إهداء للزميل Adel edrees

[abo_pasem]

السلام عليكم ورحمه الله وبركاته
مبدئيا أشكركم كلكم وأشكر وقفتكم جنبي في مشكله العربيه

الزميل عادل إدرييس طلب مني تقرير بامشاكل إللي قابلتني وتكلفه إصلاحها بره التوكيل
وعشان انا مش بعتب التوكيل أساسا

من البدايه كانت أول حاجه عملتها هيا تغيير البوجيهات
جبتهم من التوكيل وركبتهم في الحرفييين ب 10 جنيه
الطنابير من الزيني وركبتهم في الحرفيين ب400 جنيه
طقم فرامل من الوشاحي ب 260 جنيه وركبتهم برضه ف الحرفيين
عمره سمكره وبوهيه بتكلفه 2200 جنيه
تغيير سير التقسيمه والدينامو بتكلفه 500 جنيه
تغيير فلتر الهوا ب 70 جنيه
تغيير البطاريه مرتين كل مره ب380 جنيه
تغيير طقم كاوتش كومهو ب 1600 جنيه
تلميع صاج ب 80 وكنت منزل موضوع تلميع اللوجان يدويا بالصور
تربيط عفشه مرتين كل مره ب 10 جنيه
تغيير بليه الدبرياج ب 1700 جنيه
تغيير مرايتين ب 500 جنيه وانا إللي مركبهم
آخر مشكله وهيا غنيه عن التعريف 2000 جنيه
إجمالي التكلفه حوالي 10000جنيه في خلال 4 سنوات
ده غير البنزين وغيار الزيت وفلتر الزيت

بس الحمد لله خلاص بعتها اول إمبارح وإن شاء الله مش هاشتري أي حاجه تانيه كفايه كده

ونصيحه العمر بصراحه شغل الحرفيين أي كلام خالص خليكوا ف التوكيل احسن

[gebreel]

الف مبروك على البيع يا باشا و ربنا ان شاء الله يرزقك باحسن منها

قلنا يا باشا بقى مواصفات عربيتك كانت ايه و اتباعت بكام لو حابب تقول السعر و هل كانت سهلة ولا ايه الظروف؟

[adel_edrees]

شكرا يا عمنا على أهتمامك بى و مشكور جدا و مش عارف أقوللك أيه بصراحة يعنى أنت شايف زى ما أنا شايف أن التوكيل أيا كان مساوئه أحسن ميت مرة من أى ورشة خارجية بالمناسبة كان عندى عربية شاهين وكنت بأوديها الورشة اللى فى غمرة التوكيل يعنى و بصراحة ربنا لو أى صنايعى أىا كان درجة مهارته و حيشتغل فى عربية واحدة نوع واحد يعنى حتلاقيه برضه أحسن من أى مأمهر ميكانيكى بره ,كانوا بيدونى ضمان على الأصلاح لدرجة أنهم مرة حطوا زيت فرامل مضروب روحت لهم بيها من غير ما أتكلم فكوا كل حاجة و غيروا الزيت على حسابهم و غيروا الخراطيم على حسابهم و أدونى ضمان شهر على العربية من تاريخ الأصلاح الخلاصة التوكيل غالى بس رخيص

[abo_pasem]

الف مبروك على البيع يا باشا و ربنا ان شاء الله يرزقك باحسن منها

قلنا يا باشا بقى مواصفات عربيتك كانت ايه و اتباعت بكام لو حابب تقول السعر و هل كانت سهلة ولا ايه الظروف؟

الله يبارك ف حضرتك وإن شاء الله ربنا يبارك ويزيد
مواصفات العربيه كانت لوجان 2009 روماني 5 راكب إستيشن
لون ذهبي غامق 86000 كم هاف اوبشن مانيوال


وإللي إشتراها زبون كان عند الميكانيكي وكلمه من هنا علي كلمه من هناك لبس العربيه
وربنا يباركله وخلصنا الورق بتاع المرور وكله تمام
والسعر كان 65000 جنيه
والبيعه كانت مفيش أسهل من كده
والحمد لله علي كل حال

[abo_pasem]

شكرا يا عمنا على أهتمامك بى و مشكور جدا و مش عارف أقوللك أيه بصراحة يعنى أنت شايف زى ما أنا شايف أن التوكيل أيا كان مساوئه أحسن ميت مرة من أى ورشة خارجية بالمناسبة كان عندى عربية شاهين وكنت بأوديها الورشة اللى فى غمرة التوكيل يعنى و بصراحة ربنا لو أى صنايعى أىا كان درجة مهارته و حيشتغل فى عربية واحدة نوع واحد يعنى حتلاقيه برضه أحسن من أى مأمهر ميكانيكى بره ,كانوا بيدونى ضمان على الأصلاح لدرجة أنهم مرة حطوا زيت فرامل مضروب روحت لهم بيها من غير ما أتكلم فكوا كل حاجة و غيروا الزيت على حسابهم و غيروا الخراطيم على حسابهم و أدونى ضمان شهر على العربية من تاريخ الأصلاح الخلاصة التوكيل غالى بس رخيص

الشكر لله يا أستاذ عادل
والحمد لله علي كل حال
التوكيل حلو مفيش كلام
وربنا يسهل بعربيه تانيه بس مش هاتكون رينو ابدا إن شاء الله
كفايه رينو انا تعبت منها
بالتوفيق إن شاء الله

[adel_edrees]

ربنا يوفقك فى عربية تانية ة مشكور على الأهتمام مرة تانية

[ahmed_hanafi]

الف مبروك علي البيع

[ahmed_hanafi]

الف مبروك علي البيع

[gebreel]

يا باشا الف مبروك ربنا ان شاء الله يرزقك الاحسن منها و متقطعش معانا ... احنا مالناش علاقة بالعربية و عاوزينك تفضل تشارك معانا =)