حكة في الفرامل

[sarahaziz]

السلام عليكم

انا لسة مستلمة العربية الوجان اتوماتيك النهاردة ومشيت بيها بس لما بهدي خالص بسمع صوت حكة في الفرامل دا عيب فرامل و لسة العربية عايزة تلين انا كلمت التوكيل وقالولي عايزة تلين مش تقلقي بس ياريت تفيدوني .

[Dr.Karim Emam]

استني لما التيل يطبع على الطنابير و الصوت ده هيختفي ان شاء الله
و ألف مبروك على العربية

[mohmmedzohier]

السلام عليكم

دا عيب اللوجان التيل البايظ
ولو روحتى بعد ال1000 كيلو هيقولك احنا بنغيره قبل الالف

ولو روحتى قبل الالف هينطفو ويومين وهتلاقي الصوت رجع تانى مش هو دا المشكله

المشكله انه نازل فيه عيب تصنيع وساعات تلاقى العربيه بتزحف منك دا غير الكاوتش

معلش للازم اقولك الحقيقه الف مبروك

[mohmmedzohier]

السلام عليكم

دا عيب اللوجان التيل البايظ
ولو روحتى بعد ال1000 كيلو هيقولك احنا بنغيره قبل الالف

ولو روحتى قبل الالف هينطفو ويومين وهتلاقي الصوت رجع تانى مش هو دا المشكله

المشكله انه نازل فيه عيب تصنيع وساعات تلاقى العربيه بتزحف منك دا غير الكاوتش

الحل تروحى التوكيل الافرع الرئيسه تتخنقى معاهم جامد هما هناك بيتعملو كدا

معلش للازم اقولك الحقيقه الف مبروك

[A.Saad]

مبروك

[ahmedjemy]

مبروك عليكي العربية وربنا يجلب عليكي خيرها ويكفيكي شرها . حاولى تمشي وتستعملى الفرامل شوية لحد ما الفرامل تطبع بس لو لقيتي الصوت ما بيهداش اتصلى واحجزي فى التوكيل يعملولها صيانة . لو تعرفى حد بيعرف فى العربيات خلية يسمع الصوت ويقولك رأية .

[jericho]

موضوع التيل الي بيصفر ده بس علشان كلامنا يبقي واضح انا عربيتي موديل 2011 واول مرة اسمع عن موضوع ان التيل بيصفر ده وانا علي فكرة مجرب تيلين يعني غيرته من كام شهر وجبت واحد من التوكيل وركبته بره مسمعتش صفارة عمري الا لو التيل قرب يخلص فا ممكن نقول انه بيحصل لناس وناس انما نعمم ونقول ده عيب فيها والتيل عاما بايظ انا محصليش الموضوع ده نهائيا العربية بقالها معايا 3 سنين عمري ما اشتكيت من التيل الاصلي طبعا

[mohmmedzohier]

السلام عليكم

خش على جروب اللوجان وشوف الناس بتشتكرى ازاى .ولما هى تروح التوكيل هتقولها عشان العربيه اوربى وهما بيعملوا التيل من ماده تحافظ على البيئه فلازم تصفر

[jericho]

خش على جروب اللوجان وشوف الناس بتشتكرى ازاى .ولما هى تروح التوكيل هتقولها عشان العربيه اوربى وهما بيعملوا التيل من ماده تحافظ على البيئه فلازم تصفر

استاذي العزيز بس حضرتك علشان تبقي فاهم موضوع بيحافظ علي البيئة ده تيل اللوجان زيه زي كل العربيات الاوربي بيتعمل من مواد خالية من الاسبستوس وهتلاقي اي تيل لعربية اوروبي انشالله حتي الفليشيا هتلاقي مكتوب عليه non Aspestos وده ملوش علاقة بموضوع الصفارة اطلاقا دول كده بيحوروا وكمان حضرتك انا بحكي تجربة مش كلام مسترسل يعني مش بقولك سمعت انا بقولك العربية بقالها معايا 3 سنين واقسم بالله التيل عمره ما صفر الا التيل الاولاني صفر لما خلص وغيرته واشتريت من التوكيل والله ما صفر ده كمان مش معقول صدفة معايا مرتين تيلين مبيصفروش متقوليش بقي خش فين ومش عارف ايه ما في ناس اشتكت من دراع النور انه بيبوظ باظ عند ناس وناس محصلش معايا مثلا انا قصدي بلاش نعمم