أنا فى حيرة شديدة: الاليزيه ولا رينو داستر

[esammam]

السلام عليكم

أفيدونى فى شراء سيارتى الجديده، أنا معى لوجان ومبسوط من التوكيل عشان كده بفكر فى الداستر وفى نفس الوقت الاليزيه ليها جاذبية خاصة بس قلقان جدا جدا من عز العرب، عايز أسمع أرائكم :)

[adel_edrees]

أنا عايز أقول لحضرتك على حاجة مهمة جدا توكيل عز العرب هو سبب رئيسى في وفاة ال بروتون و السيتروين في مصر توكيل يمثل أسوء التوكيلات في الأدارة سواء تسويق أو قطع غيار لو حضرتك عايز اليسيه البديل بتاعها موجود 301 اسم بيجو في مصر أحسن من سيتروين و العربيتين من شركة واحدة نفس كل حاجة الموتور و الشكل الخارجي مقارب لبعض لكن الداستر دى قصة أخرى أنا راى بلاش الاليسيه و هات 301 العربيىة دى حتكسر الدنيا عربية فرنساوى بتقفيل أسبانى رغم أن الوكيل مش كويس قوى يعنى لكن أحسن من عز العرب مليون مرة

[wassim_nasser]

بص حضرتك انا اصلا متحمس لرينو و من عشاق الداستر .. طبعا .. عربية عالية عن الأرض .. واسعة جدا صالون وشنطة .. تجميع و سرعة .. إتزان .. 4*4 .. اللون النحاسى منها جذاب و ساحر .. يعنى شبابي تمشى و عائلية برضه تمشى و توكيلها وقطع غيارها كويسين .. بس يعيبها انها من جوة تابلوه اللوجان .. بس هافاجئك و اقولك انى محتار اكتر منك .. الستروين ايليزيه برضه عربية جميلة و اسم ستروين يشرف اي عربية .. وانا اتعودت الحاجة اللي تخطف عينى وارتاحلها تبقي بتاعتي وحتي لو قابلت مشاكل معاها بعدين هاتحملها وانا راضي انما لو عربية مش مرتاحلها هاتلكك و اطلع فيها عيوب للصبح .. انت صلي استخارة و حدد احتياجاتك .. ان كنت عايز أداء قوى في السفر و راحة و اناقة و ماركة هات الستروين .. ان كنت بتخاف من التوكيل و عايز عربية عائلية موفرة ف قطع الغيار هات الداستر و الأهم من كدة تكون مرتاحلها نفسيا ..

[esammam]

شكرا على ردودكم جميعا

أنا نسيت أوضح حاجتين:
أولا: أنا فكرت فى ال 301 الأول عشان أبعد عن عزالعرب بس المشكلة إنها وصلت 140 ألف تسليم فورى أو الانتظار شهرين فى نفس الوقت أنا قدامى فرصة أجيب الاليزيه تسليم فورى ب 130 ألف (بس لازم أأكد الحجز النهارده)

ثانيا: قدامى فرصة أجيب الداستر يوم السبت بخصم ألفين جنيه على الأقل

عشان كده أنا محتار :(

[esammam]

بص حضرتك انا اصلا متحمس لرينو و من عشاق الداستر .. طبعا .. عربية عالية عن الأرض .. واسعة جدا صالون وشنطة .. تجميع و سرعة .. إتزان .. 4*4 .. اللون النحاسى منها جذاب و ساحر .. يعنى شبابي تمشى و عائلية برضه تمشى و توكيلها وقطع غيارها كويسين .. بس يعيبها انها من جوة تابلوه اللوجان .. بس هافاجئك و اقولك انى محتار اكتر منك .. الستروين ايليزيه برضه عربية جميلة و اسم ستروين يشرف اي عربية .. وانا اتعودت الحاجة اللي تخطف عينى وارتاحلها تبقي بتاعتي وحتي لو قابلت مشاكل معاها بعدين هاتحملها وانا راضي انما لو عربية مش مرتاحلها هاتلكك و اطلع فيها عيوب للصبح .. انت صلي استخارة و حدد احتياجاتك .. ان كنت عايز أداء قوى في السفر و راحة و اناقة و ماركة هات الستروين .. ان كنت بتخاف من التوكيل و عايز عربية عائلية موفرة ف قطع الغيار هات الداستر و الأهم من كدة تكون مرتاحلها نفسيا ..

