العربية مش بتدور ....

[zemoss]

السلام عليكم

إزيكم يا شباب

حصلت معايا مشكلة كنت عايز مقترحاتكم فيها.

كنت ماشي بالعربية بشكل طبيعي من ساعة ما إشتريتها ومعنديش مشكله في تدوير العربية إلا لما البوابة باظت (على فكره أنا مغيرتهاش.. أنا نضفت الأيدلروالبوابه بس) .... المهم ... كنت ماشي بالعربية وبطلتها ونزلت اشتري حاجة مفيش في 5 دقايق
رجعت لاقيت العربية مش بتدور ... ونور التابلوه بيضعف مع التدوير ... حاولت كتير بس المشكلة إستمرت.

جربت أنزل الإزاز وارفعه وجربت الكلاكس لاقيتهم شغالين كويس فعرفت إن هيه مش مشكلة كهربا فاصله ... وبرضو قولت لو البوابه يبقى العربية على الأقل كانت هتدور ولو لثانية ... أنا شخصت المشكلة في البطارية وخاصة إن لما جبت ناس تزق العربية ودورتها إشتغلت معايا عادي.

انا سافرت لفتره تقريبا 20 يوم وطبعا العربية مش بتدور دلوقتي وان شاء الله راجع بعد يومين كده.
احب اعرف تشخيصكم .... وهل لو بطارية لازم تتغير ولا ممكن تتشحن .... ويا ريت أعرف إيه أفضل نوع بطارية وبكام

معلش طولت عليكم ... وارجو المساعده
السلام عليكم

[gebreel]

بطاريه بنسبة 90%

لو عربيتك موصلتش ال40 الف كيلو و معدتش السنتين هتتغير في الضمان عادي

[zemoss]

هيه العربية بقالها 3 سنين وشوية ووصلت ل 90 كيلو فأنا كده كده بره الضمان
أظن كده البطاريه إشتغلت بالمعدل الطبيعي بتاعها ؟؟؟؟؟

بس يا ريت تفيدني هل لازم تغييرها ولا ممكن شحنها ؟؟؟؟ ولو لازم تغييرها يا ريت تقولي على أفضل نوع

وعلى العموم ألف شكر يا جبريل على الإفادة

[Egyzizo]

كده رضا قوى ..
أنا غيرتها برضه بعد 3 سنين وشوية
وكتير غيروها بعد سنتين ونص
الشحن مش هيفيد
AC delco ماركة متفق عليها
أنا غيرت إلى هانكوك
التمن فى حدود 400 جنيه.

[gabrel]

نفس المشكلة بتاعة حضرتك حصلت معايا يوم السبت الي فات وبرضه العربية ماشتغلتش الا لما زقيتها
روحت على مبروك غطاطي وكشفت على البطارية لقيت العيب فيها
غيرت وجيبت فارتا الماني 630 جم والحمد لله شغاله تمام

[gebreel]

الشحن مش هيفيد زي مالاعضاء ما قالوا

اما بالنسبة للنوع عندك الACDelico و الهانكوك و الفارتا

الفارتا الكهربائي بتاعي بثق فيه جدا و كانت عنده و قالي مبقتش زي زمان
ال AC-Delico الناس جربتها و بتشكر فيها
اما الهانكوك فدي عن تجربة ممتازة جدا قعدت في عربية والدي 5 سنوات و نص

[حكيم المصري]

هو مش المفروض يا شباب ان في لمبه في التابلوه عشان موضوع ضعف البطاريه ده ؟؟

[gebreel]

لأ اللمبة دي لو الدينامو مبيشحنش مش لما البطارية تودع

[mazenzyad]

عملتها معايا الصبح بعد سنتين و نصف و ركبت بليزارو تركى شكرولى فيها كتير