استلمت اللوجان الاوتو .. نصائحكم بقى :)

[Sh_sunsea]

أخيرا وبعد مقارنات وتدبيرات وبعون الله في الاول وفي الآخر - اشتريت الحمد لله اللوجان الاوتوماتيك وربنا ما يتعبها معايا ويريحنا مع بعض

ساعدتني كثيرا المعلومات عن كيفية الفحص والاستلام في الموضوع
http://www.nilemotors.net/Nile/327100-a-2.html

برجاء مساعدتي بكل نصيحة تيجي على بال أي حد - انا عديت على اكتر من موضوع واكثر حاجة استفدتها ان الاخوة هنا دائما عندهم جديد ونصائح مهمة ممكن تكون لسه ماشوفتهاش - فمحدش يبخل بأي تكرار

ونقطة مهمة - اني بفاضل بين شركات التأمين علشان الحق اتفق مع شركة قبل الترخيص - والمعرض كان بيحاصرني لشركة أميج" - بس قدرت اني اخرج بسلام علشان الحاجات الي الواحد بيعملها تحت ضغط السرعة غالبا بتبقى مش كويسة

المهم لو في شركة مخصوص لرينو او حد ينصح بشركة تأمين تدفعني نسبتي فقط في المطالبات بدل ما ادفع وانتظر الاسترداد يبقى ياريت

وسعيد بانضمامي لشعب اللوجان :)

[gebreel]

الف مبروك يا باشا و ان شاء الله ربنا يباركلك في عربيتك و يديلك خيرها و يكفيك شرها

بالنسبة للتأمين فعندك شركة مصر للتأمين عاملة اتفاق مع رينو بخصوص الموضوع اللي انت بتقول عليه ده

اتصل ب16202 و قلهم يحولوك على ادارة المقطم و اسأل هناك هيحولوك على واحد لاسف مش فاكر اسمه و يقلك التفاصيل

اما بالنسبة للعربية فانت بس متزودش عن 130 كم/ساعة او 3.5 rpm و ظبط نيتروجين 29 قدام و 32 ورا و استمتع بالعربية

و اي استفسار احنا تحت امرك

[Sh_sunsea]

شاكر جدا لرد حضرتك الكريم

وسيتم اتباع تعليمات سيادتك :)

في الحالة دي التأمين بيبقى التعامل مباشر بينه وبين التوكيل ؟

[Khaled Online]

ده موضوعي عامل شغل أهو الحمدلله! هههه
أولا ألف مبروك عليك اللوجان وإن شاء تتبسط منها وتريحك
ثانيا بالنسبة للتأمين زي ما أستاذ Gebreel قال ونسبة مصر للتأمين 3.5% من ثمن العربية وبعدها نسبة التحمل 10% تدفعهم ومصر للتأمين تتحمل الباقي وهي اللي تحاسب رينو
ومبروك عليك اللوجان وعقبال ما بتاعتي تيجي!

[gebreel]

ده موضوعي عامل شغل أهو الحمدلله! هههه
أولا ألف مبروك عليك اللوجان وإن شاء تتبسط منها وتريحك
ثانيا بالنسبة للتأمين زي ما أستاذ Gebreel قال ونسبة مصر للتأمين 3.5% من ثمن العربية وبعدها نسبة التحمل 10% تدفعهم ومصر للتأمين تتحمل الباقي وهي اللي تحاسب رينو
ومبروك عليك اللوجان وعقبال ما بتاعتي تيجي!

بالظبط كدة

[Sh_sunsea]

ده موضوعي عامل شغل أهو الحمدلله! هههه
أولا ألف مبروك عليك اللوجان وإن شاء تتبسط منها وتريحك
ثانيا بالنسبة للتأمين زي ما أستاذ gebreel قال ونسبة مصر للتأمين 3.5% من ثمن العربية وبعدها نسبة التحمل 10% تدفعهم ومصر للتأمين تتحمل الباقي وهي اللي تحاسب رينو
ومبروك عليك اللوجان وعقبال ما بتاعتي تيجي!

