سؤال عن ماء التبريد

[himos21]

الحمد لله ربنا كرمني واشتريت سانديرو الأسبوع اللي فات ..عندي أستفسار بخصوص ماء التبريد ..عايز أعرف يتغير كل أد أيه و كمان أجيب الميه منين ...

[eng_abosalma]

أنا المشكلة دى لسه شايفها امبارح عندى فى اللوجان
ماء التبريد نزل و قرب من min و مش عارف أزوده ماء عادىو لا فى نوع مخصوص....أفيدونا يا شباب

[Amrmagdy87]

التوكيل بيغيره كل 60 الف على ماأظن. أهم حاجة انك ماتحطش مياه عادية علشان هتعمل صدأ ولو الميه نقصت زودها بمية موبيل او اي ماركه محترمة.

[A.Saad]

زود من نفس النوع اللى فيها

الاخ اللى لسه شارى
اتصل بالتوكيل اعرف المياه ايه المستخدمة او شوف الكتالوج

[wassim_nasser]

التوكيل بيستخدم مياه تبريد ماركة توتال و في خلال الصيانات الدورية لو اكتشفوا ان المياه نقصت بيزودوها علي طول .. روح التوكيل و خليهم يكشفوا علي دورة التبريد يعرفوا سبب النقص و يزودوها .. او لو انت مستعجل روح أي بنزينة توتال و خليهم يزودوا المياه

[eng_abosalma]

يا ريت يا جماعة اللى يعرف ايه نوع المياه المستخدمة فى اللوجان يفيدنا ولا نحط أى نوع وخلاص ؟!!

[amr123]

التوكيل بيستعمل منتجات توتال

لو المياه الى عندك هيى الحمرا ..تبقى بتاعت توتال ..و هتلاقيها فى محطات توتال العلبة ال 1 لتر ب 12 حنيه ..و دى كفاية لو معندش مشكلة فى الميه و بتزود بس كل فترة
بس احب اقولك ان لو دورة المياه مظبوطة 100 100 هتزود مرة مرتين بالكتير فى السنة

[A.Saad]

ما تحطش اى مياه وخلاص
كدة بتضر عربيتك

[ahmedeg1]

مياه التبريد تجيبها اللتر ب 16 جنيه من اى محطه توتال لونها احمر تركيز 33 % او موبيل برضه لونها أحمر تركيز 33 %

[MIDOBROKERAGE]

باشا انا معايا لوجان بقالها 3 سنين والتوكيل هو اللى بيزود المياه انت مبتزودهاش خالص ومش بتاعتك العربية فى الضمان ياباشا ولو فى حاجة روح التوكيل وهيظبطلك الاداء لو فى مشكلة كمان التوكيل بيكشف عليها كل 5000كم وبيزودها لو محتاجة
اتمنى اكون افادت

[himos21]

متشكر جدا علي الردود ...طبعا لو في حاجة هروح التوكيل ...و الواحد برده يكون جاهز للطوارئ