حد جرب جنوط للوجان؟؟

[elsokily]

صباح الخير لكل باشوات اللوجان

من متابعتى لبعض المواضيع عن ثبات اللوجان و عمود الاتزان و الكاوتش فكرت ان ممكن 80% من المشكله دى الحل بتاعه هو انك تقلل ارتفاع العربيه و فكرت فى جنط 16 مثلا مع كاوتش محترم مع تقليل ارتفاع العربيه شويه و ممكن بردو نقلل ارتفاع العربيه على الجنط الاصلى ...طبعا ممكن الفكره دى حتضيع جزء من ميزه اللوجان مع المطبات و الحفر بس بردو الثبات حلو مفيش كلام

حد جرب الفكره دى قبل كده ؟؟؟؟ او حد شاف لوجان معمول فيها كده ؟؟؟؟

[karimnet]

انا مركب بس 15 زى الستوك

[elsokily]

انا مركب بس 15 زى الستوك

على نفس الارتفاع ولا نزلتها شويه ؟؟؟ و هل حسيت بفرق ؟؟؟

[wassim_nasser]

انا رأيى ان علو العربية مش هو سبب عدم الإتزان و الدليل علي كدة ان البي إم إكس و الجيب شيروكي أعلي و مع ذلك الإتزان أفضل .. القصة قصة ميكانيكا و بالنسبة لحكاية تكبير الجنط فانا لا أحبذها لأن هايبقي فيه تأثير علي العفشة و الأفضل تعريض الكاوتش مع تقليل السمك وده اللي هاعمله بإذن الله قريب

[elsokily]

انا رأيى ان علو العربية مش هو سبب عدم الإتزان و الدليل علي كدة ان البي إم إكس و الجيب شيروكي أعلي و مع ذلك الإتزان أفضل .. القصة قصة ميكانيكا و بالنسبة لحكاية تكبير الجنط فانا لا أحبذها لأن هايبقي فيه تأثير علي العفشة و الأفضل تعريض الكاوتش مع تقليل السمك وده اللي هاعمله بإذن الله قريب

مينفعش نقارن بين الناس دى و اللوجان دوول حماده و احنا حماده تانى خالص
الناس دى بتعتمد على هندسه تانيه و انظمه تعليق تانيه و عشان كده كانت فكره الجنط دى و كمان مش حيكون افتراا دة مقاس أكبر بوصه واحده

[falcon44]

هتشككونى ليه بس يارجاله ماله ثبات اللوجان ؟؟؟
انا كنت بفكر اشترى العربيه وبقارن بينها وبين الفيرنا واللانوس والساجا
وعارف كويس ان الفيرنا اقل واحده فى الثبات وبعدين اللانوس
لكن فى اراء كتيره بتتكلم على ثبات افضل للساجا عن اللوجان وفى اراء تانيه بتعكس الكلام ده
واراء تانيه بتقول ان اللوجان ارخص واكتر اعتماديه فى الكماليات وان الساجا قطع غيارها اغلى
انا اتشتت جدا وبعدين لما قريت الكلام بتاعكو اتصدمت وخوفت ومش عارف اعمل ايه
تنصحونى بايه يارجاله وياريت لو حد يقولى اخر اسعار اللوجان مانوال لانى مش عايز اوتماتيك

[midon1]

يعني ايه اعرض الكاوتش واقلل السمك ؟؟
يعني يبقي مقاس كام ؟؟
ودي هتفرق في ايه ؟؟؟

[wassim_nasser]

يعني ايه اعرض الكاوتش واقلل السمك ؟؟
يعني يبقي مقاس كام ؟؟
ودي هتفرق في ايه ؟؟؟

اعرض الكاوتش يعنى الجزء الملامس للأرض بدل مايكون 185 ملم يبقي 195 أو 205 .. وده بالتالي هايجبرك تقلل ال ( aspect ratio ) اللي هانسميه مجازا السمك بدل مايكون 65 هايبقي 60 و ده عشان نفضل محتفظين بنفس العزم و خفة الباور بس حته تعريض الكاوتش دي هاتدينا ثبات احسن للعربية

[walidzakzok]

عادي ياباشا ركب جنط 16 اي عربية ى العالم ممكن يركبلها جنط غير مقاس الفبريكا

[midon1]

معلش استحملوني شويه علشان الموضوع ده عاملي قلق شويه
انا جاهز اشتري جنوط وكاوتش بريدجستون ياباني جديد بقالي فتره لكن مش عارف اشتري علشان موضوع المقاس ده
انا معايا سانديرو 2013 اوتو
اخر كلام بقي
اجيب جنط نوع ايه ؟؟ ده لو النوع يفرق ومقاس كام ؟؟؟ وعلي هذا اجيب مقاس الكاوتش كام ؟؟
مع العلم انا مغير كل ده علشان الثبات وتحسين جوده الفرامل وفي نفس الوقت مش عاوز العب في العفشه والباور والكلام ده

افيدوني افادكم الله ؟؟

[wassim_nasser]

المشكلة بس في موضوع الكاوتش انه لازم يتعامل بحرص شوية لأن فروق مليمترات بتأثر علي العربية جامد .. يعنى لو هاتركب نفس مقاس الجنط الحالي 15 - 65 - 185 .. وفيه مقاس تانى الأعضاء جربوه وماحدش اشتكي منه 60 - 195 .. وانا بإذن الله ناوى اركبه أو اغامر واجرب 60 - 205 عشان أزود الثبات .. أما لو قررت تغير مقاس الجنط ل 16 فا احسن مقاس يمشي عليه 55 - 195 و ده عشان نفضل محتفظين بنفس العزم و مايحصلش تأثير علي العفشة او غلط في قراءة عداد السرعة

[wassim_nasser]

بالنسبه لقوة الفرامل فا دي تعتمد علي نوع الكاوتش المستخدم و كانوا الأعضاء هنا استقروا علي نوعين bridgestone turanza gr90 و نوع yokohama c drive و النوعين كويسين في تجميع الفرامل

[midon1]

شكرا ياباشا علي الرد المحترم والسريع
يعني في الخلاصه كده احسن حاجه اجيب جنط نفس المقاس 15 65 185 وعليهم بريدجستون تورانزا
تمام كده ؟؟؟

[wassim_nasser]

بالظبط كدة

[karimnet]

و انا مركب التورانزا و معرضه فعلاً و حتحس بفرق رهيب