وأي شغل - انا طبعت الموضوع في ورقة وانا رايح علشان مانساش حاجة - ربنا يباركلك على مجهودك - وماتتخيلش لاقيت إيه بقى - غطاء لمبة الصالون في سقف العربية - يعني حاجة ما كنتش اتخيل اني هاحتاج أبص عليها

[nouranwar]

الف مبروك :)

[Sh_sunsea]

الف مبروك :)

الله يبارك فيك . متشكر جدا

[Sh_sunsea]

الف مبروك يا باشا و ان شاء الله ربنا يباركلك في عربيتك و يديلك خيرها و يكفيك شرها

بالنسبة للتأمين فعندك شركة مصر للتأمين عاملة اتفاق مع رينو بخصوص الموضوع اللي انت بتقول عليه ده

اتصل ب16202 و قلهم يحولوك على ادارة المقطم و اسأل هناك هيحولوك على واحد لاسف مش فاكر اسمه و يقلك التفاصيل

اما بالنسبة للعربية فانت بس متزودش عن 130 كم/ساعة او 3.5 rpm و ظبط نيتروجين 29 قدام و 32 ورا و استمتع بالعربية

و اي استفسار احنا تحت امرك

اتصلت برينو وقالولي لا مافيش حاجة زي كده احنا هانحولك على احد المعارض تأمن معاه - اتصل تاني علشان يحولوني لادارة المقطم دي ولا إيه النظام

[gebreel]

اتصلت برينو وقالولي لا مافيش حاجة زي كده احنا هانحولك على احد المعارض تأمن معاه - اتصل تاني علشان يحولوني لادارة المقطم دي ولا إيه النظام

طيب هقلك على حاجة اتصل بيهم ثاني و قلهم يحولوك على المهندس ربيع في فرع القطامية
ده مهندس من مهندسين السمكرة و هو اللي هيقلك تتصل بمين

[S O P H O S]

الف مبروك يا باشا ..

[Sh_sunsea]

الف مبروك يا باشا ..

الله يبارك فيك - متشكر جدا

[ASCOM]

ياجماعه انا حاجز لوجان مانيوال فول ابشن من السبع موتورز من يوم 25-12-2012 وقالولي التسليم في اخر شهر يناير 2013 والسعر 72500
قالولي احتمال السعر يرفع حد عنده المعلومه دي
وفي حد حجز من السبع واسلم اليومين دول ولا ايه النظام

[Sh_sunsea]

انا كنت نازل لمحمد زكي اشتريها من هناك - لاقيت المندوب بيكلمني يعتذر ان السعر زاد الى 85 حالا على قاعدة بيانات الشركة - وقولتله لا كده مش هاجي قالي انا بعتذر ومش عارف ايه (استنتاج انها مش ضغط علشان الفصال والا كان اانتظرني اوصل عنده الاول بدل ما كده ما روحتش خالص)

الله اعلم طبعا ما حقيقة الوضع - سالته يعني زادت من 79 الى 81 في 1 يناير وبعدها 83.5 في سبعة ولا ثمانية يناير وبعدين بتقولي زادت تاني النهارده - قالي والله يا فندم الاميل لسه واصلني حالا ... !!!!

واتصلت بالتوكيل قالي لو لاقيت الي انت عايزه 84 اشتري علشان في زيادة تالتة جاية ... !!!!

[Khaled Online]

الله اعلم طبعا ما حقيقة الوضع - سالته يعني زادت من 79 الى 81 في 1 يناير وبعدها 83.5 في سبعة ولا ثمانية يناير وبعدين بتقولي زادت تاني النهارده - قالي والله يا فندم الاميل لسه واصلني حالا ... !!!!

واتصلت بالتوكيل قالي لو لاقيت الي انت عايزه 84 اشتري علشان في زيادة تالتة جاية ... !!!!

ثانية واحدة هي الزيادة في التوكيل أكتر من ألفين؟!