ياااااااا سااااااتر على فتى الصنايعية !

[amr.elsayed]

اييييييييه دنييييييا
فين ايام ما كان الواحد بيروح التوكيل ويقعد كدة زى الباشا فى الكافيتريا ويطلب نسكافيه مع كرواسون
مع الواى فاى وتدخل على المنتدى تشوف لو حد عايز حاجة من التوكيل تسال عليها ... ايام يا جدع

لكن دلوقتى الواحد بيشوف حجات غريبة مع الصنايعية بعد ما بعد عن التوكيل بسبب الفلوس الكتير
اللى ممكن تفتح بيها كافتريا لوحدك

يعنى مثلا من ضمن الفتى بتاع الصنايعية الفظيع ودايما تلاقيها فى حجات صغيرة
1- الزيت ... معروف اننا بنحط 3.5 لتر زيت فى العربية ودة مش كلامنا دة كلام الكتالووج
الصنايعي بقى دماغه والف سيف لااااا دى بتاخد اربعة كيلو يا بيه تقوله يا عم اعمل اللى بقولك عليه
بس على مين لااااازم ينفذ اللى فى دماغه على اساس انك حتبوظ العربية وتيجى تكشف على الزيت تلاقى المقاس عامل top score .. يخرب بيتك

2- ماية الريداتير ... بمنتهى البرائة قولتله عايز اغير ماية الريداتير فى الاول كان حاضر يا فندم ومن عنينا
المهم شوية خلص شوية حجات فى العربية وطلعت وقفت برة المركز شوية المفروض مركز يعنى
الاقى المعلم ماسك ازازة كدة فيها ماية وبيكب منها على حاجة
انا قولت دة بيعمل ايه دة ؟ باين عليه بيغسل حاجة مكان زيت ولا حاجة .. روحت داخل عليه لاقيته بيحط ماية على ماية الريداتير
يا عم انا مش قولتلك عايزين نغير ماية ريداتير يرد بلاااااااااء (شوبير استايل) دى ماية الفبريكة
والماية دى تتزود بس وخسارة ويحسسك ان ماية الفبريكة دى ماية زمزم

3- قولت لازم ازاوله ... انسحبت من لسانى وقولتله عايزين نكشف على الفرامل ونسحب منها هوا
انا قولت حيرد عليا يقولى لااااااء دة هوا الفبريكة هههههههه بس افحمنى بصراحة
قالى العربية دى مش بيتسحب منها هوا !!!!! انا بصراحة دماغى لفت من الرد
عربية فراملها هيدروليك و زيت ايه اللى يخليها مش يتاخد منها هوا ؟!

ساعتها قولتله بااااااس كدة كفاية قفل بقى العربية دى حسابك كام يا عم .. لو شوفتنى معدى من اودام الشارع دة تانى اضربنى بالنار

[lidosasa]

ههههههههههه
بتفكرنى بمرة كنت بركب ريداتير جديد وقلت للصنيعي حروح أجيب مياه زرقاء من محطة موبيل على ما تخلص شغلك . قالى ليه يا أستاذ مية الحنفية حلوة وزى الفل قولت ليه لاء أنا عايز أحط مياه مخصصة للتبريد قالى خلاص طالما غاوى تصرف هات مية معدنية حطها للعربية يا ختى كميلة ليه يا عم هى العربية بطنها حتوجعها من مية الحنفية والمية المعدنية موصوفة ليها . دى فيها أملاح ودى فيها أملاح والأتنين بيعملوا صدأ ودرجة غليانهم واحدة بس تقول لمين

[amr.elsayed]

ماية معدنية ههههههههه
دة شوية شوية حيقولك هاتلها عصير جهينة هههه

[wassim_nasser]

مسخرة .. اللي انتو بتقولوه ده ببساطة يا سادة مسخرة .. ربنا يستر علينا و عليكم من فتى الصنايعية .. واحشنى يا رينجوووو

[amr.elsayed]

الله يخليك يا سمسم انت اكتر

[Silent~Dream]

يا باشا انت شوفت حاجه دى زى ما تقول عينات صغيره و مصر ما شاء الله فيها دار افتاء واحد و 90 مليون مفتى

[tamer61]

إزيك يا عموووووووووور واحشني جدا .......
الغريب إن إنت كنت في مركز مش مجرد ورشه عاديه ......... ولسا إللي جاي أحلي

[S O P H O S]

ههههههه ميه معدنية وكلام غريب

[amr.elsayed]

إزيك يا عموووووووووور واحشني جدا .......
الغريب إن إنت كنت في مركز مش مجرد ورشه عاديه ......... ولسا إللي جاي أحلي

حبيبى يا تمورة انت اللى واحشنى جدا والله
هم حاجة شبه مركز بس الظاهر مركز صيانة زى ما تقول مركز شباب

[amrezzat82]

ربنا يرحمنا من فتيهم و تخلفهم
ممكن يا جماعة تقولوا أسماء المراكز ديه عشان الواحد مايلبسش فيهم

[monamize4]

مينفعش يا باشا تسيب الصنايعى يشتغل ف العربية لوحده
لازم تتابع الصنايعى و هو شغال ف العربية

[Haitham Basha]

هههههههههههههههههههه و لسه ياما هنشوف دا إحنا في بلد العجائب ... المصري أم الأجنبي ...:)))

[gebreel]

هههههههههههههههههههه يا نهار فتي
زي بردو واحد صاحبي شاري قطع غيار من التوكيل قدامي و بالفاتورة لعربية لانسر و اداها للميكانيكي بيقله ركب دي
طلع فلتر الهواء من مكانه و بصله بقرف كدة و قاله بكام الفلتر ده رايح قايله قاله لييييييه ده مش اصلي، يابا ده انا جايبه من التوكيل يقلك مش اصلي يا عم الحج اصلي يقلك العلبة مش هتقفل عليه كويس فصاحبي قاله ركب و انت ساكت انا بحب اجيب لعربيتي حاجات مضروبة =)

[zeekas15]

طب وعملت ايه ياباشا فى الزيت الزياده الللى اتحط فى الموتور

[amr.elsayed]

طب وعملت ايه ياباشا فى الزيت الزياده الللى اتحط فى الموتور

جيبت سرنجة 20 مل وخرطوم رفيع وسحبت الزيادة من مكان المقاس
بصراحة قلقت انزل الزيت عند بنزينة قولت فى عقل بالى العملية مش ناقصة فتى اكتر من كدة
وطبعا مش حينفع انزل تحت العربية وافتح بنفسى حتبهدل بهدلة سودة فلاقيت الحل دة كويس روحت عامله وكله تمام