محتار في شراء سيارتي الاولي

[changer]

الاخوة الكرام
كل عام وانتم بخير
استفسار من خبراء المنتدي انا بصدد شراء سيارتي الاولي الميزانية حوالي 90 الف محتار حيرة السنين
عاوز عربية اتوماتيك بها وسائل امان تكون ثابته و مشاكلها قليلة ( طبعا مفيش عربية مفيهاش مشاكل ) محتار بين سانديرو ولا افيو ولا بروتون ساجا
ياريت ربنا يكرمكم وتساعدوني علي الاختيار

[abou_mariam]

أوعى الجمبرى يعضك أبعد عن الرينو

[changer]

abou_mariam جمبري ايه و بلطي ايه
انا سألت سؤال معين عند حضرتك رد كويس يبقي كتر خيرك مفيش يبقي (فليقل خيرا او ليصمت )

[Ahmed_Farouk]

خليك في الرينو, الافيو مليانة مشاكل و ممكن تاخد لفة في قسم شيفروليه تتعرف عليها.
الساجا يعيبها توكيلها و ارتفاع اسعار قطع غيارها خارج التوكيل. الرينو و ان كان توكيلها برضه مش اد كده انما هي احسن اختيار في الفئة دي.

[mastermind]

الافيو قطع غيارها مش رخيصة (مش زي اللانوس والفيرنا)
ادخل قسم الشيفروليه واقرا رأي الناس فيها لكن على حد علمي ان مشاكلها كتيرة من ساعة ما بقت تتقفل في مصر

والسانديرو الاوتو متهيالي تعدي التسعين بشوية حلوين

اللوجان الاوتو جميلة ومناسبة للميزانية

البروتون مجهولة بالنسبة لناس كتير

[changer]

شكرا استاذ Ahmed_Farouk لكن انا قرات في قسم رينو عن مشكلة النتشة في الفتيس و كمان عزل الطابلوة اللي مش اد كده و الدهان و غيرها من المشاكل بس فعلا محتار ولو عند حضرتك اختيار تاني في نفس الفئة يبقي كتر خيرك

[changer]

الافيو قطع غيارها مش رخيصة (مش زي اللانوس والفيرنا)
ادخل قسم الشيفروليه واقرا رأي الناس فيها لكن على حد علمي ان مشاكلها كتيرة من ساعة ما بقت تتقفل في مصر

والسانديرو الاوتو متهيالي تعدي التسعين بشوية حلوين

اللوجان الاوتو جميلة ومناسبة للميزانية

البروتون مجهولة بالنسبة لناس كتير

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\

طيب ايه رأي حضرتك في الفرنا اوتو مقارنة باللوجان الاوتو

[Ahmed_Farouk]

شكرا استاذ ahmed_farouk لكن انا قرات في قسم رينو عن مشكلة النتشة في الفتيس و كمان عزل الطابلوة اللي مش اد كده و الدهان و غيرها من المشاكل بس فعلا محتار ولو عند حضرتك اختيار تاني في نفس الفئة يبقي كتر خيرك

نتشة الفتيس مش بتظهر دايما هي بتبقى على حسب دوسة رجلك و بالتعود مش حتحصل معاك الا نادرا.
بالنسبة لعزل التابلوه فيه ناس اشتكت من سخونية بتطلع عند الدواسات بس انا محستش بيها و اعتقد انهم ركبو العازل الحراري في الموديلات الجديدة.
الدهان ده مشكلة عامة في العربيات الجديدة و كل العربيات في الفئة دي حتلاقيها كده. بالنسبة للفيرنا الاوتو فهي اتوقف انتاجها خلاص و منتشرتش بس بصراحة معنديش فكرة عن مشاكلها.

[Maghraby1987]

Opel Astra 2008

[changer]

نتشة الفتيس مش بتظهر دايما هي بتبقى على حسب دوسة رجلك و بالتعود مش حتحصل معاك الا نادرا.
بالنسبة لعزل التابلوه فيه ناس اشتكت من سخونية بتطلع عند الدواسات بس انا محستش بيها و اعتقد انهم ركبو العازل الحراري في الموديلات الجديدة.
الدهان ده مشكلة عامة في العربيات الجديدة و كل العربيات في الفئة دي حتلاقيها كده. بالنسبة للفيرنا الاوتو فهي اتوقف انتاجها خلاص و منتشرتش بس بصراحة معنديش فكرة عن مشاكلها.

شكرا و كتر خيرك يا باشا
هحاول اقنع نفسي باللوجان رغم الارتفاع الرهيب في سعرها
وجزاك الله خيرا

[singlemedo]

انت عايزها عائلية و شنطة كبيرة ولا مش فارقة وعايزها فى سفر ولا وسط البلد لو مش عايزها كبيرة ولا لسفر فكر فى البيكانتو ...

[amr011111]

لو تقدر تزود شويه وتجيب اوبترا يبقى افضل
ولو حابب فيرنا اتوماتيك يبقى كويس برضه
قطع غيارها منتشره ورخيصه وبالتوفيق

[yousse_mohamed]

صلى صلاة استخاره وربنا يوفقك ان شاء الله.

[changer]

شكرا لكل الاخوة علي الردود وربنا يقدم اللي فيه الخير

[mohamed SOBHI]

توكل علي الله وهات لوجان اوتوماتيك بس بعد ماتصلي استخاره