شكرا على رأيك، بس انت زودت حيرتى :)

ياريت يا أستاذ وسام لو أخدت قرار بلغنى بيه

[adel_edrees]

أبعد عن السيتروين و عز العرب و خلاص طالما أنت مقرر هات الداستر عربية جميلة وقوية وعالية عن الأرض
وبرضه بيجو 301 هو ده الكلام

[hugan]

شوف احتياجاتك من العربيه
لو عايز عربيه عاليه
وحدد هدفك انها المناسبه ليك ولطبيعه سكنك وشغلك
ولا عربيه سيدان
لوسيدان بيجو 301

[wassim_nasser]

الداستر اعلي فئة أو الإليزيه .. لكن 301 في رأيى غالية علي امكانياتها العادية .. انا عارف ان الأليزيه لها سحرها لكن الداستر توكيلها احسن و امكانياتها اقوى .. وبرضه انت حدد احتياجاتك .. عايز اناقة و راحة و ركوبة نضيفة هات الستروين عايز حاجة حمالة قسية هات رينو

[adel_edrees]

الداستر اعلي فئة أو الإليزيه .. لكن 301 في رأيى غالية علي امكانياتها العادية .. انا عارف ان الأليزيه لها سحرها لكن الداستر توكيلها احسن و امكانياتها اقوى .. وبرضه انت حدد احتياجاتك .. عايز اناقة و راحة و ركوبة نضيفة هات الستروين عايز حاجة حمالة قسية هات رينو

ماعلش هو أيه الفرق بين 301 و الأليزيه الأتنين بيخرجوا من مصنع واحد تابع لمجموعة p.s.a المالكة لبيجو و سيتروين أسبانيا و ما فيش فرق في الكماليات كل مافى الأمر أن سيتروين من أيام جاك و بعده عز العرب سوئوا سمعة العربية بالأضافة ألى كده مجموعة p.s.a بتعتبر أن سيتروين أرقى من بيجو فممكن تكون فيها شوية كماليات صغنتتة في التقفيل للتأكيد على رقى السيارة عن أختها البيجو علشان كده دايما الناس تفضل بيجو عن سيتروين علشان الوكيل و بسبب السمعة التي أكتسبتها بيجو فى فترة تواجدها بمصر وعلشان كده هي أغلى من السيتروين بـ 5 الى 10 ألاف جنيه عموما ده مش موضوعنا أنا برضه بأرشح لحضرتك الداستر لأنها راكنة أدام بيتى على طول وأنا متابعها عربية داهية و تقيلة وواسعة و شكلها حلو و شيك على فكرة فيها حاجة غايظنى أن صوتها أهدى من صوت اللوجان ما أعرفش ليه

[wassim_nasser]

البيجو 301 حلوة أول فئة ب 107 وامكانياتها علي أد سعرها لكن 140 كتير أوى عليها .. لو حد تعرفه معاه 301 جرب تسوقها و تعالي قولي انطباعك عنها

[wael30003]

ترأى فى اى عربية
اشترى التوكيل قبل ما تشترى العربية

[wael30003]

الداستر من بره شكلها رائع

[wael30003]

رسيت على ايه ...ياريت تقولنا؟

[islam.3bada]

مش عارف ليه حاسس العربيتين مينفعش يتقارنو مع بعض
دى حاجة ودى حاجة

ربنا يوفقك لاختيار الافضل
___________
اخوك اسلام من ملاك الاليزيه واى سؤال تحت امرك

[Super_Star_h]

طالما رينو او سيتروين
يبقى السيتروين طبعآ شكلها اشيك وصالونها وتقفيلها جميل
الداستر شكلها وتقفيلها مش حلو زي اللوجان بالضبط
وممكن تزود شويه وتجيب الكارينز يبقى افضل
عربيه محترمه وقطع غيارها متوفره فى كل مكان