مرارا وتكرارا !!!! البوابة ؟؟

[miguel]

صباح الفل ياجماعة !!!

اتكلما عن موضوع البوابة ده كتير والتوكيل مش بيعمل اي حاجة وتمنها تقريبا 1400 جنية انا مش بتعامل مع التوكيل نهائي لانه بيستغل الناس كتير
سؤالي لو حد يعرف منين اجيب بوابة جديدة وبكام طبعا البوابة الجديدة من الالومنيوم مش كده ؟؟

شكرا !!!

[mahraan]

انت متاكد ان البوابه هيا اللي باظت مش الايدل بتاعها ؟ لان فيه كذا عضو قال ان اللي بيتغير الايدل مش البوابه وبيجيب بتاع اللانوس ب 250 جنيه

[adel_edrees]

أنا غيرتها من سنة تقريبا فى الضمان و كنت مرعوب لما قاللى على تمنها كان أكتر من 1400 بكتير لأنه غير البوابة و الأيدل و حاجة أسمها tps و كان بيقوللى أنن تمنها بالتركيب و كل حاجة معدى ال 2600 حنيه وهو وعدنى أنها ما بتتغيرش ألا كل 100 ألأف كيلو

[miguel]

يعني اغير اليدل بس ولا اية انا عاوز اخلص من كتمة العربية حاسسها تقيلة ومش بتسحب زي الاول اول ما جبتها يعني بقت عاملة زي البطة البلدي

[Egyzizo]

يعني اغير اليدل بس ولا اية انا عاوز اخلص من كتمة العربية حاسسها تقيلة ومش بتسحب زي الاول اول ما جبتها يعني بقت عاملة زي البطة البلدي

صعب تلاقى الإيدل لوحده

والأعراض اللى بتقول عليها مش هى أعراض تلف البوابة اللى حصلت معانا.

[miguel]

طب تقل العربية ده سببه ايه العربية مش بتسحب زي الاول وحاسسها تقيلة وبجيب ال 100 او 120 بصعوبة

[ahmedeg1]

شيك على فلتر البنزين لو عربيتك رومانى او الطرمبه يمكن ضخها بقى ضعيف

[gebreel]

و ممكن المشكلة بتاعة السحب طقم دبرياج او بوجيهات تعبانة

جرب تجيب العربية على الرابع و تطلع بيها اكنك بتطلع على الاول ... لو طلعت اعرف ان طقم الدبرياج بدأ يودع لو فصلت يبقى الطقم سليم و مفيهوش مشكلة

[محمود90]

يعني بعد ال 100 الف كيلو الواحد حيبدأ يتخرب بيته ويغير حاجات غالية زي البوابة

عاوزين نشوف حل بجد أي بديل