ارجو المساعدة

[misooo]

انا كنت بدور على عربية فى حدود 64 الف كسر زيرو المهم انا اعجبت جدا باللوجان بس كل ماخد راى حد يقوللى سعر اعادة البيع وحش و قطع الغيار غالية جدا, ياريت حد يفيدنى بخصوص العيبين دول
انا نقسى حد يقوللى الكلام دة غلط

[adel_edrees]

للأسف الجزء الأول صح أنما الجزء الثانى و المتعلق بقطع الغيار ده بيختلف حسب المكان أللى أنتى بتشترى منه يعنى أنت لو بتشترى قطع الغيار من التوكيل و بتعمل الصيانات فى التوكيل الأسعار حتبقى قريبة من بعض لكن للأسف الناس مش فاهمة كده

[mastermind]

الكلام ده كله كان قبل أسعار العربيات ما ترفع
اللي تعرف تشتريه اشتريه ووقت ما هتيجي تبيع هتلاقي كل الماركات قريبة من بعض
ادخل على اي موقع بيبيع مستعمل وشوف موديل 2009 او 2010 من كل الماركات اللي بتقارن بينها هتلاقي ان الفروقات مش كتير

[gebreel]

الكلام ده غلط خصوصا ان العربية انتشرت و بقى عليها طلب

ده التجااااااار طول مانا ماشي يوم الجمعة تبيع لوجان و كلام من ده لأن العربية باعت و قطع غيارها بقت موجودة برة و الناس عاوزة كدة

[mahraan]

انا كنت بدور على عربية فى حدود 64 الف كسر زيرو المهم انا اعجبت جدا باللوجان بس كل ماخد راى حد يقوللى سعر اعادة البيع وحش و قطع الغيار غالية جدا, ياريت حد يفيدنى بخصوص العيبين دول
انا نقسى حد يقوللى الكلام دة غلط

بص يا باشا انا كنت بدور زيك علي عربيه ومش هقولك ان كل اللي سالتهم قالولي ابعد عن اللوجان لانها عربيه وحشه مع العلم ان ولا واحد فيهم معاه العربيه .. انا كانت عجباني العربيه علشان واسعه ومرتفعه عن الارض وفيها مميزات احلي من العربيات اللي ف نفس سعرها المهم اشتريتها الحمد لله وندمت جدا جدا جدا مش لاني اشتريتها ولكن لاني ضيعت شهرين ف البحث من غير ما اشتريها .. بجد لو انت ناوي علي لانوس او فيرنا يبقي هات لوجان وانت مغمض بس اهم حاجه تشتري عربيه تكون 1000 ال 1000 .. وربنا يوفقك ويهديك للافضل
اه نسيت اقولك ان بعد ما اشتريت العربيه 3 من اصدقائي الفتايين اللي كانو بيقولو عليها وحشه وابعد عنها اشترو لوجان برضه