى فى بداية التشغيل

19- حرك الدريكسيون يمين وشمال عشان تتاكد من عدم وجود اى مشكلة وصوت تزيق , وكمان شوف ظبط الدريسكيون لفوق ولتحت اخباره ايه

20- سخن السيارة وبعد ماتسخن اتاكد من ان المروحة اشتغلت بتاعت الرديايتير ولالا

21- اذا كان السيارة فيها فتحة سقف , نطمن انها شغالة وكله تمام

[CENTER]دول اهم النقاط اللى تركز عليهم وانت بتستلم .. وحاول ان يكون معك صديق او قريب لك لمساعدتك فى وقت الاستلام

ونتمنى لكم حسن الاستلام وان نكون قد استطعنا تقديم القليل من العون لمساعدتكم

ناتى إلي المرحلة الثانية والهامة بعد استلام
السيارة على خير وهى ..
تليين السيارة

والتليين السليم .. فى الماتور السليم

تأتى خطوة التليين كاهم خطوة تلى استلام السيارة كما ذكرنا حيث ان قيادة السيارة فى تلك الفترة تؤثر على اداء السيارة
الجيد طيلة فترة قيادتها فيما بعد

ولهذا فقد حرصنا على عرض كل المعلومات المفيدة والخطوات التى يجب علينا اتباعها فى تلك الفترة
فى عدد من النقاط التالية :-

1- بعد ما تخرج من المعرض وتركب السيارة وتقرا ادعية مباركة ان ربنا يحفظك ويكفيك شر الطريق تذهب الى محل كاوتش وتظبط ضغط الكاوتش على المقاس المكتوب فى قايم السيارة , ويفضل بعد ملئ الكاوتش تروح عند كام محل اخر للتاكد من ان المقاس مظبوط اللى نفخت بيه الكاوتش , اصل احيانا والله بتلاقى كل واحد عنده مقاس ممكن يختلف عن التانى ويقرالك القياسات غلط , حتى لو كان ديجيتال ,, لان مهم جدا جدا انك تظبط المقاس صح , لان احيانا لو فى خلل فى قياس الكاوتش بيأدى الى بطى فى سحب العربية وايضا ممكن يؤدى الى حدف يمين او شمال للسيارة واستهلاك بنزين حاد

2- يفضل جدا ملئ الكاوتش نيتروجين افضل من الهواء و وذلك لانه يطول عمر الكاوتش ويحافظ عليه كما ايضا يساعد على استهلاك افضل للبنزين , واداء افضل وانعم للعفشة وله فوائد كثيرة

3- التليين الجيد يجب ألا تتعدى سرعة لفات المحرك ال2500 لفة/ دقيقة, أو ال3000 لفة/ دقيقة بحسب قدرة المحرك, وتجنب الحرق على الغيارات والكيك دون

4- مدة التليين أساسية هى تقريبا 1000 كيلو أو حسب السيارة , و يتم بعدها تغيير زيت التليين (و يتم تغييره بعد فترة قليلة لأنه يحمل رايش البساتم وبرادات حديد ) , ثم تستمر التليين والقيادة الهادئة بعدها الى 3000 الاف كيلو لكن بمحاذير أقل.
التليين ليس فقط هام بالنسبة للماتور فقط , ولكن هام جدا لجميع اجزاء العربية وذلك لكى تطبع بعضها على بعض تأخذ كل قطعة موقعها الطبيعي بعد الإحتكاك الميكانيكي .

5-التكييف تشغله عادي مافي اي مشاكل بس حاول يكون بعد 500 كيلو .

6- يفضل في فترة ال-500 كم من عمر السيارة انه ممكن تقرص على الغيار بس خفيف جدا مش بعنف ويكون بتنوع مش باستمرار ويفضل لو قرصت على الغيار توصل الاربى ام الى 4000 مش اكتر من 4500
وده عشان بس تفتح السيارة والماتور ,وده زى ما ذكرنا من بعد ال500 كيلو ومش كتير كمان (يعنى مش بعنف وحرق مستمر)

7- يجب تجنب أن تعامل السيارة فى السلانسيه فترة طويلة أطول من عدة دقائق, فإذا طال الانتظار فى إشارة ولا تتوقع السير لبعض الوقت أطفئ المحرك أثناء فترة انتظار حركة المرور..والسبب فى ذلك يرجع إلى أنه من الصعب على أى طلمبة زيت أن تغطى جميع أجزاء المحرك فى السلانسيه فينخفض ضغط الزيت بين الأسطح المتحركة
مما يتسبب فى اختراق قمم هذه الأسطح لطبقة الزيت لتؤذى بعضها البعض كما أن المحرك الجديد ليس عليه أى رواسب يمكن أن يعلق بها بقايا الزيت مما يجعله جافا باستمرار.

8- ويجب ألا تزيد سرعة السير فى الفترة الأولى لإستخدام السيارة عن 100كم/ساعة وربما يكون ذلك صعبا ولكن تحمل ذلك وأصبر عليه.

9- تجنب السير على سرعة ثابتة واجعل سرعتك ما بين 30كم/ساعة و 100كم/ساعة كلما أمكن ذلك عندما تتاح لك الفرصة وبحيث لا تكون على حساب القيادة الآمنة على الطريق.

