مياة الشتاء دخلت العربيه

[ahmednavigator]

السلام عليكم

يا جماعه الحقوني ايام الشتاء اللي فاتت لاقيت مياه في العربيه وبعد كده سافرت ورجعت امبارح وادتها لسروجي فكلي الفرش وتقريبا الميه دخلت من الطبات اللي في الارضيه والعربيه اتبهدلت خالص انا دخلت في مياه عاليه بس هل طبيعي الطبات دي تدخل ميه انا شاكك في الطبات بس مش متأكد.

[frhateg]

و السروجي قال لك ايه .

[ahmednavigator]

السروجي مش عارف المياه منين هو فك فرش الارضيه وسبته عنده علشان ينشف

[abo_pasem]

متابع بس المايه حتي لو مدخلتش من الطبات هاتخش من الببان من تحت

[mahraan]

انا امبارح غسلت عربيتي بالخرطوم وفعلا لقيت الميه بتدخل من الابواب للكابينه وكمان بتدخل بين القزاز والباب وده سؤ عزل وعيب كبير ف حق العربيه ..

[ahmednavigator]

والله يا جماعه انا محتار ومش عارف اعمل ايه اخلي السروجي يقفل العربيه لما الفرش ينشف وبعد كده اشوف المياه حتدخل تاني ولا اروح التوكيل المشكله ان العربيه مش في الضمان وخايف يقولولي فتح ونصب

[abo_pasem]

بصراحه العربيه طلعت نص كم في الموضوع ده
معملوش حساب الشتا خاااااااااااالص

[ahmedeg1]

ممكن تراجع على على الطبات اللى تحت او سربنتينة السخن تحت التابلوه

[dr.hazem]

لو دخلت فميه عاليه غالبا الميه بتدخل من البيبان تحت مش من الطبب....
تحياتي

Sent from my SE Arc S using Forum Runner

[ahmednavigator]

ممكن تراجع على على الطبات اللى تحت او سربنتينة السخن تحت التابلوه

اعتقد لو سربنتينه السخن مية الردياتير حتقل. والطبات كلها موجوده حقفل بقي علي كده وربنا المستعان وبعد كده الواحد ميدخلش في ميه عاليه

[ahmednavigator]

شكرا للاهتمام