لوجان محتاجة فيتيس

[Dr.Rayyan]

نداء لأصحاب اللوجان الرحماء صديقي عربيته لوجان جابت فيتيس وبقاله تقريبا شهر بدور عليه ومش لاقيه وكله ييقوله هات الحلة بتاعت الفيتيس. واحنا هنوفقلك قلب فيتيس تاني بتاع رينو بس مش عارف يعمل ايه
محدش عنده فيتيس زيادة هههه

[Ahmed_Ramadan]

هو مش فتيس اللوجان هو بتاع Megane 1 و لا المعلومة ديه كانت غلط ؟!

[Dr.Rayyan]

مش عارف الصراحة انا اسمع كده بس خلينا نشوف رأي اصحاب العربيهالجمعة

[wassim_nasser]

خليه يوصل صقر قريش هايلاقي كل اللي هو محتاجه جديد و استيراد أو الحرفيين

[Dr.Rayyan]

خليه يوصل صقر قريش هايلاقي كل اللي هو محتاجه جديد و استيراد أو الحرفيين

مش موجود ف صقر
كله قاله هجبهولك ب 4 4.5 كمان يومين وبعدها يقوبه مش موجود

[semsem8080]

كلم الرقم ده هو عنده ده اسمه محمد ناجي ميكانيكي رينو من اسكندرية الجروب علي الفيس كله بيتعامل معاه فتيس اللوجان عامل 5000 وفي فتيس ميجان بيركب علي اللوجان عامل 2000 ده الرقم
01147663310
01001164880

[mhDeeb]

هو الفتيس اتو والا مانيول وعمل كام كيلو علشان يتغير

[Dr.Rayyan]

الفيتس مانيوال والعيب اللى شفته قبل كده كاوتشه كوبلن بتتقطع على طريق سفر فضت الزيت كله من الفيتس واتحرق من غبر مقدمات

[Dr.Rayyan]

العربيه 2011 ماشيه 80 الف بصراحه عربيه فاشله

[georgedada82]

العربيه 2011 ماشيه 80 الف بصراحه عربيه فاشله

طب احكي لنا ازاي اتقطع علي طريق سفر وايه دخل زيت الجيربوكس بكاوتشة الكوبلن
وبرضو احكي لنا ازاي عربية فاشلة من حيث ايه يعني في نقاط سريعة بحيث نتعلم وناخد حذرنا ؟

[wassim_nasser]

يا سيدي الفاضل فتيس اللوجان نفس فتيس الميجان و موجود ب 4000 أو 4500 عند محمد ناجى برازيلى و ده رقمه 01147663310 - 01001164880

[wassim_nasser]

وفيه واحد يقعد ماشى بعربية بعد ما جلدة الكوبلن تتقطع ؟ طب ماشافش بحيرة الزيت اللي تحتها ماشى .. كمان ماسمعش طقطقة الكوبلن من الخشونة ؟

[Ahmed_Ramadan]

هو إيه علاقة كاوتشة الكوبلن (الخارجى) بالكوبلن الداخلى اللى راسه جوا الفتيس !!!

[Dr.Rayyan]

استهدو بالله دي مجرد آراء
ده اللي حصل مع صاحبي على حسب ما حكالي معاه مراته وبنته ماشي 120 على اسكندريه الصحراوي بعد المغرب مرة واحدة الخامس نطر وبقت العربية متموره بيديها خامس تاني سمع صوت خبط وحديد بياكل ف بعضه ولولا ستر ربنا بعنله تاكسي يقطره القرب بنزينه لحد ما حالة ونش لحد القاهرة
الميكانيكي قاله القصة بتاعت كاوتشه الكوبلن الداخلي انقطعت فصفت الزيت والفيتس مات
انا مش هاتكلم على فنيات لاني ما اعرفش هل كاوتشه الكوبلن الداخلية تسرب الزيت بالطريقة دي ولا لا
اللي أعرفه اني شاري عربيه من المفترض أنها من الفئة الاقتصادية افاجا أن الفيتيس ب 5الاف واستيراد! آمال لو كانت مكنه بفيتيس وأدوات تغذية هتبقى ب 20 الف الغريبة انه مستسلم لأنه يجيب فيتيس ب4 ولا 5 وبرضه مش لاقيه وبعدين دي يا جماعة 2010 ما كملتش 3 سنين ده انا فيتيس بتاع اللانوس يدوب ب 10 ف الميه من تمن اللوجان 600 جنيه وعايزني اقول مش فاشلة متحاولوش تقنوعوني بالعكس إلا بارقام

[BLACKVERNA]

نفس المشكله حصلت مع واحد صاحبى من سنه تقريبا و كنت حكيت عن مشكلته هنا فى المنتدى

و راح صلحها فى التوكيل و الفتيش كان جديد زيرو بالضمان ( 100000 كم ) من تاريخ التركيب

و كان تمنه 6800 جم قبل الضريبة

و الحمدلله ركبه فى التوكيل و العربية ماشية كويس من ساعتها

و ربنا يوفق الجميع