تعديل فى التكيف وعايز رأيكم

[medo_fam]

كنت عايز أعمل فتحتين إضافيتين للتكيف عند المقعد الخلفى جنب زراير الازاز الخلفى هل ممكن ؟
زى ماهو موجود فى النيسان صنى الجديده
لأن كل اللى بيقعد معايا ورا بيقول انه مش حاسس بالتكيف
ياريت تساعدونى بأفكاركم

[Egyzizo]

صعب جداً
على أى حال ، اللى فى النيسان دى مش فتحات تكييف
دى مجرد مراوح لتقليب الهواء.

[georgedada82]

اعتقد ممكن حاجة لو اتعملت فوق فرامل اليد مراوح من قدام شفط ومراوح تانية من ورا مراوح بحيث تشفط الهوا من التكييف من قدام لورا اعتقد انها ممكن تتعمل بسهولة

[mazenzyad]

يا ريت تشرحلنا وضع المفاتيح عندك للحصول على افضل اداء . انا فى اسوان و الحرارة بتوصل 48 و باخد اداء مرضى ا

[gebreel]

صعب لأن اللي في الصني مروحة بتشفط جزء من الهواء اللي قدام و تعيد توزيعه ورا

اتأكد ان الهوايات بتاعة التكييق على قدام بس مش قدام و تحت لأن قدام و تحت بيبقى الوضع ضعيف جداااااااا و خلي زرار تقليب الهواء من جوة العربية

[mo_x5]

على فكره انت مش محتاج تعمل كده ...لو خليت فتحتين التكييف اللى فى نص التابلوه (فوق الكاسيت) متوجهين على الكنبه الخلفيه بيأدى الغرض
و ممكن يكون التكييف اصلا عندك ضعيف علشان كده اللى ورا مش بيحس بيه
انا شايف انه افضل من التعديل كده (لو حابب تعمل تعديل) انك تلغى السخن .

[medo_fam]

التكيف عندى كويس لدرجة انى مابقدرش استحمله فوق 3 وسعات بيكون على درجة 2 بس لما الجو بيكون حر والشمس ضاربه فى العربيه مابتحسسش بالتكيف الا اذا كان الهوا ضارب فى وشك فأنا كان قصدى انى حسب فكرى مش خبرتى ولسه ماعرضتش الموضع على ببتاع تكيفات أنه أزود خرطومين تكيف من التكيف واعمل لهم هويتين ورا بحيث اللى ورا يقدر يتحكم فى اتجاه الهو ا

[ahmed_m_ashraf]

التكيف عندى كويس لدرجة انى مابقدرش استحمله فوق 3 وسعات بيكون على درجة 2 بس لما الجو بيكون حر والشمس ضاربه فى العربيه مابتحسسش بالتكيف الا اذا كان الهوا ضارب فى وشك فأنا كان قصدى انى حسب فكرى مش خبرتى ولسه ماعرضتش الموضع على ببتاع تكيفات أنه أزود خرطومين تكيف من التكيف واعمل لهم هويتين ورا بحيث اللى ورا يقدر يتحكم فى اتجاه الهو ا

أيوه ياباشا ماهو السؤال بقى إنتى هتجيب الهوايات دي منين وحتثبتهم في إيه. الموضوع هيبقى توفيق وترقيع وهيبوظ شكل العربية من وجهة نظري.

أنا معاك إن فيه إختراعات ممكن تتعمل في العربية بس في رأي إن ده مش منهم، مش بقول إنه مستحيل يتنفذ، بس بقول إنه لو إتنفذ مش هيتنفذ بنظافة.

تقبل مروري وتحياتي.