غيرت قلب طرمبه البنزين

[mahraan]

السلام عليكم جميعا ..
النهارده العربيه رحت بيها مشوار وبعد ما خلصت جيت ادور ما رضيتش تدور وعملت زي ما تكون مشطبه بنزين اللي هيا تلقط وتفصل علي طول . المهم جبت ميكانيكي وقالي دي طرمبه البنزين وفعلا غيرنا القلب بتاع الطرمبه وركبتلها قلب طرمبه النترا صناعه كوري ب 200 جنيه ودارت الحمد لله .. انا حبيت انقل الموقف علشان لو حد لا قدر الله حصل معاه ممكن يتصرف كدا بدل ما يشتري طرمبه كامله ب مبلغ كبير

[a_krrarr]

الف شكر يا باشا يا ريت لو في صور

[dr_msr_saudi]

الله يبارك لك ....وشكرا على النصيحه

[gebreel]

الف مبروك يا باشا و ياريت لو في صور ترفعهالنا

و قلنا العملية كانت سهلة ولا كانت رخمة

[hesham_tawfiq]

ممكن اعرف حضرتك عامل كام كيلو عشان الطرمبه تعمل كده

[Egyzizo]

فيه حد قبل كده قال انه ركب قلب ميتسوبيشى واشتغل كويس برضه

لزيادة المعلومات :

http://www.nilemotors.net/Nile/304924-a.html

[mahraan]

الف شكر يا باشا يا ريت لو في صور

ان شاء الله هصورلك علبه القطعه الجديده والقطعه القديمه اللي باظت

[mahraan]

الف مبروك يا باشا و ياريت لو في صور ترفعهالنا

و قلنا العملية كانت سهلة ولا كانت رخمة

الله يبارك فيك يا استاذ جبريل .. كشغل من الصنايعي اخد بالظبط ربع ساعه فك القديمه وتركيب الجديده

[mahraan]

ممكن اعرف حضرتك عامل كام كيلو عشان الطرمبه تعمل كده

47000 كيلو .. بس اللي فهمته من الميكانيكي ان الطرمبه باظت لان دخل فيها رواسب من الجراكن اللي كنت بمون منها او خزانات المحطات مش نضيفه وكمان فيه زي قماشه المفروض انها بتفلتر البنزين قبل ما يدخل علي الطرمبه دي كانت مليانه بلاوي سودا