كاوتش لوجان

[amir872]

السادة محبى اللوجان
كنت عاوز اخد رائكم فى شراء كوتش جديد للعربية و متحير جدا فى الانواع.يا ترى اية النوع المناسب فى السوق دلوقتى و يكون سعرة معقول
كمان سؤال . العربية عاملة 40000 كيلو يا ترى اغير تيل الفرامل للاربع عجلات و اية النوع الكويس اللى فى السوق و فى حدود كام ؟

[khalidkhalifa]

بالنسبة للكوتش بريدجستون Turanza AR10 مقاس 15/65/185
وده تقريبا سعرة 550 جنية

[amir872]

اشكرك كتير على الرد
بس انا اللى اعرفه ان البردجستون سعره اعلى من كدة كتير
و فى ناس كتير بتشكر فى كيموهو الفيتنامى . اية رائيك هو ولا البريلى او هانكوك

[khalidkhalifa]

انا قلتلك على الى اعرفه هو كان اندونيسى الصنع وبيتهيقلى كده سعره معقول

[saddam]

صديقي المواطن
قولا واحدا
بالنسبة للتيل فتشتري طقمين أمامي وخلفي ولما تسمع الصفارة تغيرهم على طول وممكن بالنظر تعرف التيل خلصان ولا لسه بس خليه عندك إحتياطي من دلوأتي ولو أنت ذو سعة من المال فخدلك أكثر من طقم وحطه في البيت بدل ما تضرب مشاوير ساعة ما تعوزه
بالنسبة للقول الفصل بتاع الكاوتش
أفضلهم يوكوهاما ياباني
بعدها أي كاوتش صناعة ماليزية بيطلعوا كاوتشات وهم ﻷنهم بلد المطاط وتهمهم سمعتهم
بعدها تركب كاوتش لاسسا التركي ده كاوتش طري وبيستحمل خدمات شاقة

وإياك وأنصحك باﻹبتعاد عن كل كاوتش كوري لا كومهو ولا هانكوك ولا غيره وإبتعد عن التويو الياباني وإبعد عن جود يير وبلاش أي كاوتش فيتنامي وبلاش دنلوب وبلاش أي كاوتش أندونيسي
كلامي عن تجارب في مئات العربيات
وبالتوفيق وإلى اﻷمام ومن نصر إلى نصر
ودمتم للنضال

[adel_edrees]

بس ياسيدى بعد فحص و دراسة و أستطلاع للأراء وجدنا أن أحسن حاجة يمكن المفاضلة فيما بينهم هي
1 bridgestone turanza gr90 السعر 721 جنيه من فيت أند فيكس
2 yokohama c drive السعر 490 جنيه من عبده أمين اللى في المعادى
ما تدورش بعد كده لأن ممكن كاوتش يكون عالى قوى زى البيريللى و لكن لأا يعطى النتائج المرجوة مع الموديل ده من رينو طبعا لو ميزانيتك تجيب البريدجستون هاته و لو مستعة شوية هات البوكوهاما ما فيش بديل ثالث للأسف هما دول أنسب حاجة

[hossam eldeen]

بالنسبة للكوتش بريدجستون Turanza AR10 مقاس 15/65/185
وده تقريبا سعرة 550 جنية

هو ايه دا يا باشا اللي سعره 550 جنيه !!! حضرتك الاسعار دي قديمه جدا من سنتيين تلاته تقريبا , دلوقتي حضرتك المقاس دا فالبريدجستون عامله 750 جنيه لسه سائل عليها امبارح في fit and fix في عباس العقاد ,, الله يرحم ايام ما كنت ب 550 والله كانت ايام حلوه ,

[Ahmed A Rahman]

ونرزع الاسطنبة بتاعتي بتاعة كل مرة



خد بقى الخلاصة من صاحبك عشان حيغير للمرة الثانية
حتكلم على مقاسات الكاوتش الموجودة في مصر

Bridegstone TUranza GR90 سعره730 جنيه
بعد خصم المنتدى بيبقى ب 680 جنيه
ناعم, ميا, مش عايز حد سواقتة مجنونة , محتاج متابعة, روتيشن, ترصيص وهكذا لان الفردة طرية
بس في النهاية انت ماشي على ريش نعام وفرامل اكتر من رائعة
عامل عليه لحاد الآن 68 الف كيلو ولسه شكله حيقعد لحاد 75 الف كيلو
معمول بتكنولوجي انه لا يفقد خواصه مع تآكل الكاوتش



Kumho KH17 ده المقاس الوحيد من كومهو اللي يمشي مع اللوجان سعر الفردة 420 جنيه
بينزل في معظم العربيات الكوري تقدر تسأل نص المنتدى عليه
نختصر الكلام ونقول متوسط في كل شيء
معتقدش يقعد اكتر من 40 الف كيلو



Michelin energy saver سعره 550 جنيه
كان بينزل في اللوجان استوك زمان
عجلة واخدة تقييمات عالية على كل المواقع
Low rolling resistance يعني بيوفر في البنزين عشان بيدور بسهولة
فرامله المفروض كويسة
عمرة الافتراضي عالي زي البريدجستون



Michelin XM2
عجلة محدش لسه جربها في اللوجان سعرها 550 جنيه
ساعات يتقال انها احسن من energy saver وساعات يتقال العكس



Pirelli
Prielli Centurino P1 عجلة سألت عليها في التليفون
دخلت اشوفها على النت
قررت مشتريهاش !!!

