حد يعرف سعر البطاحه ؟

[mahraan]

السلام عليكم
حد يعرف سعر البطاحه بكام خارج التوكيل ؟

البطاحه ف التوكيل ب 395 جنيه والمساعد ب 435
عايز اعرف سعرهم بره كام علشان لو فرق كبير اجيب من بره

[alking_2006]

هيا البطاحة مالها؟
المفروض انه معمرة يعنى بعد فترة بتحتاج تتزيت و تتشحم و يتغيرلها طقم الكاوتش بتاعها و تركب تانى

[mahraan]

انا عندي كركبه بتحصل ف الناحيه الشمال لما باخد مطب نازل تحت او حفر صغيره والمساعد عندي مش ضارب زيت ولا حاجه بس خفيف شويه ففكرت اغير المساعد بالبطاحه بس الظروف مش سامحه الايام دي فقلت اغير البطاحه واشوف لو ما رحش الصوت يبقي اغير المساعد بالمره ..

[alking_2006]

انا عندي كركبه بتحصل ف الناحيه الشمال لما باخد مطب نازل تحت او حفر صغيره والمساعد عندي مش ضارب زيت ولا حاجه بس خفيف شويه ففكرت اغير المساعد بالبطاحه بس الظروف مش سامحه الايام دي فقلت اغير البطاحه واشوف لو ما رحش الصوت يبقي اغير المساعد بالمره ..

نصيحة روح لورشة ظبط زوايا محترمة و خليهم يكشفوا على العفشة كلها و يقولولك ايه نظامها بدل ما تغرم فلوس على الفاضى و يطلع السبب حاجة تانيه ارخص او اغلى من اللى البطاحة فهتلاقى نفسك ندمت

ممكن يكون الكركبه من
1- كاوتش الميزان اتهرى
2- البيض الداخلى او الخارجى بوش
3- جلب المقص بوشت
4- احتمال بسيط تكون علبة الدركسيون بوشت

اما البطاحات فعيبها لما تحتاج تشحيم و كدا انك بتسمع زى صوت خشانة و انتا واقف بالعربية و بتدور الدركسيون يمين و شمال

لإختبارها حط ايدك على المساعد من جوا عند العجلة الشمال و خللى حد يركب مكان السواق و يلف الدركسيون يمين و شمال و لو فيه خشانه هتحسها بإيدك

بالتوفيق

[mahraan]

[QUOTE=alking_2006;3874847276]

بصراحه انت اوفيت ف الكلام وربنا يباركلك ويبعد عنك كل شر .. انا اشتريت كاوتشه بطاحه تركي ب 85 جنيه وان شاء الله هروح اشيك علي كل اللي قلتلي عليه وربنا يسهل .. انا كتبتهم ف ورقه وهخلي الصنايعي يبص عليهم واحده واحده