كأعادة بيع ...الفيرنا ولا السانديرو ؟

[hazemhany]

واحد صاحبي لسه بيتعلم السواقة ودي اول عربية ليه ..عايز يعرف يجيب سانديرو ولا فيرنا وشايل من اعتباره اللوجان نظرا لشكلها اللي مش عاجبه ...وعنده نقطة اعادة البيع مهمة ..فأيهما افضل بالنسبة لظروفه دي ؟! ..شكرا

[ashouhdy]

فيرنا

[Dr.Karim Emam]

فيرنا طبعا

[Mostafa.Mahran]

الفيرنا

[hazemhany]

السانديرو اعادة بيعها واقع للدرجة دي ؟!

[mohbasyouni]

فيرنا بدون تردد

[mohbasyouni]

فيرنا بدون تردد

[dr_msr_saudi]

فيرنا .....للأسف

[Land_Cruiser]

لو الكلام على سعر اعاده بيع .. فيرنا تكسب اكيد . على فكره كان فى إحصائيه معموله قريب فى موضوع فى المنتدى عن مبيعات ٢٠١٢ و كانت الفيرنا رقم واحد فى المبيعات باكتر من ١٢ الف عربيه على ما اذكر. اللى يجب ان نضعه فى الاعتبار لعدم ظلم الساندريو لانها عربيه حلوة هو ان الفيرنا بقالها سنين فى السوق و سعرها رخيص و كمان فى كتير منها شغال تاكسى و لذلك حجم مبيعاتها كبير مقارنه بالساندريو اللى على عكس الفيرنا مفيش منها غير ملاكى و كمان لسه نازله السوق جديد. طبعا اللى بيبقى عينه على سعر اعاده البيع بيبقى حاطط فى دماغه ان العربيه مش هتطول معاه و لذلك يبحث عن السهل فى البيع و اللى ما يخسرش فيه كتير و فى معظم الأحيان ما بيفكرش فى زيرو و بيدور على مستعمل او كسر زيرو

[singlemedo]

اللوجان شكلها مش عجبه و عجبه شكل الفرنا..غريبة دى :-)

[محمود90]

انا ركتب الفيرنا تاكسي في مرة واطية جدااااااا كعربية في المطبات
وفي الكراسي الداخلية الواحد كأن ركبته لازقة في صدره

[S O P H O S]

فيرنا هتكون اسهل