استفسار عن الدونجل

[salahfathi]

ياجماعة أنا كنت خبطت الجنط الأمامي بتاع العربية في الرصيف واتعوج وروحت استعدلته وظبطت الزوايا ورصصت وكمان لسه عامل صيانة ال 15000 من اسبوعين في التوكيل
المهم سؤالي هو
انا كنت قاعد فقرأت ان خبطة الجنط ممكن تأثر على حاجة اسمها الدونجل وده لازم يتغير
فممكن حد يوضحلي الكلام ده صح ولا لأ وبعدين مش لو فيه مشكلة كانت بانت في الصيانة وكمان الموضوع ده داخل في شهرين مش كان زمان العربية حصل فيها مشكلة
شكرا

[ahmedeg1]

انتا حاسس بأى شئ غير طبيعى و انتا ماشى بالعربيه

[MMamdouh]

طالما الخبطة فى الامام يبقى الدنجل ملوش دعوة

MMamdouh

[salahfathi]

طيب هل ممكن الخبطة تأثر على حاجة تانية غير الجنط

[buddha]

الخبطة فى الجنط الامامى حتى ولو خفيفة بتتنى المقص

[adel_edrees]

بص حضرتك طالما روحت التوكيل و عملت ظبط زوايا فى التوكيل و أستعدال جنط فى التوكيل لو كان فى مشكلة فى المقصات أو البارات أو المساعد أتننى كان جهاز ضبط الزوايا كان طالعها و بعدين أنتا بتحسها فى السواقة لو فى حاجة مش مظبوطة

[salahfathi]

لأ انا عدلت الزوايا واستعدلت الجنط ورصصت برة التوكيل بس بعد كده روحت وعملت الصيانة في التوكيل
وبعدين ايه موضوع المقص والبارات ده
وبعدين هما في التوكيل مش بيرفعوا العربية ولو فيه اي حاجة بتبان

[adel_edrees]

لأ انا عدلت الزوايا واستعدلت الجنط ورصصت برة التوكيل بس بعد كده روحت وعملت الصيانة في التوكيل
وبعدين ايه موضوع المقص والبارات ده
وبعدين هما في التوكيل مش بيرفعوا العربية ولو فيه اي حاجة بتبان

أهم حاجة أنك تروح لناس رخمة جاية من الرخامة و بتلككوا على اى حاجة علشان تطمن روح و قوللهم أنا حاسس أن العربية بتعوم منى و عايز أظبط زوايا لو كنت عملت كده فعلا خلاص ما تقلقش من حاجة لأن الجهاز حيطلع كل حاجة لو العربية فيها حاجة

[lanos2004]

المقص ممكن يكون اتعوج