تاكيهات اللوجان فيها مشكلة

[the lawyer]

انا معايا لوجان 2013 مانيوال عاملة 20000 كيلو ، بداية الموضوع اني كنت عند ميكانيكي رينو بغير زيت وبشتكي من صوت العربية العالي فقالي انه عنده طريقة تهدي صوت الموتور وتخليه مش مسموع عن طريق التاكيهات ( ولإني مليش في الميكانيكا ) فوافقت بعد ما سألت ناس عملت الموضوع دا وقالوا ان الصوت هدي والعربية زي الفل ، فوافقت والميكانيكي قفلي التاكيهات .
بعد كدا حسيت ان العربية مش مظبوطة بقيت حاسس ان صوت الشكمان بيقطع واستهلاك البنزين زاد ، فرجعتله فقالي الموضوع دا سببه البوجيهات مش التاكيهات فأنا دلوقتي مش عايز اغرم فلوس أو اغير حاجات ملهاش لازمة .
ياريت حد فاهم في التاكيهات يقولي اظبطها علي كام علشان انا روحت لميكانيكي تاني قالي لازم اعرف أظبطها على كام .

[emad_2020]

متابع

[asa]

حضرتك لسه في الضمان و واضح انك راكب العربية زيرو يعني دافع تمن الضمان ليه تعذب نفسك و ترمي فلوسك و تبوظ عربيتك خلي صيانتك في التوكيل خلال فترة الضمان اللي انت دافع فلوسه و عن تجربة ٥ سنين مع توكيل رينو هو توكيل معقول و بتاخد حقك منه كويس

[the lawyer]

العربية طلعت من الضمان لإني عملت صيانة 20000 برا

[ahmedeg1]

انتا كده لعبت فى التكيهات و الميكانيكى بيفتى

[DOCTOReng]

ضبط التاكيهات يتم على البارد وهو عبارة عن خلوص أى مسافة صغيرة جدا أقل من نصف مليمتر بين التاكيه وطرف الصباب وفائدته أنه يعطى فرصة للصباب أن يتمدد عندما يسخن فاذا كان هذا الخلوص أقل من اللازم فان الصباب عندما يتمدد لا يجد المسافة الكافية لكى يتمدد فيها فيضطر ان ينفتح بمقدار صغير حتى فى الفترة المفروض أنه مغلق فيها تماما وبذلك فان بعض الغازات (التى تحتوى على بخار البنزين) تتسرب من داخل السلندر فيزداد استهلاك البنزين وتقل قدرة الموتور الذى يدور بطريقة غير منتظمة بالاضافة لبعض المشاكل الأخرى وأعتقد أن هذا ما حدث معك عندما قام الميكانيكى بقفل التاكيهات أى تصغير الخلوص. ما الحل؟ المشكلة أن قيمة الخلوص غير مكتوبة فى الكتالوج باعتبار أن مالك السيارة لا يقوم بها بنفسه فاذا استطعت أن تعرف قيمة الخلوص من مصدر موثوق به فاذهب لميكانيكى ممتاز للضبط والا فالحل الأمثل أن يقوم التوكيل بذلك حتى لو سعره أغلى حتى تحافظ على الموتور خصوصا أنه ما زال جديدا وهذا رأيى والله الموفق (بكسر الفاء) والمستعان.

[Neo206]

ضبط التاكيهات يتم على البارد وهو عبارة عن خلوص أى مسافة صغيرة جدا أقل من نصف مليمتر بين التاكيه وطرف الصباب وفائدته أنه يعطى فرصة للصباب أن يتمدد عندما يسخن فاذا كان هذا الخلوص أقل من اللازم فان الصباب عندما يتمدد لا يجد المسافة الكافية لكى يتمدد فيها فيضطر ان ينفتح بمقدار صغير حتى فى الفترة المفروض أنه مغلق فيها تماما وبذلك فان بعض الغازات (التى تحتوى على بخار البنزين) تتسرب من داخل السلندر فيزداد استهلاك البنزين وتقل قدرة الموتور الذى يدور بطريقة غير منتظمة بالاضافة لبعض المشاكل الأخرى وأعتقد أن هذا ما حدث معك عندما قام الميكانيكى بقفل التاكيهات أى تصغير الخلوص. ما الحل؟ المشكلة أن قيمة الخلوص غير مكتوبة فى الكتالوج باعتبار أن مالك السيارة لا يقوم بها بنفسه فاذا استطعت أن تعرف قيمة الخلوص من مصدر موثوق به فاذهب لميكانيكى ممتاز للضبط والا فالحل الأمثل أن يقوم التوكيل بذلك حتى لو سعره أغلى حتى تحافظ على الموتور خصوصا أنه ما زال جديدا وهذا رأيى والله الموفق (بكسر الفاء) والمستعان.

أنا مع حضرتك
و جزاك الله خير على الشرح

[alex_life1989]

لا عادى مش مشكلة لو عملت صيانة واحدة برا انا سالت قبل كده