تقييم فرع أبو رواش

[migo79]

يا شباب كنا عايزين نعرف الناس الى عملت صيانة فى فرع ابو رواش ايه تقيمهم للفرع ده ؟
وهل هو احسن ولا العبور ؟

[mo_x5]

انا الحاجه الوحيده اللى لاحظتها فى الصيانه و انا بعمل ال 20 الف انها خدت ساعه و نص بس و ده بالنسبه لى انجاز .....و خصوصا لما تعرف انى عملت صيانه ال5 الاف اللى هى تربيط عفشه بس فى 4 ساعات فى فرع المقطم

و العيب انك مش بتشوف العربيه بتاعتك و همه شغالين فيها

[migo79]

على فكرة ، فرع العبور الى هو يعتبر افضل مركزخدمة لرينو مابتشفش العربية برضه وهما شغالين فيها .

[Porsche911TT]

أنا لسة معدي ال 5 الاف وأقرب فرع ليا المقطم ومقلق منه جداً ، هل ينفع اختار فرع الصيانة لما أكلم 16202؟
وموضوع اني مش بشوف العربية وهما شغالين فيها قلقني أكتر ، هيحصل ايه لو طلبت اني أكون مع العربية؟

[arharidy]

تعاملت مع الفرع مرتين في صيانة الـ 5000 وفي صيانة الـ 10000 ، والمعاملة طيبة والأداء جيد، كانت اللوجان الأوتوماتيك تحدف يمينا، فشخصوا الأمر على أنه إما ضبط زوايا أو ضبط هواء الإطارات، فضبطوا الإطارات وأكدت عليهم لو كانت غير منضبطة سأعود بها مرة أخرى، وحدث بالفعل أنها ظلت تحدف يمينا، فخرج معي المهندس شريف، وقاد سيارتي بنفسه، فقال لي الطارة تحتاج إلى ضبط، وبالفعل ضبطها، والسيارة الآن لم تعد تحدف يمينا بل تحدف شمالا على خفيف ... لكن أقل من الحدف يمين كثيرا .... في صيانة ال 15 إن شاء الله نشوف الموضوع. :)