سعر رفرف أمامي سانديرو 2013

[akamoshi]

من فضلكوا لو حد يعرف سعر رفرف أمامي سانديرو اوتوماتيك 2013
في التوكيل وبره التوكيل لو سمحتوا

[romyo_eg]

بص ياباشا انا جبت رفرف امامى يمين بـ 190 جنيه من التوفيقيه ومحفور عليه انوا كورى الصنع بس انا عربيتى لوجان سيدان معتقدش ان رفرف الساندريو هيكون اغلى شوف عند جمال البدرى اللى في التوفيقيه حتى لو تتصل بيه بالتليفون هات نمرته من الدليل

[mhDeeb]

بص ياباشا انا جبت رفرف امامى يمين بـ 190 جنيه من التوفيقيه ومحفور عليه انوا كورى الصنع بس انا عربيتى لوجان سيدان معتقدش ان رفرف الساندريو هيكون اغلى شوف عند جمال البدرى اللى في التوفيقيه حتى لو تتصل بيه بالتليفون هات نمرته من الدليل

ربنا يطمنك معنى كدة أن الاسعار بدأت في النزول للأسعار المعقولة ودى بداية مبشرة بالخير

[gebreel]

بص ياباشا انا جبت رفرف امامى يمين بـ 190 جنيه من التوفيقيه ومحفور عليه انوا كورى الصنع بس انا عربيتى لوجان سيدان معتقدش ان رفرف الساندريو هيكون اغلى شوف عند جمال البدرى اللى في التوفيقيه حتى لو تتصل بيه بالتليفون هات نمرته من الدليل

ده كدة ممكن يبقى ارخص من سمكرته في بعض الاحيان =)

[romyo_eg]

انا فعلا لما حبيت اسمكره السمكرى قالى انو حيتكلف حوالى 150 جنيه سمكره ورش ومش هيرجع زى الاول لان الرفرف فيه سوكه حاده بطول الرفرف فمش هتطلع مظبوطه اوى يعنى ونا بالصدفه كنت في التوفيقيه مع احد اصدقائى قبل العيد بنجيب حامل اكواب ومعطرات للعربيه وشويه حاجات لزوم العيد والسفر بالعربيه سالت عند جمال البدرى قالى 190 ومن غير فصال وكمان لقيته محفور عليه كلمه تيوانى قبل ميكمل كلامه كنت دافع الفلوس ومن ساعتها ونا متردد اركبه ولا لا علشان القديم مش مسببلى مشكله ومش عاوز افك مسامير الفبريكه بتاعت الرفرف قولت لما يتخبط تانى او يجراله حاجه ابقى اركبه

[akamoshi]

أنا اتصلت بيه فعلاً وقالي انه بيكلف حوالي من 200 - 250 جنيه تايواني بس أكيد ده من غير رش

أنا عايز أعرف هيكلفني كام كله لو عملته في التوكيل لأن لو الفرق بسيط أغيره في التوكيل أحسن
لأني لما وريت الخبطة للسمكري قالي هتكلف حوالي 250 جنيه من غير الرش

[akamoshi]

بصراحة يا جماعة أنا محتار أصلحه ولا أغيره

أنا سألت في التوكيل قالي سعره 770 وهيكلف رش وتركيب حوالي 700 جنيه طبعاً كتير

وسألت عند واحد اسمه عمران في الحرفيين قالي التايواني هيعمل حوالي 500 جنيه ومش موجود عنده دلوقتي

ايه رأيكوا أصلحه وخلاص مؤقتاً ولا أشتري جديد