قلقان من الفراملكم يا شباب

[mastermind]

سلام عليكم يا شباب
حد دلوقتي
انا معايا لوجان مانبوال 2013 من حوالي شهر ونص وعاملة حوالي 950 كيلو لحد دلوقتي
الفرامل من يوم ما جبتها مش عاجباني
يعني لو دايس دبرياج وبدوس معاه فرامل على سرعة عالية بحس الفرامل ضعيفة اوي

وكانها بتضعف اكتر مع الوقت
وبقالي كام يوم بسمع صوت "فسسسسسسسس" لما بدوس على الفرامل اول شوية بعد ما بطلع بيها


طمنوني يا شباب
عايزة يتاخد منها هوا واروح لاي ميكانيكي
ولا الماستر بتاع الفرامل ضرب ولا ايه الحكاية بالظبط
اصل الموقف ده اتعرضت لحاجة زيه مع الشاهين زمان والميكانيكي قالي الماستر

طمنوني لاني قلقان وانا طريقي دائري يعني طيران

[gebreel]

الفسسسسسسسسس دي طبيعية متقلقش منها

و بالنسبة للفرامل قلهم يرجلشولك فرامل اليد و يظبطولك خلوص التيل الوراني كويس و هتظبط معاك

[mastermind]

ودي اي ميكانيكي بشلن يعملها ولا محتاجة مشوار للتوكيل ؟

[gebreel]

ودي اي ميكانيكي بشلن يعملها ولا محتاجة مشوار للتوكيل ؟

الرجلاش اي ميكانيكي يعملها لكن خلي تظبيط الخلوص ده في التوكيل علشان ميقلكش ده شده اكثر من الازم و الطنابير ولا التيل ولا اي حجة من بتاعتهم خرجوا برة الضمان

و خليه و هو بيرجلش يخليهالك بالكثير 4 تكات او 5 مش اققل من كدة

[Porsche911TT]

هو في اللوجان العجل اللي ورا المفروض يفرمل مع فرامل قدام؟

[windofchange]

معتقدش اي ميكانيكي يعمل الكلام ده خد دي اطبعها وخليها معاك ودي منقولة من عضو كريم فالمنتدي

الطريقة الاولى رجلاش للفرامل الخلفية و تاثيرها هيبان مع فرملة الرجل

الطريقة التانية رجلاش للهاند بريك و تاثيرها هيبان لما تشد الهاند

الصح انك تفك رجلاش الهاند خالص (رجلاش الطفاية) و تضبط رجلاش من الترس اللى فى الطنبورة الخلفية و بعد ما تخلص تضبط رجلاش الهاند (الطفاية)
الاول هتريح رجلاش العصاية تماما

بعد كدة هتفك الطنبورة و ترجلش الترس بتاع التيل لحد ما يضبط

بعد كدة هترجلش من عند العصاية عشان تضبط تكات الهاند بريك صح



في رأيي...عدد تكات فرامل اليد المفروض من 5-7 تكات..وتقدر ترجلش الفرامل من الصالون طول ما هي في الرينج ده
لو قلت عن كده يبقي زي ما قال الكبير...تفك الصالون وترجلش ورا وبعدها تظبط الصالون تاني
فايدة الرجلاش ان دواسة الفرامل متكونش واطية عند الضغط عليها لان التيل بيكون بعيد عن الطنابير وبيحتاج زيت اكتر عشان يقرب من الطنابير...كمان لكفائة عمل فرامل اليد


جرب زي ما قال ممدوح الاول...فك الصالون خالص ورجلش ورا ثم ارجع رجلش الصالون...خلي بالك وانت بترجلش من التيل وتجرب بتركيب الطنبورة ... اثناء ما الطنبورة راكبة دوسلك دوستين فرامل وارفع الهاند بريك مرتين ثلاثة عشان التيل يتوسطن وتعرف تظبط اكتر
كمان ابقي شحم الاجزاء المتحركة حوالين التيل والماستر

[dontics]

السلام عليكم انا زيك بالظبط من ساعه ماشتريت العربيه وانا حاسس الفرامل وحشه اوى قلت استنى لما اروح صيانه الخمسه واقولهم وحصل كل اللى عملوه زيتو كاوتشه التراب اللى عند البدال وبيعملو لكله كده علشان بتزيق وقولتلهم تانى عليها لما اتصلو بيه وقالولى شرفنا بصراحه قولت خليها فى صيانه العشره وحصل وبرضو مفيش فايده وانا متاكد ان فى مشكله لانى ركبت لوجان تانى وفراملها احسن من كده انا زهقت

[the lawyer]

انا برضه عندي الفرامل ضعيفة جداً انا كنت حالبس اكتر من مرة في عربية قدامي بس ربنا بيستر .
المشكلة ان كل مشاوري على طرق سريعة ... وكحل مؤقت بعمل مسافة كبيرة بيني وبين العربية اللي قدامي ، وبحاول امشي ورا عربية يكون فيها كهرباء علشان لمبة التوقف تنور لما يدوس فرامل ( بستنضف عربية يعني ) تاني حاجة بمور وادوس فرامل بدون دبرياج تأثير الفرامل في الحالة دي اقوي .

[miguel]

الموضوع بسيط هما مسترخصين شوية
بص ياباشا عند اي ميكانيكي دي بسيطة قوي يبص علي التيل احتمال يكون عاوز شوية سنفرة وهوي لان الموضوع ده كان عندي البدال كان بينزل قوي عن مستواه

تاني حاجة وده الاهم الكاوتش اللي راكب ناشف شوية مش بيسعف في الفرملة لان الكوتش رخيص ونوع مش معروف

استهلك الكوتش شوية خسارة تغيره دلوقتي وبعدين لو حبيت تغيره في بعض الاعضاء بيقولوا في نوع كاوتش ياباني كويس جدا toyo 350
واخده تقييمات عالية جدا

واي خدمه ياباشا !!!!!!!

[DOCTOReng]

تاني حاجة بمور وادوس فرامل بدون دبرياج تأثير الفرامل في الحالة دي اقوي .

الأفضل من الناحية العلمية أن تدوس فرامل دون ان تمور ودون أن تدوس دبرياج الى أن تقترب السيارة من التوقف وعند ذلك تدوس دبرياج حتى لا ينطفىء الموتور . هذه الطريقة تجعل مسافة الفرملة أقل (عكس الاعتقاد السائد) كما تمنع زحف السيارة وكذلك تقلل من احتمال انحراف السيارة أو دورانها . وكل هذا له تفسير علمى يطول شرحه

[Land_Cruiser]

و الله يا فندم انا شايف ان حضرتك تحجز ميعاد فى التوكيل و تقولهم على المشكله لأن الفرامل مفيهاش هزار و كمان العربيه لسه زيرو يعنى ليه تخللى ميكانيكى يلعب فيها و العربيه فى الضمان و الكلام ده مسؤوليه التوكيل يعنى و العربيه لسه مش ماشيه حاجه علشان يقولك التيل تآكل مثلا و ده سوء استخدام مثلا