اللي كان نفسي اركبها في اللوجان بس ملقيتهاش في مصر
KUMHO ECSTA LX PLATINUM KU27
عجلة خرافية في كل شيء, الراحة الامان الفرامل



اللي انا قررت اركبه كمان كام الف بعد طول بحث
YOKOHAMA C DRIVE
عجلة فيها كل مميزات ال KUMHO ECSTA
ياباني
فرامل رائعة
مريحة
بتمتص الصدمات
ارخص من البريدجستون
سعرها عامل حوالي 550 في المعادي و600 في مدينة نصر
توكيلها غبور


ايه رأيك

[adel_edrees]

ونرزع الاسطنبة بتاعتي بتاعة كل مرة



خد بقى الخلاصة من صاحبك عشان حيغير للمرة الثانية
حتكلم على مقاسات الكاوتش الموجودة في مصر

bridegstone turanza gr90 سعره730 جنيه
بعد خصم المنتدى بيبقى ب 680 جنيه
ناعم, ميا, مش عايز حد سواقتة مجنونة , محتاج متابعة, روتيشن, ترصيص وهكذا لان الفردة طرية
بس في النهاية انت ماشي على ريش نعام وفرامل اكتر من رائعة
عامل عليه لحاد الآن 68 الف كيلو ولسه شكله حيقعد لحاد 75 الف كيلو
معمول بتكنولوجي انه لا يفقد خواصه مع تآكل الكاوتش



kumho kh17 ده المقاس الوحيد من كومهو اللي يمشي مع اللوجان سعر الفردة 420 جنيه
بينزل في معظم العربيات الكوري تقدر تسأل نص المنتدى عليه
نختصر الكلام ونقول متوسط في كل شيء
معتقدش يقعد اكتر من 40 الف كيلو



michelin energy saver سعره 550 جنيه
كان بينزل في اللوجان استوك زمان
عجلة واخدة تقييمات عالية على كل المواقع
low rolling resistance يعني بيوفر في البنزين عشان بيدور بسهولة
فرامله المفروض كويسة
عمرة الافتراضي عالي زي البريدجستون



michelin xm2
عجلة محدش لسه جربها في اللوجان سعرها 550 جنيه
ساعات يتقال انها احسن من energy saver وساعات يتقال العكس



pirelli
prielli centurino p1 عجلة سألت عليها في التليفون
دخلت اشوفها على النت
قررت مشتريهاش !!!

اللي كان نفسي اركبها في اللوجان بس ملقيتهاش في مصر
kumho ecsta lx platinum ku27
عجلة خرافية في كل شيء, الراحة الامان الفرامل



اللي انا قررت اركبه كمان كام الف بعد طول بحث
yokohama c drive
عجلة فيها كل مميزات ال kumho ecsta
ياباني
فرامل رائعة
مريحة
بتمتص الصدمات
ارخص من البريدجستون
سعرها عامل حوالي 550 في المعادي و600 في مدينة نصر
توكيلها غبور


ايه رأيك

أنت جبت المفيد و من الأخر بريدجستون او يوكوهاما

[midon1]

ومن الاخر بقي علشان خاطر الحبايب
لو هشتري اما بريدجستون اويوكوهاما
اجيب ايه ؟؟؟؟؟؟ علي اساس ان السعر مش هيفرق ان شاء الله يعني

[adel_edrees]

و الله الواحد محتار يقول لحضرتك أيه لكن البريدجستون طبعا و بلا منازع نمرة واحد

[amir872]

بشكركم كتير يا جماعة انتو بجد افدتونى كتير
بس المشكلة انى قاعد فى الغردقة و بصراحة ماسمعتش عن اليوكوهاما هنا... و الله اعلم
الموضوع التانى. لو تيل الفرامل .هل فى تيل معين اشترية خاص بالرينو ؟
و لما اغير .اغير الاربعة افضل مع بعض؟
و تقريبا فى حدود كام
بشكــــــــــــــــركم

[ayman1204]

فردة كاوتش بلتس تركى جيدة ب 390 جنية
اسال عليها

[adel_edrees]

في تيل أسبانى أسمه ريمسا واحد صاحبى جربه و قاللى كويس و الله أعلم

[hossam eldeen]

بريدجستون لا تقارن يا ابو الكباتن ,,, توكل علي الله بس بلاش تجبها من فيت اند فيكس عباس ,,