قدر الله وماشاء فعل

[lozaregypt]

العربية عملت حادثة وهيا واقفه صحيت الصبح لاقيت برواز علي واجهة العمارة وقع علي العربية من الدور التالت طبعا الحمدلله علي كل حال
السقف اطبق والزجاج الامامي شكرا طبعا العربية عامله 3000 كيلو يعني الحمدلله المهم سيبونا من كل دة خلونا نتكلم في المهم

اولا :الخسائر سقف مطبق وزجاج امامي مكسور
ثانيا عايز اصلحها لو حد عنده اقتراح
ثالثا كلمت التوكيل وقالي ان الزجاج هيكلف 1600 جنية
رابعا: السقف حسب الحالة لسه هيشوفوه
وشكرا ليكم ومنتظر مساعدكم

[the lawyer]

الله يكون في عونك

[ahmedsrs]

قول الحمد الله ومتزعلش نفسك

[hugan]

الزجاج امره سهل
والسقف ممكن يترد علي البارد بدون رش

[Khaled Online]

لا حول ولا قوة إلا بالله
نصيب يا باشا
أنا شايف التوكيل غالي بس يمكن أحسن من سمكرية وورش كتير

[lozaregypt]

شكرا

شكرا لردوكم ويارب يحمي لكل واحد سيارتة!!

باخد رايكم في توكيل العبور من حيث السمكرة واعتقد ان كدة كدة الزجاج برة الضمان ممكن اركب الاصلي بتاعها فين ؟؟؟

وشكرا ليكم جميعا !!

لو حد عارف الخطوات بحيث اشوف التامين بتاع العربية !!! اقدر استخدمة

[Khaled Online]

بإذن الله هسألك وأرد عليك

[S O P H O S]

قدر الله وما شاء فعل
ان شاء الله ترجع احسن من الاول

[محمود90]

قدر الله وماشاء فعل
ده اكيد خير مفيش كلام ان شاء الله

[svneleven]

اعمل محضر و اطلع علي التأمين و أظن هيطلب من سيادتك تجيب مقايسة من التوكيل.

[أبو يوسف]

أحمد ربنا انك مكنتش فى العربية
قضا أخف من قضا
والله زعلت عشانك

[Khaled Online]

لو حد عارف الخطوات بحيث اشوف التامين بتاع العربية !!! اقدر استخدمة

1. تتصل بشركة التأمين يبعتوا مندوب يعاين اللي حصل ويكتب تقرير
2. تتفق معاه هتصلحها فين في التوكيل وتتحمل 10% ولا بره والتأمين يتحمل كل حاجة (أو برضه تتحمل 10% حسب تأمينك)
3. بعد التصليح تاخد فاتورة رسمية وبرضه تتصل بمندوب التأمين يعاين
4. وقت الدفع أنظمة التأمين بتختلف: قليل منهم بيخلوك تدفع 10% بس وهما يتعاملوا مباشرة مع التوكيل في دفع الباقي، ومعظم شركات التأمين بتخليك تحاسب انت على كل حاجة وبعد كده تاخد الفاتورة الرسمية وتروحلهم بيها فيدوك 90% منها
لو فيه حاجة فاتتني من فضلكم نبهوني

[lozaregypt]

افديوني

بجد شكرا ليكم كلكم وبجد حسيت ان انا مش لوحدي وشكرا لمشاعركم الجملية ويارب ما حد فيكم يتعرض للمواقف دي واقللكم علي اللي حصل انهاردة في التوكيل

اولا قطع الغيار في المقايسة المبدائية :
عايز يغير قشرة السقف والفرش بتاعه
(انا قلقان من الموضوع ده قوي ياريت تفيدوني ) وخيرني بين سمكرتكه ودهانه وتغيرة وانهو الاحسن
ولا اسيب التوكيل واعمله عند سمكري بره حسيت بس فرش السقف مطبق شوية

طبعا الزجاج الامامي
طبعا مصنعيات قد كدة
اعمال سمكرة
اعمال دهان
فك وتركيب
حسيت ان لو دور العربية
هيقولي اعمال تشغيل سيارة ههههه


وشكر ا ليكم باالله عليكم افيدوني في موضوع السقف دة
ل

[nemo2000x]

السقف يتعمل عند سمكري محترم برة التوكيل
و الزجاج الامامي من دكتور جريش و بيعمل حوالي 400 جنية
و ربنا يكون في عونك

[ahmedeg1]

أدام مأمن على العربيه يبقى اعمل كل خاجه فى التوكي بما فيها تركيب الزجاج
لو تكلفى الاصلاح اكثر من 5000 جنيه يبقى تعمل محضر فى القسم التابع ليك و تاخد صوره منه او رقمه و تتصل بشركة التأمين و تقولهم انك هتعمل الاصلاح فى التأمين و تسلم العربيه للتوكيل و التأمين هيبعت مهندس يعاين التلفيات و المقايسه
ربنا يعوض عليك ان شاء الله