10- تجنب الفرامل المفاجئة خصوصا فى الفترة الاولى فى التليين قبل ال500 كيلو الاولى وذلك لتطبع الفرامل مع الطنابير

11- تجنب الحمولة العالية فى السيارة وبلاش تقوم بجر عربية اخرى فى فترة التليين.

12- تجنب الطرق الوعرة والمطبات لأن القيادة فى هذه الطرق تخلق سحابة من الغبار الناعم الذي يمكن أن يسحبه المحرك من خلال فلتر الهواء وتقوم ذرات هذا الغبار أو الرمال الناعمة بالعمل كصنفرة بين الأجزاء المتحركة للمحرك.

13- تجنب المشاوير القصيرة فى فترة التليين لأن المحرك يأخذ مسافة طويلة حتى يمكن توزيع الزيت علي جميع أجزائه , فإذا كانت المشاوير قصيرة بإستمرار نجد أن بعض أجزاء المحرك لا يصل إليها الزيت نهائيا وسوف تتآكل سريعا.

14- فترة التليين يجب أن تكون فى مشوار واحد كلما أمكن ذلك أو عدة مشاوير لا يقل الواحد عن200 كم ولا توزع فترة التليين على عدة أسابيع.

15- سخن السيارة قبل ما تتحرك خصوصا فى فترة التليين والفائدة من ذلك هو انك بترفع حراره الزيت شويه لان الزيت لما بيكون بارد فيسبب اختلاف في وزن البساتم وده يؤثر على المدى البعيد في عزم السيارة .
بس اذا انت مستعجل وحابب تطلع بالسيارة من غير ما تسخنها يبقا متدوسش على طول وتجرى وخلي السيارة تمشى واحدة واحدة مسافة 2 كيلو مثلا .

16- لا تقم بالقيادة على سرعة واحدة لفترات طويلة , سواء كانت السرعة عالية أو منخفضة .ولذلك يجب تغيير سرعة المحرك لتليين المحرك بشكل مناسب.

17- لا تترك المحرك في وضع التباطؤ أكثر من 3 دقائق في المرة الواحدة.

18- كلما أسرعت في إنهاء فترة التليين كان ذلك أفضل لك ولماتور سيارتك

19- بعد ما تغير زيت الالف وتعمل الصيانة الاولى على خير وتحط زيت 10 الاف او حتى 5000 كيلو حتلاحظ وتجد ان صوت الماتور بقا انعم , وادائه اتحسن الى الافضل واستهلاك البنزين بيتحسن للافضل فى الفترة الاولى من الالف الى 5000 كيلو.

20- بعد فترة التليين ارفع السيارة وأكشف عن أى تسرب للزيوت أو مياه التبريد وقم بتربيط العفشة واحتمال تكون العربية محتاجة ظبط زوايا .

واخيرا .. اتمنى ان تعم الفائدة على الاعضاء المقبلين على شراء سيارة جديدة وان اكون قد قدمت ولو معلومة بسيطة تساهم في استلام موفق وتليين آمن للسيارة.

تقبلوا تحياتى
اخوكم في الله
احمد مصطفى

[Dr.Karim Emam]

الله يكرمك :) هما الطاسات مبيبقوش مركبنها ليه؟ وبيبقوا 4 ولا 5 عشان الاستبن؟ أنا متفائل إن شاء الله

الطاسات 4 بس و بيبقوا في الشنطه مش متركبين.
و اشتري غطاء ووتر بروف عشان يحميها بس اتأكد من المقاس الأول

[Khaled Online]

ألف شكر يا دكتور. شرح وافي جدا وفيه تفاصيل ممتازة. كنت متأكد هلاقي إجابة في القسم هنا

[nouranwar]

انت اللي بتركب الطاسات و بيبقوا في كياس انت اللي بتفتحها بنفسك
هما 4 طاسات بس زي اي عربية
خير ان شاء الله

[Khaled Online]

1 - تتأكد ان العربية مش مخبوطه او محكوكة او متخربشة .. فحص خارجى
2 - تأكد ان عداد الكيلومتر مش عامل كتير ( انا مستلمها عامله 15 كم)
3 - فحص الكهربا ( الفوانيس والفوجات - 4 إزاز كهربا - الكاسيت - التكيف - الإشارات و الكلاكس والمساحات - نور الشنطة ودرج التابلوه و نور الصالون - السنترلوك - الولاعة والطفاية - المرايات )
4 - اتأكد ان الكرسى بيتحرك فوق وتحت و قدام و ورا و بكرة الضهر شغالة
5 - اتأكد ان ورقك كامل و معاك كتالوج العربية وكتالوج الكاسيت ودفتر الصيانات
6 - اتأكد ان عده العربية موجودة بالكامل ( كوريك - مفتاح عجل - خطاف قطر )
7 - إتأكد ان مفيش اي لمبه تحذيرية منورة ف التابلوه
8 - اعرف أماكن مياه التبريد و زيت الفرامل و زيت الباور و ازاي تقيس زيت الموتور

الف مبروك مقدما وربنا يكفيك شرها

معلومات كمان من دكتور وسيم