تحب لو في عرض كار كير يبقى على ايه؟

[gebreel]

دلوقتي يا جماعة انا بحاول اجيبلكم عرض كار كير في احدى المغاسل و كنت حابب اعرف انتو تحبوا يبقى على اله و مستعدين تروحوا ولا اخدها من قاصرها و ماتكلمش

انا ضيفت استطلاع رأي علشان نشوف انتو تحبوا ايه و لو عملنا العرض و لقينا اقبال هنعمل عروض ثانية

[Ahmed_Farouk]

انا شايف ان الاحسن يكون كار كير كامل لاني لو حاغسل بره و جوه بس حاروح بنزينة.
يا ريت لو يكون واحد ليه فرع في اسكندرية كمان مش القاهرة بس عشان يستفيد بيه عدد اكبر من الاعضاء

[smsm91158]

فعلا يا ريت يبقى فى كاركير فى الاسكندرية كمان.. وممكن نشترك فى (مجوايرس) دا ممتاز وفى الداون تاون فى اسكندرية وحتبقى بصراحة فكرة جميلة جدا وربنا يوفقك

[gebreel]

هي الفكرة كلها في ان المغسلة دي بتستخدم منتجات خاصة للعربية فحتى الغسيل برة و جوة بس مبيبقاش بصابون سايل زي اللي في البنزينة و بيبقى شامل تلميع للبلاستكات و نضافة بحق ربنا

و بالنسبة للكار كير فهو موجود انا عاوز بس اعرف انتو حابين ايه اكثر علشان اما اتكلم في تخفيضات و نظبط حاجة و ميروحش للراجل ولا واحد ولا 1 او 2 علشان هيبقى بعد كدة في حاجات مرتبطة بالكاوتش و عروض ثانية بس عاوز اشوف رأي الناس

بالنسبة لموضوع اسكندرية ده انا هحاول فيه بس المغسلة دي ملهاش فروع غير في القاهرة بس بس نحاول نشوف حجة ثانية بنفس المستوى في اسكندرية

[szain]

فكرة هايلة فعلا...أنا الصراحة بالنسبة لي أهم حاجة غسيل بره وجوا لأن ده حاجة مهمة فعلا وبعملها على الاقل مرة كل شهر وأظن إن ده حاجة مهمة لاغلب الناس ولو اتعملت هيبقى حاجة هتنفع ناس كتير ان شاء الله... بالنسبة للكار كير الشامل هو حاجة مهمة برده بس مش بتتعمل دايما .. اقصد مش بنفس عدد مرات أو معدل الغسيل العادي..

[gebreel]

انا ان شاء الله هتصل بصاحب المغسلة بكرة اظبط معاه ...

[korkor]

المهم المكان والاسعار تبقى مهاوده

[gebreel]

المهم المكان والاسعار تبقى مهاوده

هو في مدينة نصر و الاسعار بنتفاوض فيها دلوقتي بس ممكن تبقى قريبة من برة في الغسيل برة و جوة علشان هما اصلا بيستخدمو مواد و شامبوهات خاصة للعربيات مش صابون مواعين او صابون سايل.

[hamadakotb]

فكرة جميله ، المهم الغسيل سواء خارجى و داخلى ، لان الكار كير كامل بيتم كل فين و فين.
جزاك الله خيرا

[korkor]

هو في مدينة نصر و الاسعار بنتفاوض فيها دلوقتي بس ممكن تبقى قريبة من برة في الغسيل برة و جوة علشان هما اصلا بيستخدمو مواد و شامبوهات خاصة للعربيات مش صابون مواعين او صابون سايل.

ربنا يكرم ان شاء الله

[nouranwar]

فكرة رائعة استاذ جبريل
بس متنساش اسكندرية :)

[gebreel]

فكرة رائعة استاذ جبريل
بس متنساش اسكندرية :)

و الله اسكندرية انا هحاول فيها بس مش اكيد

[Ahmed_Ramadan]

هو الراجل ده مكانه ورا مسجد رابعة العدوية كده؟؟

[gebreel]

هو الراجل ده مكانه ورا مسجد رابعة العدوية كده؟؟

لأ...

[Ahmed_Ramadan]

طيب العرض هيبقى لمالكى رينو بس و لا إيه ؟؟