مشكله جديده عاجله

[mohamed SOBHI]

السلام عليكم وكل عام وانتم بخير
مش هطول
العربيه لوجان 2010 ماشية 31000 كم
المشكله ظهرت من فتره وجيزه بعد ماالعربيه اتخبطت من تخت في مطب عالي شويتين وطبق العلبة الي في النص بتاعة الشكمان المهم روحت غيرتها وتمام الحمد لله
ظهرت مشكله تانيه اليومين دول ان اما اجي ادور العربيه ماتدورش وكمبيوتر الرحلات يصفر ومع محاولات كتير بتدور المشكله ظهرت الاول اما العربيه بتبقي سخنه بس دلوقت بقت حتي وهي بارده بيحصل كده روجت لميكانيكي قالي مفيش حاجه دي الكتاوت بتاعة المارش فيها مشكله --مع ملاحظه ان لمبة البطارية مش منوره ولا حاجه والعربيه وهي ماشيه ادائها عادي جدا مفيش مشكله غير اما اجي ادورها
مش عارف ياريت اشوف اراء الخبراء بتوع المنتدي قبل مااروح لحد يلعب فيها

وشكرا

[cheetos_892005]

شكلها بطاريه عشان كده العدادات يتصفر

[mohamed SOBHI]

شكلها بطاريه عشان كده العدادات يتصفر

طيب هي ممكن البطارية يبقي فيها حاجه واللمبه بتاعتها ماتنورش

[gabrel]

ده عيب بطاريه وملوش علاقه باللمبه لان اللمبه دي بتاعة الدينامو لو فيه عيب .
وهي بدات تظهر والعربية سخنه علشان المراوح وهي شغاله بتسحب كهربا من العربية وبالتالي بتأثر على البطاريه .
حصلت معايا المشكله دي من شهر وانا عربيتي برضه 2010 فمتقلقش وغير البطاريه بس .

[mohamed SOBHI]

ده عيب بطاريه وملوش علاقه باللمبه لان اللمبه دي بتاعة الدينامو لو فيه عيب .
وهي بدات تظهر والعربية سخنه علشان المراوح وهي شغاله بتسحب كهربا من العربية وبالتالي بتأثر على البطاريه .
حصلت معايا المشكله دي من شهر وانا عربيتي برضه 2010 فمتقلقش وغير البطاريه بس .

اشكرك لردك
طيب البطاريه فيه انواع معينه ولا كله زي بعضه وايه الاسعار

[georgedada82]

اه حصل معايا ان البطارية باظت واللمبة ما بتنورش واعتقد بنسبة كبيرة اللمبة دي مش اكتيف يعني مع البطارية
وطالما العدادات صفرت وبتدور من رابع او خامس مرة وهي بتعتل معاك في التدويرة يبقي بطارية
الحل : هتروح عند اي كهربائي او بتاع بطاريات هيقيس لك شحن الدينامو ويقيس لك البطارية بس ده حسم المشكلة

[mohamed SOBHI]

شكرا جزيل لكل الناس الي ردوا والي كلهم فادوني
بالفعل روحت لكهربائي قاس علي البطارية مره والعربيه شغاله لاقاها تمام (تقريبا كده بيشوف الدينمو)
ومره تانيه والعربيه واقفه لقي البطارية في الضياع خالص وتم تغيير البطارية ببطارية فارتا الماني 60 امبير وقالي هي 60 وبتدي 70 مش متأكد من المعلومه دي ومش هتفرق لان العربيه 60
تمن البطاريه 550 بالتركيب واخد القديمة واداني ضمان ضد عيوب الصناعه
لله الحمد الوضع دلوقت اتظبط
شكرا مره تانيه

[shoma]

روجت لميكانيكي قالي مفيش حاجه دي الكتاوت بتاعة المارش فيها مشكله

اهم مافي الموضوع ان الميكانيكي يفتي في المشكلة ويعمل مشكلة تانية اكبر

[mohamed SOBHI]

اهم مافي الموضوع ان الميكانيكي يفتي في المشكلة ويعمل مشكلة تانية اكبر

ههههههههه ما احنا شعب ماينفعش يقول معرفش لازم الفتي
دا وصفلي واحد كهربائي تبعوا كمان اروحله يظبطلي الكتاوت

[a_krrarr]

لمبة البطارية

لمبة البطارية لاتدل علي حالها انما هي تدل علي حال الدينامو